• Copyright

    <span>Copyright</span>

    © 2019 Historia Ime

October 25, 2025
Author

Kevin Jasini

Kevin është diplomuar në Universitetin e Tiranës. Pjesëmarrës në disa iniciativa që synojnë promovimin e rinisë aktive dhe angazhimet e tyre në shoqëri. Pjesëmarrës i rregullt në aktivitete të organizuara nga organizata rinore dhe ato të shoqërisë civile, mbi kauza që ndikojnë në jetën e përditshme të të rinjve në Shqipëri. Vullnetar në disa projekte ku ka mbuluar fushën e Medias dhe të Komunikimit. Prej nëntorit 2018 pjesë e Historia Ime fillimisht si gazetar e më pas si përgjegjës i përmbajtjes për uebfaqen e Historia Ime dhe përmbajtjes në rrjete sociale.


Foto-reportazh  / Fotoja e dites  / Ndodhi sot  / Ngrohja globale
Fotogaleri – Zjarret shkatërruese në Australi
Kevin Jasini Posted On 07/01/2020


  • Zjarrëfikësit në një nga vatrat pranë Moruya/ AP
  • Zjarrëfikësit në vatrën e zjarrit në pyllin Burrill / AP
  • Helikopteri duke shuar vatrat mbi pyjet e Gipslandit Lindor / AP
  • Pemët ende në flakë ndërsa zjarrëfikësit luftojnë vatrat aktive /AP
  • Një familje duke u ngjitur në helikopterin e ushtrisë pas evakuuimit të qytezës Omeo / AP
  • Shkatërrimet në pyje ku janë shpallur dhe zonat e emergjencës / AP
  • Një ndërtesë dhe kamion i shkatërruar nga zjarret në rajonin e Parkut Conjola / AP
  • Pyjet përreth liqenit Conjola në flakë / AP

Klikoni në foto për të parë galerinë


Continue Reading
0


BASHKIMI EVROPIAN  / Ndodhi sot
2019 – Viti i paqartësive politike në Europë
Kevin Jasini Posted On 23/12/2019


Java që lam pas, ishte java e fundit e punës për këtë vit.
Ndërsa me miliona njerëz përgatiten për festat e fundvitit, në shumë vende të Bashkimit Europian viti 2019 shënoi padyshim një vit paqartësish politike.

Viti 2019 nisi me protestat e dhunshme në Francë. Lëvizja e jelekverdhëve, krijoi disa nga pamjet më përfaqësuese të vitit 2019 për BE-në, një tym paqartësish krijuar mes përplasjeve politike, ideologjike dhe lëvizjeve për drejtësi sociale dhe reformim politik.

Protestë e “jelekverdhëve” në Paris më 12 Janar
Burimi: Olivier Ortelpa / Flickr

Bashkimi Europian mbajti zgjedhje në kushte të reja, me ekonominë e tretë më të fuqishme të unionit, që shtynte Brexit afat pas afati. Në zgjedhje u pa një rritje e populizmit dhe përkrah tij ndjeshëm u rrit dhe progresivizmi i të gjelbërve dhe liberalëve.

Një grua drejton tashmë Bashkimin Evropian, një figurë e cila ende mban në shpatullat e saj dëshirën për një rijetëzim të projektit Europian, rikthimin te epoka e artë e “bashkimit në diversitet” dhe e vlerave të përbashkëta pro-demokratike, që u zbehën ndjeshëm në disa shtete anëtare gjatë muajve të shkuar.

Një Hungari autoritare, e cila brenda BE-së bën thirrje për rikthim te nocioni i madhështisë së identitetit kombëtar. Polonia me qeverinë populiste të rikonfirmuar në zgjedhjet e fundit, me një gjyqësor të shënjestruar nga qeveria dhe largim nga vlerat liberale europiane.

Franca e përfshirë nga protesta dhe greva të përgjithshme kundër një reforme shumë të kontestuar të pensioneve dhe Malta nga ana tjetër, me një qeveri të larguar nga protestat, pas skandaleve të korrupsionit dhe përfshirjes së autoriteteve në vrasjen e gazetares investigative Daphne Caruana Galizia në vitin 2017.

Protestat në Maltë kundër kryeministrit Joseph Muscat
Burimet: Y.Nardi/Reuters

Liderja de-facto e Bashkimit Evropi0an, kancelarja gjermane Angela Merkel, po përgatitet për largimin nga skena politike, duke u zëvëndësuar nga presidenti francez Emmanuel Macron, i cili larg predikimeve të tij si pro-europian në fillimet e karrierës politike, tashmë po krijon një sërë paqartësish mbi drejtimin që BE duhet të marrë në dekadën e ardhshme. Prej vitesh po diskutohet për një reformim të brendshëm të Bashkimit Evropian, por asgjë nuk ndodh përpos samiteve dhe deklaratave të përsëritura për reformim.

Ndikimi i Rusisë është një tjetër problem që sa vjen dhe zgjerohet, me një diplomaci të heshtur evropiane gjatë këitj viti ndaj qëllimeve të Rusisë në Europë, së cilës muajt e fundit ju shtuan dhe vetë deklaratat e Macron mbi një largim të vëmendjes që NATO ka drejt Rusisë.

Viti 2020 do nisë me largimin e zyrtarizuar tashmë të Britanisë së Madhe më 31 Janar, i cili do të krijojë polemika të shumta dhe mund të sjellë madje dhe përsëritjen e skenarit të Katalonjës në Skoci.

Presidenca e Kroacisë, shtetit më të ri të Bashkimit Evropian, vëmendjen do ta risjellë te Ballkani, një tjetër problem i pazgjidhur i cili me shumë gjasa do të shtrihet përtej dekadës së ardhshme.

Emergjenca Klimatike është një tjetër problem i rrethuar nga tymi i paqartësisë, i cili për herë të parë në disa vite nuk do të sjellë Krishtlindje të bardha në shumë vende të BE-së.

Gjithçka mbetet për tu parë nga janari e në vijim.

