• Copyright

    <span>Copyright</span>

    © 2019 Historia Ime

September 23, 2025
Author

Historia Ime



Ndodhi sot  / SLIDER BALLINA  / Te Drejtat e Njeriut
Sërish protestë përpara Bashkisë; Tregtarët kundërshtojnë rritjen e taksës për hapësirën publike
Historia Ime Posted On 23/02/2016


Një tjetër tubim është zhvilluar sot përpara Bashkisë së Tiranës. Tregtarë, pronarë biznesesh të vogla dhe përfaqësues të shoqërisë civile, kanë protestuar kundër rritjes së taksave për shfrytëzimin e hapësirave publike.

Sipas tyre, vendimi për rritjen e taksave, i marrë në 30 dhjetor 2015 është i padrejtë dhe antiligjor. Tregtarët e konsiderojnë si “gjobë” dhe jo taksë, sepse sipas tyrë është e padrejtë që të paguajnë një taksë të 10- fishuar që është ndryshuar pa dijeninë e tyre.

Shumë biznesmenë mbyllën lokalet, dyqanet e bizneset e tjera në shënjë proteste duke iu bashkuar tubimit përpara Bashkisë së Tiranës.

Përveç protestës, Nisma #Thurje në konsultim me përfaqësues të bizneseve të vogla, të mesme e të mëdha, i ka dërguar dje Këshillit Bashkiak një letër ku kërkohet pezullimi i mbledhjes së taksës për zënien e hapësirës publike për muajt Janar dhe Shkurt dhe anullimi i ligjit “Për sistemin e taksave dhe tarifave vendore”.

/l.k./


Continue Reading
0


Blog  / SLIDER BALLINA
Park lojrash për fëmijë dhe disa lodra për të rritur
Historia Ime Posted On 23/02/2016


Ku është problemi me parkun e Shën Prokopit?
Sepse Bashkia, për mungesë durimi, që vjen për arsye që merren lehtë me mend, e ka bërë rradhën e gjërave mbrapsht.
Nuk janë një grusht “vandalësh” që protestojnë, por duhet shtuar edhe një pakënaqësi, mosbesim dhe rrezistencë prej dhjetra mijë vetësh në rrjetet sociale që nuk mund të mos konsiderohen, sidomos nga pushtetarë që e kanë qef komunikimin në këto rrjete.
Na del tani edhe një arkitekt gjerman, a thua se nuk ka arkitektë shqiptarë sa të duash, që u merrrka me këtë parkun, dhe që na thotë se qenka habitur nga protestat sepse lodrat do të jenë të bukura dhe parku do të zmadhohet dyfish.
Habitu o gjermano habitu !
Edhe ty si i jashtëm të bënë megafon o i shkretë! Të kuptoj të kuptoj!
Ky gjermani, meqë qenka arkitekt, harron se problemi nuk ështe arkitekturor, por politik dhe ka të bëjë me marrëdhëniet e pushtetit lokal me banorët e Tiranës.
Unë nuk kam dyshim që lodrat do të jenë jo vetëm për fëmijët. Që këtu nis mbrapsht historia. Parqet e sotme moderne të lojrave janë njëkohësisht edhe për fëmijë edhe për të rritur. Duhet të tërheqësh të rriturit në parqet e atraksionit (jo të lojrave) që ata të sjelin aty fëmijët.
Nuk ka parqe lojrash por ka parqe atraksioni.
Ky është moderniteti i një parku??? Por, nejse.
Parku do të zmadhohet dyfishin. Rrofsh o gjermano, se po e the ti si i jashtëm na e mbushe mendjen!
Pikërisht këtu është problemi që ka krijuar krizën e mosbesimit mes popullit të Tiranës dhe pushtetit lokal.
Rradha e gjërave.
Në fillim zmadhojeni parkun dy herë a pesë herë, rregulloni barin, lëndinat, sillni vaditjen në park, shtoni pemët, rregulloni mocalin uturak urban, që nuk bëhet më i mirë kur atje fotografohet ndonjë varkë me lopata që vozit shtrembtazi, e drejtuar nga Uliksi, me udhëtarë ndonjë çift meshkujsh, krijoni diçka të re botanike, biologjike, ambjentaliste, në atë park që është lënë në ditë të hallit, dhe pastaj, pasi të fitohet besimi popullor, fillo edhe ndërtimin e parkut të atraksionit (dhe jo të lojrave).
Të gjithë duke pasur besim do ta mbështesin projektin.
Ky është keqmenaxhimi i projektit që sjell kriza, tensione, e dhunë në qytet.
Nuk fillohet një projekt me premtime që kërkojnë besim në ajër. Ky popull ka dëgjuar boll përralla dhe nuk beson më.
Duhet fituar besimi dhe pastaj bërë projekti gradualisht, dhe jo e kundërta.
Përndryshe parku i lojrave për fëmijë nis me lodra që u bëhen të rriturve, nis me një lojë me shkopinj, hunj, dhe ofendime mes pushtetit dhe qytetarëve, me arbitra policët e shkretë, bëhet si histori me gjerman, o gjermanooooo !
A kupton shqip apo jo!
Po padurimin për ta nis me betonim dhe jo me gjelbërim, e kupton i madh i vogël përse ndodh, përse gjërat bëhen mbrapsht, o gjermano, sepse është më lehtë ta shkatërrosh një park sesa ta ndërtosh. /l.k./

