Gaxherri: Veselit i falet se është mashkull, Albulena Haxhiu më indinjoi më shumë

Alba Ahmetaj Posted On 27/10/2015

Deputetja e Lidhjes Demokratike të Kosovës, Besa Gaxherri, ka thënë se ofendimi që kryeparlamentari Kadri Veseli i bëri deputetes Albulena Haxhiu i falet, sepse “ai është mashkull”.

Gaxherri tha në Info Magazine të Klan Kosovës se më shumë ka qenë e indinjuar me kolegen e saj Albulena Haxhiun, sepse ajo nuk duhej të bërtiste.

“Opinioni e di mendimin tim për Kadri Veselin”.

“Por, për Albulena Haxhiun që është femër më erdhi shumë rëndë nga sjelljet e saj”.

“Më shumë kam qenë e indinjuar me Haxhiun, sepse Kadri Veselit i falet se është mashkull”, tha Gaxherri, duke shtuar se koleget e saj duhej të kishin kujdes se ato janë “femra, gra dhe nëna”.

“Kishte bërtima sikur të kafshëve atë natë në Parlament”./A.A.

/klankosova.tv

- Advertisement -

Author

Alba Ahmetaj

Alba Ahmetaj është juriste dhe bashkëthemeluese e ProLGBT. Ajo është një ndër asetet e Historia Ime që në fillimet e saj dhe zëri i saj është i dukshëm sidomos në seksionet e feminizmit, LGBT-ve dhe Drejtave të Njeriut të portalit pasi motivimi i saj ka qënë me i fokusuar në këtë drejtim. Ajo është aktiviste prej 10 vitesh për avancimin e të drejtave të komunitetit LGBTI në Shqipëri dhe ka luftuar për të ndihmuar përmirësimin e jetës së grave dhe vajzave të këtij komuniteti. Alba është Drejtoresha e Programeve të dedikuara grave dhe vajzave të komunitetit LBT.