Burimi i fotos: needpix


Continue Reading
0


Ndodhi sot  / Te Drejtat e Njeriut
Protestë për paketën ‘anti-shpifje’, gazetarët dhe media njëzëri kundër
Kevin Jasini Posted On 18/12/2019


Ditën e sotme gazetarë, qytetarë dhe përfaqësues të mediave të ndryshme në vend, u mblodhën përballë Parlamentit për të kundërshtuar votimin e pritshëm të ndryshimeve ligjore, të njohura tashmë si paketa anti-shpifje.

Me disa ndryshime të momenteve të fundit, ku gjobat vijojnë ende të jenë të larta dhe të parevokueshme nga gjykata, Parlamenti po përgatitet të votojë ndryshimet ligjore të kontestuara prej disa ditësh nga organizata vendase e të huaja dhe pasditen e djeshme dhe nga vetë Komisioni Evropian.

Gazetarët me shall të zi rreth gojës, për të simbolizuar përpjekjet e qeverisë për tu mbyllur gojën, deklaruan se fjala e lirë do të cënohet dhe puna e tyre do të vështirësohet përballë gjobave të papërballueshme të planifikuara në projektligj.

Për shumë prej tyre, qëllimi i ligjit nuk është rregullimi i tregut mediatik, por shuarja e zërave kritikë ndaj qeverisë.

https://www.facebook.com/historiaimepikecom/videos/2603764733052066/?__xts__[0]=68.ARBmsScKfd-il1fPyeO9eDSSXPkrKJ4hJrG8NdOmww7WkAANWihFVF_rD35mEw4uQ2V4ywaT-BBL2zn56El31ZTEBgv5kxp1iWXjz2jwdJPujYN0H6XkjbK_5jyuyLhW02mHoCc7yP4aP_1x34C5TAXYEIKAUKIcaCqylpEKGDL6bvELpI_hoVaTM5jLN1tFyXOw4pmFmg8wStdHIR4_k3cUW5grWyv98MQXedy4ez5hGFOF81Ux9SN_ySDLTrF35Uk8nO-8XTkSnmg8bAdWZaPF5yotZlenbhgFr-lQQtiZxF7QP_eFyqHLyE2i0rexCNUx2sLzpXYXqUZQTXOyeLW4BboyQvqaDi8&__tn__=-R

Komisioni Evropian del kundër projektligjeve

Në një postim në Twitter, Delegacioni i BE në Tiranë shpreh dhe shqetësimet e Komisionit Evropian të dërguara në një deklaratë, përgjigje ndaj shqetësimeve të medias.

“Komisioni ka shqyrtuar paketën legjislative për median, ka bërë komente dhe ka shprehur shqetësimet gjatë gjithë procesit të hartimit të paketës,” thuhet në njoftimin për shtyp të Komisionit, i cili vjen vetëm pak orë para se projektligjet të hyjnë në miratim në seancë plenare.

“Komisioni u ka bërë thirrje autoriteteve që të marrin në konsideratë komentet e bëra nga OSBE dhe rekomandimet e Këshillit të Evropës, të mobilizuara nëpërmjet fondeve të BE, në mënyrë që të sigurojë përputhshmërinë me standardet europiane në fushën e lirisë së shprehjes,” vijon më tej deklarata.

“Këto rekomandime përfshijnë, ndër të tjera, kufizimin e qëllimit të rregullimit vetëm në shërbimet e mediave audio-vizive online, duke promovuar vetë-rregullimin, sigurimin e shqyrtimit të pavarur gjyqësor të ankesave të lidhura me median dhe forcimin e transparencës së pronësisë së mediave në vend.”.

Më herët ditën e djeshme, Komisionerja Dunja Milatovic, Komisionere për të Drejtat e Njeriut deklaroi se ndjehej thellësisht e shqetësuar kur mësoi se këtë javë Parlamenti Shqiptar ka vijuar me shqyrtimin e dy projekligjeve, të njohura si “Paketa anti-shpifje.

“Këto ligje kanë nevojë për përmirësim urgjent. Disa dispozita nuk janë në përputhje me standardet ndërkombëtare dhe evropiane për të drejtat e njeriut që mbrojnë lirinë e shprehjes dhe lirinë e mediave”.

Komisionerja Mijatović shprehet e shqetesuar për kompetencat që u jepen organeve rregullatore për të vendosur gjoba pa një vendim gjykate.

“Kompetencat diskrecionale që u janë dhënë organeve rregullatore, mundësia e vendosjes së gjobave të tepërta dhe bllokimi i faqeve të internetit të mediave pa një vendim gjyqësor, si dhe futja e rregullimit shtetëror të mediave në internet, mund të sjellin një goditje të fortë për lirinë e shprehjes dhe lirinë e mediave në vend. Është me rëndësi të madhe të sigurohet që Interneti të mbetet një forum i hapur dhe publik dhe të mbizotërojë vetë-rregullimi nga media, përfshirë mediat online.”

“Prandaj, unë i bëj thirrje anëtarëve të Parlamentit të Shqipërisë që të rishikojnë draftet aktuale dhe t’i afrojnë ato me praktikën gjyqësore të Gjykatës Evropiane të të Drejtave të Njeriut dhe standardeve të Këshillit të Evropës”, shprehet ajo në mbyllje të deklaratës.

https://www.facebook.com/CommissionerHR/posts/1417081945134378?__xts__[0]=68.ARAi4SN3WAHgddGHvSuvsa9OUlztA65lsWrBKWuk6HHxjpxU2PQoem83jCQolY7cPtbiu8mqMbulBhIeIyIUGbGSVypHvVRQt3_qh6Ze4XdZxQvF66lsp-fNohxMUvvlw5MCJF8pNX5ZZSrfFVjWsUmOXplfbm4kd9aLZMCaptMsH3bnUIni38vVk_0uEjNYXNPO24xfnNhu42e2_SibbK4vrL_iN99UXVpchj3c7rneAFfS0TsK0WCGrfkJtm0C2ebB_XxBApuJc5UVRdR1TViaXm7XqymLdPhVAJx1BxvMjxTCXXdt6DzjDM2xwEyjGU15ALxEWdWMPntQDWsKkw&__tn__=-R

Continue Reading
0


Ndodhi sot  / Ngrohja globale
Konferenca e OKB-së për klimën mbyllet pa asnjë rezultat
Kevin Jasini Posted On 16/12/2019


Java e shkuar u shënua nga Konferenca e Organizatës së Kombeve të Bashkuara për Klimën, e cila u mbajt në Madrid me shpresa të shumta për arritjen e marrëveshjeve konkrete që do të sillnin rezultat.

