“Ditën që vdiqa, u ndjeva i gjallë”- botohen poezitë e Sokol Olldashit

Familja e Sokol Olldashit ka botuar një përmbledhje me poezitë e tij.

Pa asnjë pikë hidhërimi

Që kënaq veç hipokrizinë tuaj,

Ju njoftoj se unë kam vdekur.

E pikërisht në këtë çast,

Për herë të parë ndihem i gjallë,

Trup,

Real

Kjo është një prej poezive të Olldashit, e cila përqesh vdekjen, por dhe hipokrizinë e njerëzve në rast vdekjesh.

“Unë dhe Unë”- Poezi 2013 (botues “Gent-grafik”).

Kështu titullohet vëllimi poetik që del në libraritë e kryeqytetit, me autor Sokol Olldashin, raporton “Panorama”.

Kjo përmbledhje poezish, dedikuar jetës, dashurisë, dhimbjes, vetmisë, ndarjes, vdekjes, hipokrizisë, kotësisë, paraprihet nga një parathënie e shkrimtarit Dritëro Agolli.

Ai vlerëson shpirtin rebel të poetit, muzikalitetin e vargut edhe pse në shumicën e herëve ai është aritmik e ametrik.

Agolli ka thënë se ka pasur një njohje me familjen e Olldashit që në kohët kur Dashnor Mamqi ishte kryeredaktor i gazetës “Zëri i Popullit”.

“Poezitë m’i solli ime bijë, Elona. Më kërkoi t’i lexoja. Më pëlqyen”, thotë Agolli, i cili shprehet se ka qenë mik me Olldashin, pavarësisht bindjeve politike./b.l

Marrë nga gazetatema.net