25 nëntori, Dita Ndërkombëtare e Eleminimit të Dhunës ndaj Grave

25 nëntori njihet nga Kombet e Bashkuara si Dita Ndërkombëtare për Eleminimin e Dhunës nga Gruas. Duke nisur nga 25 nëntori deri në 10 dhjetor (Dita e Drejtave të Njeriut), njihen si 16 ditët e aktivizmit kundër  dhunës në bazë gjinore.

Këtë vit, Kombet e Bashkuara mbështesin fushatën “Orange the world: End violence against women and girls”. Edhe në Shqipëri, ministri i Mirëqënies Sociale, Blendi Klosi, lançoi  16 ditët e aktivizmit kundër dhunës ndaj gruas.

“Ne në Shqipëri e respektojmë shumë nënën, motrën, familjen dhe nëna e gruaja janë pjesa më e mirë e familjes shqiptare. Në këto 16 ditë të aktivizimit tonë ne do të përpiqemi në çdo moment të shfaqim kundra dhunës, ta promovojmë atë, ta ngremë aty ku e meriton”, tha ministri Blendi Klosi.

Gjithashtu ai deklaroi se është e nevojshme që jo vetëm të ndërmerren strategji por ato të gjejnë zbatim.

/m.g