Deri në fillim të konferencës, Marrëveshja e Parisit për Klimën vijonte të mbetej në letër, por edhe pas mbylljes së saj, bisedimet e stërzgjatura mes 200 delegatëve nuk arritën të sjellin një vendim konkret për implementimin e saj.

Negociatorët vendosën të shtyjnë për vitin e ardhshëm diskutimet mbi mënyrën e rregullimit të tregjeve botërore të karbonit, ndërsa arritja e vetme e konferencës gati dy javore ishin deklaratat e shumta ambicioze të delegatëve mbi reduktimin e gazrave serë që ngrohin planetin dhe përshpejtojnë efektet e ndryshimeve klimaterike.

Këto deklarata u adresuan dhe nga aktivitja Greta Thunberg, e cila pak ditë përpara mbylljes së punimeve të konferencës në Madrid u shpall dhe si Personazhi i Vitit nga revista amerikane Time.

Një numër vendesh të pasura janë zotuar të ulin emetimet e gazit karbonik me kaq e aq përqind apo kanë deklaruar se do të kthehen në vende neutrale ndaj karbonit në kaq e aq vite. Kjo mund të duket shumë shpresëdhënëse në pamje të parë, por edhe pse qëllimet janë të mira, sërish kjo nuk është një udhëheqje e mirë, kjo është një keq udhëheqje.

Ajo kritikoi qeveritë e shteteve të mëdha, që janë dhe ndotësit më të mëdhenj në planet se në premtimet e tyre për klimën nuk marrin në konsideratë industritë e rënda, aviacionin dhe industritë e tjera ndotëse që sjellin të ardhurat kryesore për ekonomitë e tyre.

Konferenca u zgjat gjatë fundjavës me negociata të pandërprera dy-ditore, që prodhuan vetëm një deklaratë të paqartë, e cila u lexua nga kryesuesja e konferencës Carolina Schmidt, Ministrja e Mjedisit e Kilit. Ndër të tjera, në këtë deklaratë u bëhet thirrje vendeve ratifikuese së marrëveshjes të përmirësojnë premtimet e tyre aktuale për të zvogëluar emetimet e gazrave serë. Kjo është e nevojshme për të qenë në përputhje me objektivin e Marrëveshjes së Parisit për të shmangur një rritje të temperaturës me më shumë se 1.5 gradë Celsius deri në fund të shekullit.

Deri më tani, shkencëtarët parashikojnë një rritje prej tre deri në katër gradë Celsius, me pasoja potenciale dramatike për shumë vende e me impakt negativ direkt mbi vendet më të varfëra të globit.

Në konferencë morën pjesë dhe organizata ndërkombëtare si Greenpeace, që hodhën akuza të forta ndaj qeverisë së Shteteve të Bashkuara dhe asaj të Brazilit për ambicien e tyre për sabotimin e një vendimmarrjeje botërore për klimën.

Ky është samiti i fundit ku Shtetet e Bashkuara morën pjesë, pas vendimit të presidentit Trump për tu tërhequr përfundimisht nga Marrëveshja e Klimës së Parisit.

Bisedimet u shoqëruan herë pas here nga protesta të zemëruara nga grupe indigjene dhe mjedisore, brenda dhe jashtë vendit. Demonstratat reflektuan zhgënjim në rritje, veçanërisht midis të rinjve, mbi ritmin e ngadaltë të përpjekjeve të qeverive botërore për të frenuar ndryshimet klimatike.

Gjithçka mbetet tashmë për tu diskutuar në Samitin e ardhshëm të klimës që pritet të mbahet në Glasgou të Skocisë.

Burimi i fotos: Reuters


Continue Reading
0


ENGLISH
Gender issues in Albania’s Prime Time TV shows – Key findings
Kevin Jasini Posted On 10/12/2019


As part of our efforts to promote media ethics and monitor hate speech and discriminatory language in Albanian media, we conducted a 3-month long monitoring campaign, focusing on Gender issues and women participation in prime-time tv shows.

There were chosen three prime-time TV-Shows: Top Show, Xing with Ermal and Real Story, respectively in Top Channel, TV Klan and Vizion Plus.

All of these TV-shows are directed by men moderators. In one of them, there is a female co-moderator, who has a peripheric function.
The monitoring took place during the period of April-June 2019.

In this study, from the abovementioned TV Shows, there are analyzed 26 series of them in total.

Before the monitoring process started, in this project were engaged 3 monitors who were familiar with the reporting format, during a short training session, they have analyzed one of the tv shows specifically, using this experience as a test for the upcoming monitoring process.

Key findings:

  • Out of all monitored shows, there were only 33 women invited and 79 males.
  • When it comes to the prime-time TV Shows on Albanian television, there is a significantly greater participation of men related to women.
  • Women’s participation is greater just in those TV shows that are considered more “fun” or that discuss “social topics” (Xing me Ermalin and Top Show).
  • There is a great lack of women’s participation in programs that are perceived to deal with issues
    of great political and social interest.
  • Out of 31 guests in the Real Story program, during the period of April-May, 2019, in total only 2 of the guests are women and 29 of them are men.
  • The analysis identified a series of programs which contain in title the name of a man who is invited to the program (p.eg Erion Veliaj, Sandër Lleshaj, Fatmir Limaj, etc.). There is no case when a show holds a woman’s name as a title, even when she is invited to the program with a higher status than any other attendees.

The full report with all it’s findings, you can find it in the link below.

Gender issues on Albanian TV-ShowsShkarkoje

Continue Reading
0


Ndodhi sot  / Te Drejtat e Njeriut
OSBE dhe organizatat ndërkombëtare kundër ligjit për mediat online
Kevin Jasini Posted On 09/12/2019


Me rikthimin e debatit te miratimi i paketës ligjore për rregullimin e mediave online, të cilësuar dhe si paketa anti-shpifje, organizatat vendase, ato ndërkombëtare, AMA, OSBE dhe delegacionet e huaja të vendosura në Tiranë kanë dalë sërish hapur kundër ndryshimeve ligjore të pakonsultuara me ta.