/Artan Fuga, Facebook


Continue Reading
0


Blog  / SLIDER BALLINA
KUSH E VRAU QYTETARIN?
Historia Ime Posted On 22/02/2016


Klipi i postuar nga Erion Veliaj dhe së fundmi edhe nga Edi Rama për ndërtimin e një parku të betonizuar lodrash brenda parkut të liqenit, është një reklamë e arrirë nga një ekip i tërë dhe një linjë e qartë estetike që qeveria e Rilindjes sahera nuk nguron t’ua paraqesë audiencave të gjera.

Sado ngazëlluese që mund të jetë kolona zanore e këtij klipi, po aq dëshpëruese është  çfarë shkruhet në përshkrimin e Ramës në krye të videos:

“Ja shiheni vetë për çfarë “protestojnë” te Parku i Liqenit!… Sado e pabesueshme të duket është fatkeqësisht e vërtetë që nën udhëheqjen e Partisë Demokratike, “protestuesit” duan të pengojnë forcërisht pikërisht këtë që shihni!…”

rama-protesta

Ajo që mund të dallohet pa shumë mundim në këto rreshta është përdorimi i thonjëzave atje ku autori u referohet protestuesve dhe protestës në përgjithësi, si dhe identifikimi i tyre me Partinë Demokratike. Fillimisht, është shqetësuese që kryeministri i një vendi kinse demokratik të vërë në dyshim autenticitetin e një proteste, pavarësisht përmasave të saj. Thonjëzat këtu vendosen për ta poshtëruar nismën dhe gjithashtu në funksion të zhvlerësimit të kauzës dhe rëndësisë që ajo ka për protestuesit.

Më tej, edhe më keq akoma, është për të ardhur keq që kjo qeveri por dhe ato paraardhëset në Shqipëri e kanë të pamundur të konceptojnë se protesta mund të ketë përmasa qytetare apo popullore; dhe se të tilla manifestime proteste u dashkan parë patjetër si të inskenuara nga opozita apo kundërshtaret politikë të regjimit dhe çdo strukturë rezistence u dashka interpretuar si sendërtim i këtyre të fundit. Përpjekje të tilla duan të përbaltin vullnetin e lirë të qytetarit, duke e identifikuar atë si militant. S’do mend që qytetarin e kanë vrarë, meqë dhe qytetarët e angazhuar me partitë politike, në dalshin në shesh siç dolën në protestat e fundit të opozitës, do të etiketohen si fshatarë, kokëpalarë dhe militantë. Është e qartë se deri tani, të gjitha protestat na paskëshin qenë partiake dhe asnjëra qytetare: qytetari vdiq, që me protestat e 21 janarit- të cilat s’ishin partiake.

Koncepti i qytetarit dhe qytetarisë, në pamje të parë ravijëzohet nga dy dimensione: kulturore dhe gjeografike. Nga njëra anë, qytetari shihet si individ që i përket një kulture të emancipuar dhe emancipuese; nga ana tjetër shihet si i vendosur në një hapësirë urbane.

Problemi vjen e ndërlikohet kur konceptin e qytetarisë ua mveshim protestave, me produkt hibrid togfjalëshin: “protesta qytetare”. Ky togfjalësh duket se rrënjët i ka në atë që e kanë quajtur mosbindje civile (civil disobedience), një formë rezistence apo proteste që nënkupton në shumicën e rasteve revoltën paqësore, me shembull cliché Gandhi-n dhe lëvizjen për pavarësi në Indi. Ndërsa termi protestë qytetare haset jo rrallë në ligjërimin mediatik në Shqipëri.

*Nga Visar Konti
Peizazhe të Fjalës ; http://peizazhe.com/2016/02/22/kush-e-vrau-qytetarin/

/l.k./


Continue Reading
0


PA KATEGORI
Qytetarët kundër Bashkisë për ndërtimin e parkut të fëmijëve tek Liqeni
Historia Ime Posted On 22/02/2016


Pas protestes se djeshme nga qytetarë dhe aktivistë të shoqërisë civile, zona ku pritet të ndërtohet parku i fëmijëve tek Liqeni, është rrethuar sërish me tela nga Bashkia e Tiranës.

