Irlanda pro edukimit gjithëpërfshirës në shkolla për komunitetin LGBT
Alba Ahmetaj
Posted On 06/04/2018
Foto: Pink News
Qeveria irlandeze ka kërkuar riformulimin me një draft të ri ligjor për përfshirjen e çështjeve LGBT në edukimin seksual. Ministri i Edukimit në Irlandë, Richard Bruton ka publikuar këtë javë kërkesën për një shqyrtim dhe rishikim të kurrikulës në të gjitha shkollat.
Të mësuarit rreth seksualitetit dhe raporteve seksuale ka qenë i detyrueshëm në shkollat irlandeze që prej vitit 1990, por një komitet në parlamentin irlandez ka pohuar se kurrikula e këtij edukimi duhet përditësuar dhe kërkon një draft të ri.
Në përgjigje të kërkesës, ministri Bruton i ka shkruajtur “Këshillit Kombëtar për Kurrikulën shkollore” të riformulojë programin. Departamenti është shprehur se çështjet e LGBT janë të një rëndësia specifike.
Ministri shtoi më tej se dhe trajnimi i mësuesve është i një rëndësie të veçantë, pasi këta mësues duhet të ndihen komodë në shpjegimin e seksualitetit dhe çështjeve LGBT tek nxënësit./k.m/
Burimi: Pink News
Trending Now
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.