Ditën e sotme, një ekspert i thirrur nga Zyra e Përfaqësuesit të OSBE-së për Lirinë e Medias Harlem Desir rrëzoi sërish projektligjet e propozuara nga qeveria, duke i konsideruar si jo në përputhje me standardet ndërkombëtare dhe si të tilla, ato nuk ofrojnë garanci për lirinë e shprehjes në Shqipëri.

Deklarata e përfaqësuesit të OSBE vjen një ditë para se komisioni parlamentar i ligjeve të vijojë procedurën e konsultimit të projektligjeve.

Reporter.al shkruan se deklarata e tij bie ndesh me pretendimet e mazhorancës në parlament për dakordësimin e OSBE mbi ndryshimet ligjore. Më herët deputetja socialiste Klotilda Bushka ka deklaruar se draftet e fundit në shqyrtim “janë konsultuar” me zyrën e Desir. Pas publikimit të opinionit të zyrës së Desir, rezulton se qeveria me të vërtetë është konsultuar, por draftet e prezantuara prej saj në parlament nuk kanë reflektuar vërejtjet e dhëna nga zyra e Desir dhe se ato vijojnë të mos jenë në përputhje me detyrimet që Shqipëria ka ndaj OSBE-së.

Gjithashtu ditën e sotme kundër projektligjeve kanë dalë dhe shtatë organizata ndërkombëtare të medias në një deklaratë të përbashkët.

Organizatat nënshkruese së kësaj deklarate janë European Centre for Press and Media Freedom (ECPMF) , ARTICLE 19 ,European Federation of Journalists (EFJ) , South East Europe Media Organisation (SEEMO) , International Press Institute (IPI) ,Committee to Protect Journalists (CPJ) dhe Reporters Without Borders (RSF).

Ne vërejmë se propozimet nuk janë në përputhje me praktikat më të mira të vetë-rregullimit dhe mund të kenë ndikim negativ në lirinë e shprehjes në Shqipëri, pikërisht në kohën kur Shqipëria do të marrë Presidencën e Organizatës për Siguri dhe Bashkëpunim në Europë (OSBE) në Janar 2020

Në deklaratë ato shprehin shqetësimin e tyre për kthesën negative që pritet të marrë gjendja e medias në Shqipëri, nëse projektligjet votohen dhe i bëjnë thirrje Kuvendit të heqë dorë nga miratimi i projektligjeve, duke e nisur procesin nga fillimi dhe në përputhje me praktikat ndërkombëtare.

Në prag të konsultimeve, sjellim në vëmendje se në muajin nëntor dhe vetë bordi drejtues i AMA votoi në shumicë kundër ndryshimeve që e kthejnë Autoritetin e Mediave de-facto në një gjykatë.


Continue Reading
0


Barazia  / Feminizmi
Raport monitorimi mbi pasqyrimin gjinor në TV
Kevin Jasini Posted On 06/12/2019


Në vijim ju prezantojmë gjetjet e raportit të fundit të monitorimit mbi pasqyrimin gjinor në programet televizive prime-time.

Ky projekt ka marrë në konsideratë tre emisione që transmetohen në televizionet Top Channel, TV Klan dhe Vizion Plus, përkatësisht emisionet: Top Show, Xing me Ermalin dhe Real Story.
Të tre emisionet prezantohen nga moderatorë burra. Në njërin trej tyre ka një bashkëprezantuese grua e cila ka funksion episodik, në drejtim. 

Monitorimi është kryer në periudhën Prill-Qershor 2019. Në këtë studim u analizuan 26 seri në total nga të tre emisionet e marra në shqyrtim.

Përpara fillimit të procesit të monitorimit, 3 monitoruese të angazhuara në këtë projekt, janë njohur me formatin e raportimit, në mënyrë domethënësë dhe gjatë një sesioni të shkurtër trajnimi, kanë analizuar konkretisht një nga emisionet, duke e përdorur këtë përvojë si një test, për procesin e monitorimit të mëtejeshëm.

Gjetjet kryesore:

  • Gjithsej në 26 seritë e monitoruara të tre emisioneve, për këtë studim, kanë qenë 112 të ftuar. Prej tyre 33 kanë qënë femra dhe 79 meshkuj.
  • Ka një pjesëmarrje dukshëm më të madhe të meshkujve sesa femrave në emisionet prime-time të televizioneve shqiptare.
  • Pjesëmarrja e femrave është më e madhe në ato emisione që konsiderohen argëtim ose tema sociale (Xing me Ermalin dhe Top Show).
  • Ka një mungesë të madhe të pjesëmarrjes së femrave në emisione që perceptohen se trajtojnë çështje me interes të madh politik dhe shoqëror.
  • Nga 31 të ftuar në programin Real Story, gjatë periudhës Prill- Maj, 2019, vetëm 2 janë femra dhe 29 janë meshkuj.
  • Analiza identifikoi një seri emisionesh të cilat mbajnë si titull emrin e një burri që është i ftuar në program (psh: Erion Veliaj, Sandër Lleshaj, Fatmir Limaj, etj). Në asnjë rast nuk ka një emision që mban si titull emrin e një gruaje, edhe kur kjo është e ftuar në një program me status më të lartë se të gjithë të pranishmit e tjerë.

Për të lexuar të plotë raportin në shqip dhe anglisht, ju lutem drejtohuni në lidhjet e mëposhtme.

Raporti-Pasqyrimi gjinor ne TVShkarkoje
Gender Coverage on Albanian TV shows Shkarkoje

Continue Reading
0


Edukimi  / Femijet
Cilësia e arsimit parauniversitar, Shqipëria nën mesataren e OECD
Kevin Jasini Posted On 04/12/2019


Ditën e djeshme u publikuan rezultatet e testit PISA 2018, i cili mat cilësinë e arsimit parauniversitar dhe aftësinë e nxënësve për vënien e njohurive të marra në shkollë në praktikë.

