Viola Davis u bë gruaja e parë afro-amerikane që fitoi çmimin Emmy për aktoren më të mire në serinë dramatike Si të shpëtoni pa lagur nga një vrasje, dhe më pas mbajti fjalimin më të fuqishëm deri më sot në çmimet Emmy. Davis e filloi fjalimin me një citim nga Harriet Tubman. “Në mendjen time, unë shoh një kufi,” tha ajo. “Dhe mbi këtë kufi unë shoh fusha të gjelbra dhe lule të mrekullueshme dhe femra të bardha të bukura me krahë shtrirë drejt meje mbi atë kufi, por duket sikur unë nuk mund të shkoj dot atje. Duket sikur nuk mund ta kaloj këtë kufi. “Ajo pastaj tha:” E vetmja gjë që ndan gratë me ngjyrë nga gjithë të tjerët është mundësia. ”
Fjalimi i Davis shpejt u bë një homazh i fuqishëm për gratë me ngjyrë, duke përfshirë shoqen e saj kandidate për Emmy, Taraji P. Henson. “Ju nuk mund të fitoni një Emmy për role që thjesht nuk egzistojnë”, ka thënë Davis. “Një përshëndetje për të gjithë shkrimtarët, Peter Nowalk, Shonda Rhimes” vazhdoi ajo, “njerëz të cilët kanë ripërcaktuar çfarë do të thotë të jesh e bukur, seksi, të jesh një grua në rol kryesor, të jesh me ngjyrë. Dhe për të gjitha Taraji P. Henson-et, Kerry Washington-et, Halle Berry-t e Gabrielle Union-et, ju falënderoj që na çuat përtej këtij kufiri. “/A.A.
Trending Now
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.