Protesta e djeshme mblodhi dhjetra qytetarë kundër vendimit të kryetarit të Bashkisë së Tiranës, Erion Veliaj, për të ndërtuar brenda parkut të Liqenit Artificial. Protesta u përshkallëzua në dhunë nga ana e forcave policore dhe shoqërimin në Polici të disa aktivistëve.

Në një njoftim në rrjetin social Facebook, “Qytetarët për Parkun”, shprehin indinjatë kundrejt tentativës partiakëzuese të protestës nga pozita dhe opozita. “Pozita, përmes gënjeshtrave dhe gjuhës baltosëse, përpiqet të shpërqëndrojë vëmendjen publike nga afera skandaloze të Bashkisë së Tiranës. Opozita, për shkak të krizës së besimit publik, përpiqet të djegë për kapital politik çdo rezistencë të pavarur qytetare. Si pozita dhe si opozita, janë njëjtë fajtore për betonizimin monstruoz të qytetit të Tiranës dhe shpronësimin e qytetareve nga hapesirat e gjelbërta publike”, shkruhet në rrjetin social.

Për përplasjen fizike mes policisë dhe protestuesve, ka sjellë dhe reagimin e Avokatit të Popullit. Avokati i Popullit tha se dhuna ndaj qytetareve ne çdo rast dhe rrethane eshte e patolerueshme. /m.g

telanepark

tela2

12747865_1564974700461203_595877728772347469_o

12771744_1564975207127819_4619851097960857509_o


Continue Reading
0


Fotoja e dites  / SLIDER BALLINA
Foto e ditës/ Si u rrethua me beton Parku i Liqenit në 11 vite
Historia Ime Posted On 19/02/2016


Kjo dy foto tregojnë pamjen e Parkut të Liqenit Artificial dhe zonës perreth tij. Fotografitë janë shkëputur nga aplikacioni “Google Earth” i cili tregon imazhe satelitiore nga gjithë sipërfaqja e tokës.
Ajo që bie në sy është se betoni ka zëvendësuar  hapësirën e gjelbër nga viti 2004 në 2011.

12742390_418291445046696_2996641269659401794_n (1)

/l.k./


Continue Reading
0


Ndodhi sot  / SLIDER BALLINA  / Te Drejtat e Njeriut
Pronarët e bizneseve në protestë: “Me taksën e re për hapësirat publike jemi të falimentuar”
Historia Ime Posted On 19/02/2016


Pronarë të bizneseve të vogla kanë protestuar sot përpara Bashkisë së Tiranës për të kundërshtuar taksat dhe tarifat vendore.

Ata kundërshtojnë taksën e re për shfrytëzimin e hapësirave publike e cila sipas tyre është 10-fishuar. Pronarët janë lajmëruar këtë javë përmes një letre nga Bashkia e Tiranës për taksat e reja mbi ambjentet publike që shfrytëzojnë për tavolina apo shërbime të tjera.

Ata e konsiderojnë këtë si “gjobë” dhe jo taksë dhe shprehen se është e padrejtë që të lajmërohen tani për një taksë që është ndryshuar më 31 dhjetor të vitit të kaluar. Pronarët  thonë se kjo taksë po iu kushton më shumë se qeraja e bizneseve.

Përfaqësuesit e biznesit të vogël u shprehen të mashtruar nga Veliaj, pasi në fushatë elektorale ai kishte premtuar uljen e takave dhe lehtësira për biznesin.

/l.k./

DISA NGA ANKESAT E PRONAREVE TE BIZNESE DREJTUAR NISMES “THURJE”:

10494551_417874095088431_8805986033633359616_n12744147_417874101755097_7516945028734932890_n12717765_417874091755098_115198419717166836_n

FOTOGALERI NGA PROTESTA:


Continue Reading
1


SLIDER BALLINA  / Te Drejtat e Njeriut
Vendet e Ballkanit: rregulla tё pёrbashkёta pёr refugjatёt
Historia Ime Posted On 19/02/2016


Refugjatët që do të vijnë drejt Evropës, do të kalojnë përmes “itenerarit ballkanik”. Pas kontrollit fillestar në kufirin greko – maqedonas, emigrantët do të transportohen drejt Gjermanisë. Pёr kёtё rёnё dakord drejtoritё e policive tё Maqedonisё, Serbisё, Kroacisё dhe Austrisё.

Sipas rregullave të reja, refugjatët do të regjistrohen vetëm një herë në Maqedoni, dhe jo në çdo vend që do të kalojnë.