Testit u nënshtrohen nxënësit e moshës 15 vjeçare çdo 3 vite. Ky test përfshin 3 komponentë që masin njohuritë në lexim, matematikë dhe shkenca. Në Shqipëri testit ju nënshtruan 6359 nxënës në 336 shkolla të vendit.

Sipas rezultateve të vitit të shkuar, mesatarja e arritjeve në lexim ishte 405 pikë nga maksimumi prej 600 pikësh, në matematikë 437, ndërsa në shkenca 417 pikë.

Mesatarja e shteteve të OECD (Organizata për Bashkëpunim dhe Zhvillim Ekonomik) në secilën prej fushave është përkatësisht 487 pikë në lexim dhe 489 pikë në matematikë dhe shkenca.

Rezultatet e testit ne tre kategori

Në lexim, minimumi i arritjeve të nxënësve është gjetja e idesë kryesore në një tekst të një gjatësie mesatare dhe zbërthimi i informacionit në bazë të kritereve të dhëna.

Vetëm një numër shumë i vogël nxënësish, i cili s’ka ndikim në matjet statistikore, arrin të kuptojë në përmbajtje tekstet e gjata dhe konceptet e shprehura në to që mund të jenë abstrakte apo kundërintuitive. Ky grup i vogël arrin dhe të bëj dallimin e faktit nga opinioni dhe në shtetet e OECD, ky grup studentësh me arritje të shkëlqyera përbën rreth 10% të totalit.

Në matematikë 58% e nxënësve kapën nivelin mesatar, ndërsa në vendet e OECD kjo shifër është 76%. 2% e nxënësve shqiptarë rezultojnë me njohuri të shkëlqyera.

Në përgjithësi, këto vlera mesatare janë përmirësuar nga testi i mëparshëm i vitit 2015.

Përsa i përket arritkeve të ndikuara nga realiteti socio-ekonomik, të dhënat e raportit flasin për një hendek performance nën nivelin e OECD. Hendeku përfaqëson arritjet e studentëve të avantazhuar nga aspekti socio-ekonomik me ato të disavantazhuar.

Në kategorinë e studentëve me avanrazh gjendjen e mirë socio-ekonomike, vetëm 1% e tyre arrin rezultate të shkëlqyera. Në Shqipëri ky hendek nuk paraqet problem të mirëfilltë në mësimnxënie, për aq kohë sa mes të disavantazhuarve, 12% e tyre shënojnë rezultate mbi mesataren.

Arritjet e vajzave janë më të mira se ato të djemve, një hendek prej 38 pikësh, ndërsa përsa i përket bulizmit dhe ngacmimeve në shkolla, 25% e nxënësve raportojnë se janë bulizuar më shpesh se 1 herë gjatë muajit të fundit.


Continue Reading
0


Ndodhi sot  / Punesimi  / Te Drejtat e Njeriut
Një javë në grevë, minatorët e Bulqizës nuk dorëzohen
Kevin Jasini Posted On 03/12/2019


Dita e sotme shënoi ditën e shtatë të grevës që po mbahet nga Sindikata e Minatorëve të Bashkuar të Bulqizës.

Minatorët e organizuar, gjatë kësaj jave, më të vendosur se kurrë kanë kërkuar përmirësimin e kushteve të tyre të punës dhe kanë kundërshtuar veprimet e papranueshme të kompanisë Albchrome, e cila më 17 nëntor 2019, pushoi nga puna kyetarin e sindikatës, Elton Debreshi.

Sipas minatorëve, pushimi i Debreshit është një mjet presioni dhe kërcënim për organizimin e tyre sindikalist, i cili synon respektimin e të drejtave të minatorëve dhe përmirësimin e kushteve të punës.

Në kërkesat e tyre, përpos kthimit të Debreshit në vendin e punës, minatorët kërkojnë rritje të pagës, rishikim të normave të punës dhe pagesën për bojkotin e këtyre ditëve.

Kërkesat e minatorëve të organizuar në Sindikatën e Minatorëve të Bashkuar të Bulqizës

Sipas tyre, kompania po përpiqet dhe të injorojë grevën, duke detyruar minatorët të paraqiten në vendin e punës, veprim ky që bie ndesh dhe me vetë ligjet në fuqi dhe rregulloret e vendosura nga kompania.

Sipas ligjit për Sindikatat në Republikën e Shqipërisë, në nenin 10 të tij thuhet:

Anëtaresia në sindikatë dhe aktivizimi në veprimtarinë sindikaliste, nuk sjell asnjë kufizim të të drejtave të punonjësit dhe nuk mund të shërbejë si shkak që punëdhënësi 

Sipas sindikatës, punëtorëve po ju ndryshohen vendet e punës dhe po detyrohen të punojnë në pozicione të cilat nuk i njohin, duke rrezikuar edhe jetën.

Pavarësisht vullnetit të punëtorëve për të qenë pjesë e grevës, autobusët e kompanisë që transportojnë punëtorët futen brenda rrethimit dhe nuk i lejojnë më që të dalin prej aty, duke i mbajtur edhe forcërisht në punë për disa turne, deklaron sindikata në njoftimin e fundit.

Të vendosur për kërkesat e tyre, minatorët kanë vendosur të mos tërhiqen nga greva, deri në një prononcim publik të kompanisë mbi kërkesat e tyre.


Continue Reading
0


Blog  / Ndodhi sot  / SLIDER BALLINA  / Te Drejtat e Njeriut
Vetërregullim jo censurë, shoqëria civile del kundër propozimit të ri për ligjin e medias online
Kevin Jasini Posted On 23/11/2019


Ditën e djeshme, organizatat e shoqërisë civile publikuan një deklaratë të përbashkët kundër vendimit të komisionit të ligjeve në Parlament për të marrë në shqyrtim ligjin e rishikuar të rregullimit të medias online.

Pas vendimit të Autoritetit të Mediave Audiovizive për të mos rekomanduar kalimin e këtij ligji, organizatat e shoqërisë civile po sjellin në vëmendje elementin censurues të ligjit, si një rrezik për demokracinë në vend dhe lirinë e shprehjes.

Në vijim deklarata e plotë:

Deklaratë


Organizatat e shoqërisë civile i bëjnë thirrje qeverisë të tërheqë dy projektligjet që i janë propozuar Kuvendit, të prezantuara publikisht si Paketa Antishpifje.

