Sistemi i ri informatik, çdo veprim tatimor mund të kryehet nga zyra
Erjon Tela
Posted On 10/01/2015
Tatimet kanë ngritur një sistem të ri informatik, i cili i mundëson bizneseve që çdo veprim tatimor ta kryejnë nga zyrat e tyre përmes llogarisë vetjake elektronike.
Përmes sistemit, ndërmarrjet deklarojnë elektronikisht bilancet, pasqyrat financiare apo ndryshimin e punonjësve vetëm te Tatimet, pa qenë të detyruara ta bëjnë këtë edhe në institucionet e tjera si QKR apo zyrat e punës. Në të njëtën kohë, sistemi informatizon taksa të reja.
Top Channel informon se veç deklarimeve online sistemi i ri informatik i lehtëson ndërmarrjet edhe në pagesën e taksave. Sistemi, i ngritur me ndihmën e FMN, bën të mundur që kontakti i vetëm mes biznesit dhe Tatimeve të jetë ai elektronik. Ndërkaq, një strukturë e posaçme në Drejtorinë e Tatimeve i jep zgjidhje brenda 48 orëve çdo paqartësie apo problemi teknik që mund t’u lindin bizneseve.
Sistemi i ri mundëson rimbursimin elektronik të tvsh-së në të gjithë hallkat nga kërkesa e biznesit deri në pagesën automatike. Po kështu shumë shpejt përmes tij ndërmarrjet mund të shkarkojnë nga zyra cdo vërtetim tatimor për të cilin mund të kenë nevojë.
Trending Now
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.