Pas ngjarjeve tronditëse të ditëve të fundit, ku dy gra humbën jetën si pasojë e dhunës bashkëshortore, reagimit të vakët institucional ju përgjigjën organizatat e shoqërisë civile, të cilat shprehën dhe njëherë indinjatën e tyre për përsëritjen e ngjarjeve të tilla tragjike.
Duke ritheksuar nevojën emergjente për ndërhyrjen e institucioneve dhe trajtimin me seriozitet të rasteve të dhunës në familje, organizatat e shoqërisë civile që operojnë në rajonin e Shkodrës, ritheksuan vendosmërinë e tyre për ofrimin e shërbimeve për gratë dhe vajzat e dhunuara, si mënyra më e mirë për fuqizimin e tyre dhe integrimin e tyre në shoqëri.
Në një deklaratë të përbashkët për mediat, 22 organizatat vendosën theksin te promovimi i rëndësisë së barazisë gjinore, duke ofruar shërbime jo vetëm për gratë e dhunuara, por edhe për burrat me sjellje agresive e që kanë tendencën për tu kthyer në dhunues në të ardhmen.
Shërbimi psikologjik, rehabilitimi i burrave me sjellje agresive, ofrimi i strehimit dhe asistencës për viktimat e dhunës si dhe fuqizimi ekonomik i tyre, janë disa nga pikat kyçe ku puna e organizatave fokusohet.
Këto komponentë mund të shërbejnë për pakësimin e ndjeshëm të rasteve të dhunës në përgjithësi, nëse do të ekzistonte dëshira institucionale për përfshirjen e tyre në ofruesit publik të shërbimeve.
Gjatë 2 muajve të parë të 2020-ës, 5 gra janë vrarë nga ish-bashkëshortët, duke shënuar një bilanc po aq tragjik sa ai i vitit të shkuar.
“Ne do vazhdojmë te promovojmë rëndesinë e barazisë gjinore, duke ofruar shërbimet tona psiko-sociale, juridike, strehim për fëmijë, gra dhe vajza, viktima të dhunës në familje, qendra ditore rekreative për femijë, aftësimin e grave përmes programeve të fuqizimit ekonomik si dhe ofrimin e shërbimit të rehabilitimit të burrave me sjellje agresive përmes programeve të këshillimit në ndihmë të fuqizimit të familjes duke u udhehequr nga parimi i barazisë dhe mosdiskriminimit.”, shkruhet në njoftimin për media të 22 organizatave.
Organizatat firmëtare të deklaratës:
- Qendra e Gruas “Hapa te Lehte”
- Gruaja tek Gruaja
- Zyra per Djem dhe Burra
- Rreze Shprese
- Horizont i Hapur
- Qendra Rinore Arka
- CODE PARTNERS
- Qendra Kombetare Burimore
- Qendra Shqiptare per Popullsine dhe Zhvillimin
- SOS Fshatrat e Femijeve
- Genesis
- Dimension Human
- Intelektualet e Rinj
- Shprese
- Gruaja Intelektuale Shkodrane
- Gruaja ne Integrim
- Ardhmeria
- COSPE
- Qendra per Keshillimin e Njerezve me Aftesi te Kufizuara
- YMCA
- Qendra per Zhvillimin e Shoqerise Civile
- Qendra Rinore “Trokitje”
- Qendra e Këshillimit dhe Shërbimeve Psikologjike, Shkodër Shqipëri
#MosQendroIndiferent #Bashke
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.