Gjithashtu i bëjmë thirrje Kuvendit të Shqipërisë që, në rast se qeveria nuk i tërheq këto projektligje, t’i rrëzojë ato menjëherë.

Rëndësia që ka liria e shprehjes në një shoqëri demokratike reflektohet në mbrojtjen e gjerë që i jepet asaj në legjislacionin ndërkombëtar, në nivel global dhe rajonal, përfshi këtu nenin 19 të Deklaratës Universale të të Drejtave të Njeriut, nenin 19 të Paktit Ndërkombëtar për të Drejtat Civile dhe Politike, nenin 19 të Konvetës Amerikane për të Drejtat e Njeriut, nenin 10 të Konventës Evropiane të të Drejtave të Njeriut, etj.

Amendamenti i parë në Kushtetutën e Shteteve të Bashkuara, i miratuar rreth 230 vite më parë (në 15 Dhjetor të vitit 1791) ndalon qeverinë të bëjë ligje që rregullojnë krijimin e feve, ndalojnë ushtrimin e lirisë fetare, që kufizojnë lirinë e shprehjes, lirinë e shtypit, të drejtën për të mbledhur paqësisht si dhe të drejtën e peticionit ndaj qeverisë për të kërkuar kompensim.

Organizatat vërejnë se dy projektligjet pjesë e paketës antishpifje, i akordojnë AMAs dhe AKEP-it, kompetenca gati gjyqësore, me natyrë sanksionuesendaj operatorëve mediatikë, ndërkohë që këto organe, edhe pse të pavarura sipas ligjit nuk ofrojnë garanci funksionale për të qenëefektivisht të pavarura, sikurse janë organet e pushtetit gjyqësor.

Shqipëria ka mjaftueshëm ligje që rregullojnë çështjet kur media shkel të drejtat e të tjerëve dhe çdo ndërhyrje tjetër, si dhe në këtë drejtim ka patur disa precedentë të gjykuar në sistemin tonë gjyqësor.



Nevoja për të patur vetërregullim të medias dhe JO rregullim ligjor të saj, merr rëndësi të veçantë në ato shtete me demokraci në tranzicion, sikurse është vendi ynë, ku shpesh mediat janë të lidhura me interesat e njohura të biznesit, të partive politike.

Vetërregullimi është kombinim i standarteve që përcakton kodet e duhura të sjelljes për median, të cilat janë të nevojshme për të mbështetur lirinë e shprehjes dhe për të mundësuar që kjo sjellje të monitorohet dhe të mbahet e përgjegjshme.

Vetërregullimi ruan pavarësinë e mediave dhe e mbron atë nga ndërhyrjet partizane të qeverisë.

Organizatat i bëjnë thirrje organizatave ndërkombëtare (të tilla si OSBE, BE apo Këshilli i Europës), prezenca e të cilave kontribuon në vendin tonë për sundimin e shtetit të së drejtës dhe të drejtave të njeriut, të shprehen qartë dhe publikisht mbi projektligjet në fjalë, si masa në dhunim të lirisë së shprehjes.

Lista e organizatave firmëtare:
BIRN Albania
Civil Rights Defenders
Citizens Channel
Faktoje
Instituti Shqiptar i Medias
Instituti Shqiptar i Shkencave
Këshilli Shqiptar i Medias
Komiteti shqiptar i Helsinkit
Lidhja e Gazetarëve të Shqipërisë
Qendra Res Publica
Qendra Shqiptare MediaLook
Qendra Shqiptare për Gazetari Cilësore
Shoqata e Gazetarëve Profesionistë të Shqipërisë
Unioni i Gazetarëve Shqiptarë


Continue Reading
0


Ndodhi sot  / SLIDER BALLINA  / Te Drejtat e Njeriut
AMA shprehet kundër projektligjit për Median
Kevin Jasini Posted On 18/11/2019


Në vendimin e ditës së sotme, bordi drejtues i Autoritetit të Mediave Audiovizive, ka votuar në shumicë kundër projektligjit për rregullimin e Medias.

Tre anëtarët të bordit, Suela Musta, Sami Nezaj dhe Agron Gjekmarkaj dolën kundër projektligjit të debatueshëm në një deklaratë të përbashkët. Projektligji i cili po merret në shqyrtim nga Parlamenti, i iniciuar nga Ministria e Drejtësisë, synon të krijojë një sistem kontrolli administrativ mbi median online dhe t’i jap kompetencat për kryerjen e këtij kontrolli AMA-së.

Sipas deklaratës, tre anëtarët deklarojnë se janë “për forcimin e lirisë së mediave online, lirisë së mendimit dhe të drejtës për informim përmes rritjes së profesionalizmit, mbështetjes së mediave të reja, vetërregullimit të tyre, rritjes së edukimit për median, gjë që ndryshimet e parashikuara në ligj nuk e realizojnë.”

Në deklaratën e tyre gjithashtu thuhet:

“Propozimet e qeverisë ndrydhin lirinë dhe zhvillimin e medias informative online. Propozimet e qeverisë anashkalojnë një nga parimet më të rëndësishme të medias së shkruar atë të vetërregullimit ndërkohë që aktet ndërkombëtare dhe veçmas direktiva e BE për mediat audiovizive inkurajon edhe vetë rregullatorët ti japin përparësi këtij parimi.”

Projekligjin e kundërshtoi hapur OSBE , delegacioni i BE në Tiranë dhe organizatat e shoqërisë civile, por qeveria e riktheu të në Kuvend për votim pa ndryshime thelbësore duke injoruar alarmin e tyre për rrezikun që i kanosej medias. Drafti i jep AMA-s atributet e një gjykate duke i dhënë të drejtë gjobitjeje, madje dhe bllokimi.

Megjithatë, pavarësisht rrëzimit nga AMA të këtij drafti, fjala e fundit i mbetet Kuvendit që do ta kalojë në votim.


Continue Reading
0


BASHKIMI EVROPIAN
Eurodeputetët i japin dritën jeshile komisionerit për zgjerim
Kevin Jasini Posted On 18/11/2019


lotësuar në këtë mënyrë ekipin e presidentes në ardhje të Komisionit Europian, Ursula von der Leyen, që pritet të fillojë detyrën e saj më 1 dhjetor.

