Të rritesh në bunker: Jeta e djalit 5 vjeçar që jeton nën tokë në Ukrainën e përfshirë nga lufta

I varrosur nën tokë, një djalë i kërrusur 5-vjeçar sheh me shpresë përmes derës gruan që po përgatit ushqimin. Ashtu si brejtësi që mban si kafshë shtëpiake, Pavel është  mësuar me mungesën e dritës pas 9 muajve jetë në  bodrum, ku ai ha, fle dhe luan nën tokë.Bashkë me familien dhe një grup njerëzish që kanë përjetuar shkatërrimin e qytetit të tyre, djaloshi ka gjetur aty strehë ndaj rrezikut të përhershëm të plumbave dhe eksplozivëve që oshëtijnë në sipërfaqe. Pavel dhe familia e tij jetojnë prej 9 muajsh në bodrumin e qendrës kulturore Petrovkiy, një zonë e Donjeskut nën kontrollin e rebelëve pro-Rusë. Qyteti ku prej muajsh ka përplasje të tmerrshme mes trupave Ukrainase dhe rebelëve.

Që pas armëpushimit të 15 Shkurtit, luftimet janë ngadalësuar por nuk ndalojnë.

Goditjet e forta të artilerisë dhe oshtëtimat e armëve automatike ende jehojnë nëpër peisazhin e zymte të pemëve të rrëzuara dhe rrënojave që dikur kanë qënë shtëpi.
Të kthehesh në shtëpi nuk është akoma një opsion i sigurt.

Jeta në bodrum është e vështirë, disa mobilie të vjetra të shpëtuara nga ndërtesat në sipërfaqe dekoron shtëpinë nëntokësore.

Kjo familie fatkeqe është nje nga mijëra familiet e civilëve që u detyruan të largohen nga shtëpitë e tyre për shkak të konfliktit që filloi në Prill të vitit 2014.Pasi Kievi dërgoi ushtrinë në rajonet juglindore që nuk pranuan tu nënshtrohesin autoriteteve të reja të krijuara në kryeqytet.

Prej gati një vit luftimesh kanë humbur jetën 5.793 persona sipas statistikave të OKB-së dhe 14.595 njerëz janë plagosur.

/DailyMail