Në Indeksin Vjetor të Lirisë së Shtypit Global, të publikuar nga organizata Reporterët pa Kufij, thuhet gazetaria po bën një hap mbrapa dhe se liria e medias nuk ka qenë kurrë kaq e kërcënuar sa është tani, që prej fillimit të epokës së re të fake-news (lajmeve të rreme).
Shqipëria ka pësuar një përmirësim të lehtë me 6 vende, duke u renditur e 76-a nga 180 shtet të monitoruara. Në rajonin e Ballkanit Perëndimor paraqitet më mirë Bosnje dhe Hercegovina në vendin e 65, Serbia në vendin e 66, Kroacia në vendin e 74-të, e më pas Shqipëria, Kosova, Mali i Zi dhe në fund Maqedonia.
Për Shqipërinë raporti thekson se rruga drejt BE-së është shumë e gjatë dhe ka nevojë për implementim më të mirë të ligjit për lirinë e shprehjes si edhe forcim të pozitave AMA-s.
Në vendin e parë të Indeksit Botëror të Lirisë së Shtypit qëndron Norvegjia e ndjekur nga Suedia dhe Finlanda.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.