Oliver Varhelyi arriti t’i bindte deputetët në një raund të dytë pyetjesh me shkrim se, si komisioner i zonës BE për Zgjerimin, ai do t’u shërbejë vetëm interesave të BE-së dhe jo atyre të liderit hungarez Viktor Orban.

Liderët e Komitetit për Çështjet e jashtme të Parlamentit Europian u shprehën se kishin mbetur të kënaqur me përgjigjet e Varhelyi-t.

Tani ka mbetur vetëm të bëhet një votim i fundit, për të miratuar ekipin prej 27 anëtarësh të Von der Leyen-it, me nga një eurokomisioner për çdo shtet anëtar, përveç Britanisë së Madhe.

Votimi pritet të bëhet javën e ardhshme./atsh


Continue Reading
0


Art & Kulturë
Shfaqjet e Teatrit Kombëtar në salla alternative, ulet numri i ndjekësve dhe shfaqjeve
Kevin Jasini Posted On 05/11/2019


Pas transferimit të trupës së Teatrit Kombëtar dhe shfaqjeve në ambjentet e ArTurbina, duket se me numrin e shfaqjeve ka rënë dhe interesi i qytetarëve për ndjekjen e tyre në sezonin e ri.

Numri i shfaqjeve kulturore në tremujorin e tretë 2019 është 61, duke pësuar një rënie prej 11,6 %, në krahasim me tremujorin e tretë të vitit të shkuar.
Në institucionet qendrore të artit dhe kulturës, në tremujorin e tretë të vitit 2019, janë organizuar 11 premiera, një premierë më shumë, në krahasim me tremujorin e tretë 2018, raporton Monitor.

Në tremujorin e tretë 2019, numri i spektatorëve është 12.558, duke pësuar rënie me 54,6%, krahasuar me të njëjtën periudhë të një viti më parë. Pjesëmarrja mesatare në tremujorin e tretë 2019 është 206 spektatorë për shfaqje, nga 401 spektatorë të rezultuar në tremujorin e tretë 2018.

Për shkak të mungesës së shfaqjeve në Teatrin Kombëtar, pjesëmarrja mesatare e spektatorëve për shfaqje, në të gjithë institucionet kulturore, gjatë tremujorit të tretë të 2019 ka pësuar një rënie në masën 48,6%, krahasuar me të njëjtin tremujor të një viti më parë.

Ndërkohë në ambjentet e Teatrit Kombëtar, Aleanca për Mbrojtjen e Teatrit dhe aktivistët vijojnë organizimin e shfaqjeve të pavarura, në të cilat numri i spektatorëve nuk llogaritet në statistikat zyrtare.

Aleanca për Mbrojtjen e Teatrit ka krijuar atë që quhet Festivali Ndërkombëtar për Mbrojtjen e Teatrit, ku shfaqjet dhe aktivitetet e tjera kulturore organizohen në mënyrë vullnetare ose me donacione private të mbështetësve të kauzës së Teatrit Kombëtar.

Sezoni i ri artistik i mbështetur nga Ministria e Kulturës duket se do të zhvillohet vetëm në ambjentet e ArTurbina, pavarësisht se për Teatrin Kombëtar ende nuk ka një rezultat të konkursit të shpallur apo vendim përfundimtar mbi fatin e tij.

Sallat e Teatrit Kombëtar dhe Teatrit Eksperimental vijojnë të mbahen të hapura për publikun falë aktivistëve, të cilët po sjellin për herë të parë një sezon alternativ artistik për qytetarët e Tiranës.


Continue Reading
0


Art & Kulturë  / SLIDER BALLINA
Sot shkova në Teatër
Kevin Jasini Posted On 28/10/2019


Dita e sotme, siç ndodh rëndomtë me të hënat, ishte një nga ato ditë kur edhe pse kafja e tretë gjatë ditës të hap vërtetë sytë, sërish nuk arrin të të heq dot plogështinë, frustrimin dhe lodhjen që të shkakton ideja e përballjes me një javë tjetër në Shqipëri.

Sot 3 kafe ishin të pamjaftueshme, mu desh të bëja studentin, punëtorin, aktivistin e të treja këto në disa momente paralelisht me njëra-tjetrën.

Të jesh në të 20-tat e tua dhe të bësh të treja këto në Shqipëri, për mua e njëkohësisht për shumë nga miqtë e kolegët e mi është lodhje, por njëkohësisht është dhe privilegj të cilin ndonjëherë e marrim për të mirëqenë e i cili si çdo gjë tjetër që bëhet në Shqipëri, vjen me kosto të mëdha jo vetëm fizike, por në disa momente dhe me kosto për mirëqenien tënde dhe shëndetin mendor.

Unë jam te ato të paktët që duhet të konsiderohen me fat.

E quaj veten student se shkolla me jep këtë status, universireti çalaman ku dhe sot u paraqita formalisht për të mu komunikuar që ora e seminarit nuk do zhvillohet.

E quaj veten aktivist se jam pjesë e një lëvizjeje që përpiqet të ndryshojë me aq sa mundet jetët e komuniteteve të margjinalizuara dhe të rinjve në vend, përpiqet të fuqizojë e të frymëzojë në kushte ku edhe bërja e valixheve gati për të ikur nga Shqipëria është sinqerisht humbje kohe.

Sot bëra studentin, të paktën u përpoqa, bëra aktivistin, bëra dhe punëtorin e duke u kthyer në shtëpi pas një 12 orarshi shumë të ngjeshur, vendosa të shkoj dhe në Teatër.

Shkova në teatër, në atë të vërtetin. Shkova në teatër dhe rikujtova ndjesinë e bukur e të ndjekurit të një shfaqjeje në teatrin kombëtar, gjatë fundjavave, atëherë kur nuk me duhej të bëja as punëtorin, as aktivistin dhe as studentin.

Në Teatrin e vërtetë, që s’do t’ja dijë as për tërmete e buldozerë, e që për thuajse 2 vjet po qëndron i patundur ashtu siç i ka hije.