Nga qyteti kufitar maqedonas Gjevgjelija udhёtimi i tyre do tё organizohet me tren nё hekurudhёn nё Preshevё, nё jug tё Serbisё. Stacionet e tjera do tё jenё Sid nё veri tё Serbisё, Dobova nё Slloveni dhe nё fund njё fushё lojёrash nё Austri. Qё kёtej ata do t’i nisin pёr nё Gjermani. Hekurudha e vendit pёrkatёs do tё marrё pёrsipёr transportin e mёtejshёm, shkruan DW.

Sipas marrëveshjes së re midis vendeve të itenerarit ballkanik, do të pranohen vetëm refugjatët nga Siria, Afganistani dhe Iraku. Tё gjithё tё tjerёt do tё kthehen nё qendrat e ashtuquajtura Hotspot nё Greqi ose nё Turqi deklaroi shefi i policisё kroate Vlado Dominic lidhur me regulloren e re tё kurifit.

Megjithëse nuk ka një kufi maksimal për numrin total të refugjatëve që do të priten, qeveria austriake ka vendosur që nuk do të pranojë më shumë se 3200 emigrantë në ditë. Po ashtu Austria ka planifikuar tё pranojё nё ditё maksimalisht 80 aplikime pёr azil nё kufijtё jugorё.

Por kufizimet e Austrisë nuk janë pritur mirë nga Komisioni i BE-së, duke thënë se kufizimet e shpallura nga Austria pёr refugjatёt janё kundёr sё drejtёs ndёrkombёtare dhe nuk pёrputhen as me Konventёn Europiane tё tё Drejtave tё Njeriut. /m.g

Burimi: Deutsche Welle


Continue Reading
2


Ndodhi sot  / SLIDER BALLINA
Më shumë se gjysma e kandidatëve për mësues “ngelin në klasë”
Historia Ime Posted On 19/02/2016


Sezonin që shkoi 797 kandidatë për mësues dhanë provimin e shtetit, por vetëm 393 prej tyre rezultuan të suksesshëm raporton gazeta “Panorama”.

Sipas të dhënave nga Agjencia Kombëtare e Provimeve, 50.4% ose 404 kandidatë nuk arritën të marrin as 50 pikë për t’u konsideruar kalues.

Çdo student që ka përfunduar një cikël studimesh në degën e mësuesisë duhet t’i nënshtrohet provimit shtetëror. Marra e këtij provimi i hap rrugë aplikimit për një vend pune.

Rregullorja i jep të drejtë një kandidati për mësues të ritestohet deri në pesë herë. Nëse nuk fitojnë as në mundësinë e fundit, ata shpallen të paaftë për të kryer profesionin.

Sipas të dhënave të AKP, kandidatët me kalueshmëri më të ulët rezultojnë të jenë mësuesit për degën e fizikës. Ndërsa mësuesit e vlerësuar me notë më të lartë janë ata të informatikës.

/l.k./


Continue Reading
0


Fotoja e dites  / SLIDER BALLINA  / Te Drejtat e Njeriut
Kopertina raciste e revistës polake – “Përdhunimi islamik i Evropës”
Historia Ime Posted On 18/02/2016


Një nga revistat javore më popullore në Poloni ka shkaktuar debate me kopertinën e saj të fundit. Kopertina e “wSieci” përmban imazhin e një gruaje të bardhë të veshur me flamurin e Bashkimit Evropian, e cila është duke u sulmuar nga krahë të errët meshkujsh.

Titulli kryesor i revistës është “Përdhunimi islamik i Evropës” dhe imazhi simbolizon ngjarjet e përdhunimeve në Keln gjatë festave të fundvitit.

Revista i referohet ngjarjeve në Keln, ku u denoncuan rreth 1000 raste dhunimi, vjedhjeje dhe përdhunimi gjatë ndërrimit të viteve. Megjithatë, së fundmi thuhet se vetëm 3 nga 58 të dyshuarit e arrestuar, ishin emigrantë nga Iraku apo Siria.

Aleksanda Rybinska, autorja e artikullit, thotë se çështjet e migrimit, janë rezultat i një përplasjeje të pashmangshme mes Islamizmit dhe Krishtërimit. Ajo beson se myslimanët po promovojnë në mënyrë të vazhdueshme luftën dhe evropianët po i injorojnë ndikimet negative të multikulturalizmit.

Të shumta kanë qenë reagimet nga qytetarët në rrjetet sociale. Ata e kanë krahasuar kopertinën me propagandën naziste dhe fashiste, të cilat përdornin imazhin e femrave duke u sulmuar nga meshkujt hebrenj të Afrikës Veriore.

