HISTORIA E VAJZËS NGA LEZHA SI E DROGUAN DHE E PËRDHUNUAN NË GRUP

Alba Ahmetaj Posted On 21/11/2015

Dy të rinj nga Lezha dhe një i tretë i shpallur në kërkim, kanë droguar dhe më pas përdhunuar një vajzë 21 vjeçare nga Lezha. Kristjan Marku 34 vjeç, tashmë i ndaluar, shfrytëzonte për prostitucion një 21 vjeçare me inicialet E. T, të cilën më pas e ka dërguar në Tiranë te shtetasit Vladimir Lleshi dhe Agustin Toli të cilët e kanë droguar dhe më pas kanë kryer marrëdhënie seksuale pa dëshirën e vajzës.

Vajza më pas ka mundur të largohet nga banesa ku mbahej në Tiranë dhe ka kërkuar ndihmën e policisë. Menjëherë Policia është vënë në lëvizje dhe ka arrestuar Vladimir Lleshin. Ndërkohë që personi tjetër është në kërkim. Akuza e ngritur ndaj tyre është shfrytëzim prostitucioni, marrëdhënie seksuale me dhunë dhe nxitje për përdorimin e drogës, të kryera në bashkëpunim./A.A.

/globnews.al

- Advertisement -

Author

Alba Ahmetaj

Alba Ahmetaj është juriste dhe bashkëthemeluese e ProLGBT. Ajo është një ndër asetet e Historia Ime që në fillimet e saj dhe zëri i saj është i dukshëm sidomos në seksionet e feminizmit, LGBT-ve dhe Drejtave të Njeriut të portalit pasi motivimi i saj ka qënë me i fokusuar në këtë drejtim. Ajo është aktiviste prej 10 vitesh për avancimin e të drejtave të komunitetit LGBTI në Shqipëri dhe ka luftuar për të ndihmuar përmirësimin e jetës së grave dhe vajzave të këtij komuniteti. Alba është Drejtoresha e Programeve të dedikuara grave dhe vajzave të komunitetit LBT.