Maqedonia e fundit për respektimin e të drejtave ndaj komunitetit LGBT
Alba Ahmetaj
Posted On 03/03/2016
Në një emision 10 minutësh kryetari i LGBT Junajted Tetovë, Bekim Asani deklaroi se komuniteti LGBT është më i diskriminuari në vend. Asani shton se qytetarët nuk janë mjaftueshëm të informuar për komunitetin LGBT dhe kjo shkon deri në dhunë ndaj kësaj kategorie.
“Shumica e popullatës e shohin komunitetit LGBT si një sëmundje, si një lëvizje e sjellë nga Amerika dhe Evropa. Por jo, komuniteti LGBT është pjesë e çdo shoqërie dhe civilizimi që nga krijimi i njerëzimit”, u shpreh Bekim Asani, Kryetar i LGBT Junajted, Tetovë.
Asani thekson se komuniteti LGBT ka humbur besimin tek institucionet dhe tek vendet ku mund të denoncohet dhuna.
“Dhuna është shumë e përhapur, është një prej problemeve kryesore dhe kyçe me të cilët ballafaqohet komunitetit LGBT. Dhuna fillon kryesisht në familje”, shtoi Asani.
Sipas raporteve të organizatave evropiane, Maqedonia gjendet në 5 vendet e fundit sa i përket respektimit të të drejtave të komunitetit LGBT. Ndërkaq në Ballkan Maqedonia gjendet në vendin e fundit për te drejtat e këtij komunitetit./A.A.
Trending Now
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.