“wSieci” njihet si revistë e ekstremit të djathtë në Poloni. Kjo nuk është hera e parë që artikujt dhe kopertinat e kësaj reviste ngjallin debat. Më parë ata kanë paraqitur në faqe të parë Angela Merkel si Nënë Tereza, apo portretin e ish kryeministres polake Ewa Kopacz veshur me burka dhe me bomba në duar. /m.g

Burimi: The Independent

wSieci-Islamic-rape-europe-2

wSieci-Islamic-rape-europe

z18856979Q,Ewa-Kopacz-i-Angela-Merkel-na-okladkach-czasopism-


Continue Reading
0


Ndodhi sot  / Romë / Egjiptianë / Ashkali  / SLIDER BALLINA  / Te Drejtat e Njeriut
IKMT nis shembjen e banesave të komunitetit rom në Selitë, banorët përplasen me policinë
Historia Ime Posted On 18/02/2016


Vazhdon edhe sot përplasja mes familjeve rome që kundërshtojnë prishjen e banesave dhe IKMT e policisë që kërkojnë shembjen e tyre për t’i hapur rrugë ndërtimit të Unazës së Madhe të Tiranës.

Fadromat e IKMT  kanë shembur një nga banesat, të shoqëruara nga forcat e FNSH dhe RENEA që kanë bllokuar zonën e po mbajnë larg banorët e aktivistët që gjenden aty.

Familjet rome, banorë prej 25 vitesh në zonën e Selitës që preket nga ndërtimi i Unazës së Madhe janë të gatshëm të largohen vetëm nëse do t’iu jepet një strehim i denjë apo dëmshpërblimi që iu takon.

12744023_1805577806336205_1150618105809418414_n

Zona ku ndodhen banesat e komunitetit rom në Selitë është rrethuar nga forcat e policisë, asnjeri nuk lejohet të afrohet. IKMT  ka ndërprerë energjinë elektrike dhe ka filluar shembjen shembjen e banesave.
/Foto: Aktivizmi Rom dhe Egjiptian

12744520_1805559256338060_2494681339708957924_n

Banorë dhe aktivistë vijojnë të kundërshtojnë shembjen pasi pretendojnë se po kryhet në shkelje të ligjit dhe pa asnjë vendim zyrtar. Mësohet se 2 prej banorëve janë shoqëruar nga policia, pasi kanë kundërshtuar vendimin.
/Foto: Aktivizmi Rom dhe Egjiptian

/l.k./


Continue Reading
0


Fotoja e dites  / Headline  / SLIDER BALLINA
28 të vrarë nga sulmi terrorist në Ankara
Historia Ime Posted On 18/02/2016


Një shpërthim i fortë kamikaz në kryeqytetin turk, Ankara, ka sjellë deri tani 28 viktima dhe 61 të plagosur.

Shpërthimi ka ndodhur në një makinë të mbushur me eksploziv në momentin që disa autobusë ushtarakë ishin duke kaluar aty pranë. Vendi i shpërthimit është afër me parlamentin dhe selinë ushtarake turke.

Sulmi mendohet se ka patur në shënjestër trupat ushtarake, pasi përveç autobusit me personelin ushtarak, aty pranë ka patur edhe automjete të tjera ushtarake – të gjitha duke pritur në semafor. Deri tani thuhet se shumica e viktimave janë ushtarë, raporton BBC._88321603_ankaramap

Dëshmitarë të shumtë kanë thënë se shpërthimi ishte aq i madh sa është dëgjuar pothuaj në të gjithë qytetin.

Ndonëse Zëvendëskryeministri Bekir Bozdag e quajti ngjarjen akt terrorist, deri tani asnjë grup nuk ka marrë përgjegjësinë për sulmin.  Reuters raporton se disa burime sigurie fajësojnë për sulmin Shtetin Islamik (ISIS) dhe militantët e Partisë së ndaluar Kurde (PKK).

Ky është sulmi i dytë që i bëhet Turqisë brenda 2016-ës. Rreth një muaj më parë, në 12 janar, 10 turistë u vranë dhe 15 u plagosën në një shpërthim në Stamboll.

Sulme të mëparshme në Turqi:

  • Janar 2016: 10 persona viqën dhe 15 u plagosën nga një shpërthim kamikaze në një nga lagjjet turistike të Stambollit
  • Tetor 2015: Më shumë se 100 persona u vranë nga dy shpërthime kamikaze gjatë marshimit paqësor Kurd në Ankara
  • Korrik 2015: Në qytetin me shumicë kurde, Suruc, në afërsi me kufirin sirian, u vranë mbi 30 persona për shkak të një shpërthimi kamikaz. /m.g

Burimi: BBC

510831120

510826294

510840388

510833688

510833966

510837800


Continue Reading
1


Fotoja e dites  / Romë / Egjiptianë / Ashkali  / SLIDER BALLINA  / Te Drejtat e Njeriut
Unaza e madhe/ Familjet rome protestojnë: “Nuk dalim nga banesat nëse nuk shpronësohemi”
Historia Ime Posted On 17/02/2016


Ndërtimi i Unazës së Madhe prej kohësh i ka shkaktuar probleme familjeve rome që jetojnë në zonën e Selitës. Sot janë ende pesë familje që luftojnë të ruajnë banesat e tyre nga shembja. Ata thonë se nuk do të largohen që aty derisa të marrin demshpërblimin që iu takon.

