Një grua e huaj i ka dhënë shumë gëzim një çifti të sapofejuar, pasi doli aksidentalisht në një nga fotot e tyre të fejesës.
Jessica Rodriguez gjeti një moment të qetë për ti propozuar partneres së saj prej shumë kohësh, Chelsea Miller në hollin e Institutit të Arteve të Çikagos.
Ajo e realizoi surprizën për partneren e saj me ndihmën e disa miqve, që erdhën me një banderolë gjigande me fjalët “Dëshiron të martohesh me mua?”.
Çifti kapi vëmendjen e njerëzve që ndodheshin afër kur Jessica u ul në gjunjë – dhe Chelsea shumë emocionale e pranoi propozimin e saj.
Një nga fotot e tyre të fejesës kapi momentin më të mirë që dikush mund të kishte pritur – falë një gruaje të panjohur e cila doli në sfondin e fotos, dhe e shprehte qartë gëzimi i saj.
Vëllai i Jessicas, Carlos e ndau këtë moment në Twitter, duke shkruar: “Motra ime i propozoi të dashurës së saj sot, dhe shikoni reagimin e kësaj gruas së moshuar”
Duke folur për news.com.au, Znj. Rodriguez tha: “Nuk besoj se e kuptuam se ajo ishte aty. Ishim shumë nervoze.
“Ne ishim duke parë fotot që i bëri miku im Ed Sanchez,[dhe] zbuluam këtë perlë me reagimin e saj të ëmbël.
“Me të vërtetë e bëri atë foto edhe më të veçantë.”
Çifti kanë qenë së bashku që nga viti 2012..
Duke shpjeguar pse zgjodhi atë vend për propozimin e saj, Znj. Rodriguez tha: “Nëse dikush mund të përshkruajë dashurinë tonë, mund ta bëjë vetëm nëpërmjet një vepre arti. Ai është i lumtur, gallatë, kaotik, frymëzues dhe i fortë.
“Unë dua të vazhdoj të zbuloj artin për pjesën tjetër të jetës me ty pranë meje.”/A.A.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.