Mariah Idrissi është myslimanja e parë që ka xhiruar një reklamë të kompanisë H&M e veshur me ferexhe.
Idrissi është një londineze 23 vjeçare me origjinë nga Pakistani dhe Maroku, e cila kishte filluar të mbante shami që në moshën 17 vjeçare.
“Gjithmonë e ndiejmë që gratë që mbajnë ferexhe janë të injoruara kur vjen puna te moda… kështu që është e mrekullueshme që një markë rrobash kaq e madhe e ka pranuar që ne e veshim shaminë”, ka thënë ajo.
Duke folur për ditët kur po xhironte reklamën ajo tha: “Stafi i H&M që realizoi reklamën përbëhej shumica nga gra, dhe burrat që punonin aty ishin lajmëruar që mos të më preknin. Ata ishin shumë të respektueshëm”.
Modelja me ferexhe, ka thënë se marka ndërkombëtare e modës, i kishte siguruar kushte shumë të përshtatshme duke i dhënë një hapësirë shumë private veshjeje.
“Nëse kameramani shikonte diçka që nuk dukej në rregull, ata thërrisnin një grua që të më rregullonte. Ishte e mrekullueshme”.
Shfaqja e Marias në klip shoqërohet me një zë që thotë”Look chic”. Klipi po ashtu shfaq si modelë një burrë në moshë të thyer, një modele mbipeshë dhe një boksier me një këmbë protezë”.
Motoja e kësaj reklame është “Në modë ka vetëm një rregull. Riciklo rrobat”./A.A.
https://www.youtube.com/watch?v=BCm2TzRP_yA
Trending Now
Nuk ka prova? S'ka gjë, ka gjykim!
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.