BIRN shkruan se pesë familjet rome kanë gjetur strehim prej 25 vitesh në zonën e Selitës që preket nga ndërtimi i Unazës së Madhe dhe banorët janë të gatshëm të largohen vetëm nëse do t’iu jepet një strehim i denjë apo dëmshpërblimi që iu takon.

“Jetojmë shtatë persona në këtë shtëpi, kam ardhur në këtë zonë përpara vitit 1991. Nuk do të pranoj të ma shembin pa më dhënë më parë përfitimin që më takon prej saj. Ata mendojnë se ne jemi romë dhe nuk i njohim të drejtat tona”, tha për BIRN Sajmir Shaku, i cili e nxjerr jetesën duke mbledhur dhe tregtuar hekurishte.

Familjet rome i kanë kërkuar Bashkisë së Tiranës në respektim të Vendimit të Këshillit të Ministrave nr. 608 datë 05.09.2012 “Për përcaktimin e procedurës së kalimit të pronësisë të pasurive të paluajtshme, të ndërtuara deri më 10.8.1991”, t’i kalojë pronësinë e shtëpive dhe truallit ku kanë jetuar që nga vitet 1990.

Por pas zgjedhjeve vendore të vitit 2015, Bashkia e Tiranës e drejtuar nga Erion Veliaj, u është përgjigjur kërkesës së banorëve se harta e Arkivit Qendror Teknik deri në vitin 1990 nuk e vërteton ekzistencën e pronësisë së tyre.

Në mungesë të vërtetimit të pronësisë, Bashkia ka ofruar të paguajë vetëm dy vite qira për banorët e prekur, por kjo është joreale për këtë komunitet. /m.g

Burimi: BIRN

12

9

11


Continue Reading
2


SLIDER BALLINA  / Te Drejtat e Njeriut
14.3 % e shqiptarëve jetojnë në varfëri, 5% gjithnjë të uritur, sipas Raportit Global të Urisë
Historia Ime Posted On 17/02/2016


 

Instituti Amerikan “Bread for the World” ka publikuar raportin e urisë për vitin 2016 (Hunger Report 2016). Raporti nënvizon se ushqyerja e shëndetshme është thelbësore  për zhvillimin e një shteti dhe mund të parandalojë kosto të shumta shëndetësore.

Shqipërinë, raporti nënvizon se 14.3 % e popullsisë jeton në varfëri (marrë nga të dhëna të studiuara në vitet 2009-2014). Ndërsa tregon se 5 % e popullsisë konsiderohen gjithnjë të uritur (studim i të dhënave të vitit 2013-2015), një tregues ky Brenda mesatares së rajonit. Sa i përket vdekshmërisë foshnjorë, shifrat flasin për 14.9 % e fëmijëve nën 5 vjeç, në vitin 2013.

Më tej raporti publikon disa karakteristika në lidhje me vendet në zhvillim, mes të cilave renditet dhe Shqipëria. Problemet kryesore duket se janë rreth urisë, kequsqyerjes dhe barrës që obeziteti dhe sëmundjet kronike i ngarkojnë sistemit shëndetësor.

Shkalla e urisë është një nga problemet më të mëdha të vendeve në zhvillim, shkalla e lartë e kequshqyerjes, mungesa e vitaminave dhe mineraleve vijojnë të jenë shqetësuese për jetët e njerëzve. Nga ana tjetër, rritja e nivelit të obezitetit dhe rritja e sëmundjeve kronike po kthehen në një barrë për sistemet shëndetësore në këto shtete.

Pabarazitë socio-ekonomike e kanë çuar popullsinë në një shpërndarje të pabarabartë të kujdesit shëndetësor. Faktorë si edukimi, mundësitë e punësimit, aksesi në ushqime të shëndetshme ka një impakt të madh në shpenzimet në shëndet.

/l.k./

 


Continue Reading
0


Fotoja e dites  / Ndodhi sot  / SLIDER BALLINA
Nisin punimet për Unazën e vogël
Historia Ime Posted On 17/02/2016


Bashkia e Tiranës ka lajmëruar se nga sot kanë nisur punimet për Unazën e Vogël. Faza e parë e projektit që ka nisur sot, përfshin segmentin nga Banka e Shqipërisë – prapa Muzeut Kombëtar – Ushtari i Panjohur. Punimet, sicc është lajmëruar nga bashkia, do të zhvillohen në tre faza. Ndërtimi i Unazës së Vogël ka për qëllim të kthejë sheshin Skënderbej në pedonale.

