Kardinali katolik: Irlandezët janë më keq se paganët që votuan pro martesave gej

Kardinali katolik Raymond Burke ka thënë se irlandezët janë më keq se paganët, sepse ata me shumicë dërrmuese kaluan martesat brenda të njëjtit seks.

Javën e kaluar, njerëzit në Republikën e Irlandës me shumicë dërrmuese votuan për të miratuar martesën civile brenda të njëjtit seks në një referendum, me një diferencë nga 62,1% pro në 37,9% jo. Klikoni këtu për të lexuar këtë artikull: historiaime.al

Ndërkohë që aktivistë të barazisë e kanë përshëndetur vendimin, një numër katolikësh të lartë e kanë sulmuar vendin dhe me Vatikanin që pretendon se rezultati është një “humbje për njerëzimin”.

Kardinali amerikan Raymond Burke, i cili shërben si mbrojtës i Urdhrit Sovran Ushtarak të Maltës në kuadër të Vatikanit, e sulmoi vendin, ndërsa po fliste për grupin katolik të Shoqërisë Newman në Universitetin e Oksfordit.

Sipas The Tablet, ai u ankua: “Dua të them, kjo është në kundërshtim me fjalën e Perëndisë. Është thjesht e pabesueshme. Paganët mund ti kenë toleruar sjelljet homoseksuale, por ata kurrë nuk guxuan të thonë se kjo ishte martesë. ”

Burke është një nga Kardinalët më famëkeq anti-gej brenda Kishës Katolike.

Ai ka bërë thirrje më parë për prindërit që ti mbajnë fëmijët e tyre larg nga të afërmit gej, duke thënë: “Në qoftë se marrëdhëniet homoseksuale janë në thelb një çrregullim, dhe në të vërtetë ashtu janë siç na mëson arsyeja dhe besimi ynë, atëherë çfarë do të thotë për nipërit e mbesat që të ketë të pranishëm në një mbledhje familjare një anëtar të familjes që jeton në një marrëdhënie të çrregullt me një person tjetër? ”

Kardinali Burke gjithashtu ka pohuar se njerëzit gej kanë “në thelb të keqen” dhe këmbënguli duke thënë se: “Homofobia thjesht po shpall të vërtetën, duke ndihmuar njerëzit që të diskriminojnë të drejtën nga e gabuara në aspektin e aktiviteteve të tyre”./www.pinknews.co.uk