Flamuri i Krenarisë valvitet në Rusi në ditëlindjen e Putinit

Aktivistët anti-qeveritarë rus shënuan ditëlindjen e 68-të të Presidentit Vladimir Putin të Mërkurën duke varur flamuj LGBT në ndërtesat kryesore të qeverisë në Moskë.

Grupimi Pussy Riot tha se flamujt e ylberit janë vendosur në fasadat e “simboleve më të rëndësishëm të shtetit rus”.

Grupi i punk rock-ut kundër Kremlinit ndau fotot e anëtarëve të tij duke instaluar flamujt LGBT në godinën e Shërbimit Federal të Sigurisë (FSB), policisë së Moskës, Gjykatës së Lartë dhe në ndërtesat e Ministrisë së Kulturës. Dy gazetarë u arrestuan gjatë procesit, tha Pussy Riot.

Grupi renditi një sërë kërkesash, duke përfshirë legalizimin e partneriteteve të të njëjtit seks, fundin e diskriminimit ndaj rusëve LGBT dhe hetime për rrëmbimet dhe vrasjet e raportuara të anëtarëve LGBT në republikën ultrakonservative të Çeçenisë. Grupi gjithashtu bëri thirrje për shfuqizimin e ligjit të diskutueshëm të Rusisë që ndalon “propagandën” homoseksuale ndaj të miturve.

Ne ia japim këtë ylber të gjithëve si një simbol i dashurisë dhe lirisë së munguar

Kremlini nuk ka komentuar ende mbi aksionin e Pussy Riot, ndërsa pritet që për ditëlindjen e tij, Putini të jetë në punë me rreth një duzinë bisedash telefonike të planifikuara me figura të huaja dhe vendase. Ai do ta kalojë pjesën tjetër të ditës me familjen dhe miqtë.