Shkova në teatrin simbol të rezistencës së qytetarisë ndaj pangopësisë së një klase të mallkuar politikanësh, të cilët s’duan t’ja dinë për shqiptarët, po për të cilët as teatrit nuk ja ndjen fare.

Shkova në Teatrin Kombëtar, një godinë që mbetet madhështore edhe pse projektorët i janë fikur prej muajsh e sallat i janë boshatisur.

Shkova në Teatër dhe mësova për vështirësitë e punëtorëve të teatrit, aktorëve, regjisorëve, qytetarëve që e mbrojnë atë, aktivistëve dhe atyre që rezistuan.

Në Teatër mësova dhe për Franc Kafkën dhe veprën e tij Amerika, ashtu siç studentët shqiptarë dinë të mësojnë më së miri, në mënyrë autodidakte e me burime alrernative.

Shkova në teatër, i lodhur, dhe arrita të përjetojë emocione që prej muajsh nuk kisha përjetuar, e kësaj herë jo vetëm nga shfaqja dhe vepra e luajtur, por nga vetë ekzistenca e teatrit në ditë të tilla.

Shkova dhe mësova për punën, studiova për Kafkën dhe ju bashkova qëndresës më të gjatë në historinë e aktivizmit qytetar në Shqipëri.

Teatri po qëndron e do të qëndrojë derisa ne të tjerët që kemi luksin e të bërit të valixheve gati, t’i bëjmë gati ato e të mbyllim punët e tjera që nuk duam të lemë pezull.

Teatri po qëndron, vërtet mezi, por sërish shpirti i tij do të mbetet gjallë dhe për disa vite edhe nëse ndërtesa një ditë nuk do të jetë më aty.

Teatrin do e kujtojë historia, ai është historia, dhe fatkeqësisht faqja po kthehet, jo për mirë.

Bashkë me teatrin, ndoshta do kujtohemi dhe ne që faqen e historisë u përpoqëm të mos ta kthejmë në ato të ditëve të zeza, ne që bëmë punëtorin, aktivistin, studentin, ne që në ditët e fundit këtu nuk njohim kompromisin dhe heqjen dorë nga kauza, ne që pamë prindërit tanë të përpiqem e që patëm mundësinë për tu larguar apo për të konsideruar largimin nga Shqipëria.

Teatri jam unë, teatri jemi ne, e kur të mos jetë më teatri zor të ketë më dhe punëtorë, studentë, aktivistë apo mishërim të tyre në Shqipëri.

E vetmja gjë që me siguri do ngelet do jetë kompromisi dhe e ardhmja e zymtë e një vendi që edhe Kafkës do i dukej surrealiste.

Sot shkova në Teatër. Sot isha teatri…


Continue Reading
0


Art & Kulturë  / Blog  / ENGLISH
The battle for the National Theatre
Kevin Jasini Posted On 25/07/2019


For more than 12 hours Police forces surrounded the building of the National Theatre in Tirana, forcing artists and activists to break in and leading to tensions and clashes with the citizens outside the building.

The recent events are part of a 16-month battle, which started on February 2018 when the government of Albania decided to pass a special law on demolishing the existing Theatre and giving the property to investors through a PPP scheme. The investors could use the theatre’s public land for their own gains, and in exchange, they would have to build a new Theatre, which was originally planned to cover only 1/3 of the actual land.

Artists and citizens got organized, they created the Alliance for the protection of the Theatre and since February 2018, they’ve been protesting every day in front of the building, preventing the government to continue with the demolishing plans.

Actor Neritan Licaj standing in front of the Police forces, demanding them to oppose their orders / Source: Aleanca per Teatrin

Last week, the municipality announced that they would restart the procurement procedures for the new Theatre, leading to a non-stop resistance outside the building, with activists spending the night outside and citizens joining them, including opposition leaders and former MP’s.

On Wednesday, the Police forces were sent to surround the Theatre and empty the buildings. The Prime Minister declared on Twitter that “No minority can hijack anything and anyone in this country. Despite the respect for a minority of theater and political actors who have never entered the actual theater, they are used to making theater with everything, the new National Theater will be built as a plan and government responsibility.“

Immediately after that, the mayor of Tirana who has been accused by the Alliance and many other activists for his actions that have destroyed many green areas of the city reacted accusing the artists and activists as “puppets” of the opposition parties.

“It started against the lake, then against the Square, against the Bazaar, against the new Boulevard, against the Castle, against the Elections and today [they are] against the New Theater!

Against, Against, Against!

Have you noticed that the move against country progress is the same group? PD & LSI with “puppets”!!

The President also reacted to the decision to continue with the demolishing of the building, stating that the law was unconstitutional and such scenes were not even witnessed during the communist regime. He submitted the law for review at the Constitutional Court, which hasn’t been functioning for more than a year because of the vetting of judges and justice reform.

In the lawsuit published, the president says the law is in conflict with the constitution, is discriminatory and violates the principle of legal certainty.

In the vacuum created, with the High Court and Constitutional Court currently not functioning, the government is being accused of trying control all forms of opposition, being it political or even civic initiatives.

Artists were seen crying. A citizen was hurt during the clashes and many protestors were shouting and demanding the police to withstand the order.

Police forces clashing with the protestors

In the evening, after more than 12 hours of resistance, the police withdrew and activists continued their protest in front of the building, claiming victory and declaring that they would continue the resistance until the law would be declared null.

They also issued a statement for the OSCE Presence in Albania, asking for a meeting with the Secretary-General of the OSCE Mr.Thomas Greminger, who is holding an official visit in Albania.
On their Twitter account, the Alliance also asked the international accredited missions in Albania to react, since, in lack of functioning courts, the government is ruling uncontested.

“A well-meaning international community would call on the government to halt their decision-making process until the courts are fully functional once again.”, declared the Alliance on Twitter.

https://www.facebook.com/mbroteatrin/videos/397756357530144/

Thursday started more peacefully, with many artists and citizens still remaining in the surroundings of the Theatre, preparing for the next clash of this never-ending battle, that would have to wait for a functioning judiciary to give a final verdict on the law. And the functioning judiciary is still far away on the horizon …

Kevin Jasini


Continue Reading
0