Realizimi i Unazës së Vogël,parashikon disa shembje dhe shpronësime, ndërtime të kanalizimeve dhe zhvillim të infrastrukturës nëntokësore dhe mbitokësore.

Disa nga punimet që do të kryhen janë heqja e transformatorit që ndodhet pas 15­-katëshit, i dalë jashtë funksioni prej kohësh. Po kështu edhe godina e INSIG do të prishet duke bërë të mundur kalimin e Unazës së Vogël në këtë pjesë.

Bashkia e Tiranës ka lajmëruar se deri në përfundim të fazës së parë, që parashikohet të jetë 4 muaj, do të ketë devijime dhe bllokime në disa akse rrugore rreth qendrës së qytetit.

– Në kryqëzimin e rrugëve “Urani Pano” dhe “Ded Gjo Luli”, drejtim i detyruar djathtas dhe majtas

– Në kryqëzimin e Rrugës së Durrësit me rrugën “Ded Gjo Luli”, drejtim i detyruar djathtas

– Rruga “Abdi Toptani”, me një sens lëvizjeje, me drejtim nga bulevardi “Dëshmorët e Kombit” deri në rrugën “George W. Bush”. Do të ketë ndalim-qëndrimi 24 orë, në të dy krahët e saj

– Rruga “Çamëria”, me një sens lëvizjeje me drejtim nga rruga “Ibrahim Rugova” deri në sheshin “Skënderbej”. Do të ketë ndalim-qëndrimi 24 orë në të dyja krahët e saj

– Ndalohet parkimi i mjeteve në Rrugën e Barrikadave, segmenti “Luigj Gurakuqi” deri në Rrugën e “Dibrës

– Linja Institut-Qendër do të kryejë rrotullim përreth sheshit “Skënderbej” dhe do të stacionohet përpara Muzeut Kombëtar

– Linja Laprakë-Qendër do të kryejë rrotullim përreth sheshit “Skënderbej” dhe do të stacionohet përpara Muzeut Kombëtar

– Linja Kamzë-Qendër, City Park-Qendër dhe Vorë-Qendër do të kryejë rrotullim përreth sheshit “Skënderbej” dhe do të stacionohet pas Pallatit të Kulturës

– Stacioni ekzistues te Rruga e Barrikadave do të zhvendoset te rruga “Luigj Gurakuqi”

– Stacioni ekzistues te sheshi “Skënderbej” në krah të Bankës së Shqipërisë kalon të Rruga e Kavajës përpara semaforit. Ky segment do të ketë ndalim-qëndrimi 24 orë

– Mjetet që ushtrojnë aktivitetin e tyre me itinerar nga Kosova për në Tiranë dhe anasjelltas, si në linjë të rregullt ashtu dhe turistike, do të stacionohen te sheshi i pallatit të sportit “Asllan Rusi”.  /m.g

unaza1

unaza2

unaza4

unaza5

unaza6

unaza8


Continue Reading
0


Blog  / SLIDER BALLINA
7 arsye pse duhet ndërtuar në Park – Nga Lutfi Dervishi
Historia Ime Posted On 17/02/2016


E kemi bërë zakon tashmë që ne protestojmë për gjëra që nuk duhet të protestojmë dhe flemë gjumë për gjëra që të bëjnë gjëmën. Ky paradoks më duket se qëndron për Parkun.

Së pari, duhet filluar nga e para. E keni vënë re që janë bërë të bezdisshëm njerëzit që pyesin se ku është hyrja e parkut Artificial? Ndonjëherë të krijohet ideja se ke përpara një manifestim pa leje, por jo janë qytetarë që duan të shijojnë hapësirën e gjelbër dhe nuk e dinë ku është hyrja e parkut. Për këtë arsye e shoh me shumë vend që të ndërtohet një godinë multifunksionale, mundësisht PPP (partneritet – publik – privat) dhe të jetë aq e lartë sa të duket nga çdo cep I Tiranës. Në këtë mënyrë do të shpëtojmë nga pyetja që bëhet më dendur këto ditë në kryeqytet: ku është hyrja e parkut?

Së dyti: duhen nisur urgjentisht punimet edhe në brendësi të parkut- sidomos për projektin “të luajnë fëmijët”. Sipas ekspertëve, pemët po sëmuren. Sëmundja e tyre është një shenjë nga lart se në atë vend ka mbërritur mallkimi ndaj ngjyrës jeshile. Pemët duhen prerë dhe përvoja jonë 25 vjeçare ka dëshmuar se deri më sot asnjë kolonë betoni nuk është kalbur. Madje aty nëse gjendet ndonjë hapësirë dhe me vullnet të mirë besoj se do të gjendet, mund të ndërtohen disa banesa, (pallate), me synimin e vetëm për të shtuar sipërfaqet e gjelbërta. Gjelbërimi horizontal (bari, pemët e ulta etj) nuk po jep rezultat. Duke ndërtuar do të kemi mundësi që për të njëjtën sipërfaqe të kemi më shumë gjelbërim, në çdo kat mund të vendosen vazo me lule, dhe për t’u ruajtur nga sëmundja dhe për të garantuar 365 ditë gjelbërim- mund të porosintë në Kinë lule plastike.

Së treti: Në këtë vend janë bërë punët lëmsh dhe duhet një moment  për t’u ftilluar. Shoqata e arkitektëve dhe urbanistëve ka bërë një deklaratë proteste për prerjen e pemëve në Park. A thua se arkitektët dhe urbanistët nuk e nxjerrin rrogën duke punuar me ndërtuesit. Në këtë rast, I ngjajnë njeriut që ka marrë sopatën dhe pret degën e pemës në të cilën është ulur. Jemi një vend unik, arkitektët dalin kundër prerjes pemëve dhe ambientalistët pro zhvillimit me zhvillues (ndërtues). Në këtë pikë ja vlen të ndalesh edhe tek protestuesit  si psh nisma # thurje. Vetë emri nënkupton thurje, dmth gardh dhe këta ose sulen ndaj çdo gardhi që shohin ose mbështesin ata që prishin gardhet.

Së kartërti: aspekti ligjor. Shumë kritikues kanë vënë në dukje se me miratimin nga Parlamenti të moratoriumit për prerjen e pemëvë, bashkia e Tiranës ka shkelur ligjin duke prerë pemë në Park. Dhe ligjin për të cilën ranë dakord edhe pozita edhe opozita në Kuvend. Ky është argument politik dhe propagandistik, por kurrsesi ligjor. E para ligji flet për pyjet. Pemët nuk janë prerë në pyll, por në një park artificial të ngritur në vitet 50-60 të shekullit të kaluar. Nuk ka gjykatë në Tiranë, qoftë edhe ajo pas reformës në drejtësi që të pranoj që Parku Artificial është pyll.

Së pesti: Shqipëria duhet të marrë shembull nga Dubai në fushën e ndërtimeve. Jam shumë I zhgënjyer nga planet që kam parë. I zhgënjyer pjesërisht. Parashikohen ndërtime në dy anët e universitetit (kjo është për të sqaruar njerëzit se ku do të jetë hyrja), parashikohen ndërtime rreth e rrotull liqenit, ka edhe zëra të lig që thonë se duan të thajnë liqenin për të bërë një kompleks të bukur ndërtimesh me juri ndërkombëtare, por e vërteta lakuriqe është se nuk shohim asnjë gjurmë ndërtimi në liqen, dmth mbi ujë! Nëse në vitet 90 Dubai ishte shkretëtirë dhe në dorë të zhvilluesve u kthye në oaz duke ndërtuar në rërë, mbi ujë e nën ujë, çfarë kanë më pak zhvilluesit tanë?! Duhet një projekt (mjafton edhe një studio shqiptare) që të parashikojë ndërtime pallatesh mbi ujë.  Jo për të sfiduar Dubain se ne kemi sfindë me BE-në, por edhe për të rikthyer traditën dhe për të provuar se ne jemi 100% pasardhësit e ilirëve që ndërtonin mbi ujë për t ‘u ruajtur nga egërsirat.

Së gjashti: ndërtimet në Park ulin stresin. E keni vënë re që njerëzit kur hyjnë në park, janë më të qetë, buzëqeshin, I kthehen disa riteve të vjetra si vrapimi, ngarja e biçikletës… dhe me të dalë nga Parku pësojnë luhatje të tmerrshme të gjendjes shpirtërore. Këto luhatje – sipas studimeve të fundit- kanë rritur numrin e pacientëve që vuajnë nga stresi në atë pikë sa edhe check up-et falas nuk po ja dalin dot. Ndërtimet në park, harmonizojnë qytetin me një çiban që ka mbetur që nga koha e komunizmit!

Së fundmi, por jo e fundit, arkitektët thonë se qytetin nuk na e kanë lënë trashëgim baballarët, por ua kemi borxh fëmijëve. Është pak arkaike si shprehje. Gjithë bota, po ecën me borxhe.

Ç’të  keqe ka këtu që t’ua lemë borxh fëmijëve një kënd lojrash në mes të Parkut? /l.k./

/syri.net


Continue Reading
0