“Kjo pjesë teatrale ka për qëllim të adresojë paragjykimet dhe stigmën sociale që viktimat e dhunës seksuale ndeshën gjatë luftës në Bosnje”, shprehet regjisori Anes Osmic. Kjo pjesë teatrale është interaktive dhe pati premierën e saj në Sarajevë në dhjetor. Tematika që trajton është mjaft sensitive, duke qenë se çështja e përdhunimeve dhe dhunës seksuale gjatë luftës në Bosnje mbetet delikate.
“Nëse dikush në komunitetin që ti jeton të pështyn në rrugë teksa ti kalon vetëm për arsyen se je viktimë e dhunës seksuale, ose nëse doktori të thotë se nëse nuk do të kishe hapur këmbët kjo gjë nuk do të kishte ndodhur, kjo nënkupton që na duhet shumë punë për të ndryshuar këtë mentalitet” shprehet Anes për BIRN gjatë intervistës.
Sipas të dhënave nga Kombet e Bashkuara për Bosnjen, rreth 50.000 gra e vajza (pa përjashtuar djem dhe burra) janë dhunuar seksualisht gjatë luftës që u zhvillua në vitet 1992-1995. Osmic e cilëson dhunën seksuale si një mjet i luftës për të shkatërruar, turpëruar dhe ushtruar dhunë sistematike.
Shumë prej viktimave që i mbijetuan kësaj dhune gjatë konfliktit, akoma ballafaqohen me stigmën sociale dhe paragjykimet, shpeshherë nuk iu tregohet askujt për eksperiencën traumatike që kanë kaluar nga frika e refuzimit dhe përjashtimit social. Një studim i publikuar prej Kombeve të Bashkuara në qershor 2015 tregon se viktimat e përdhunimeve janë të margjinalizuara në çdo aspekt të jetës.
Premiera u mbajt në 8 dhjetor në teatrin “Sarajevo War Theatre” dhe më pas u vu në skenë dhe në lindje të Sarajevës, në Republika Srpska, një zonë me shumicë serbe.
Reagimet e para ndaj dramës janë të shkëlqyera. Njerëzit na flasin pas performancës, që përbën hapin tonë të parë – të thyesh heshtjen duke folur për këtë temë por dhe duke shfaqur solidaritet dhe mbështetje për të mbijetuarit” shprehet Osmic.
Performancat bazohet mbi dëshmitë e viktimave nga të tre grupet etnike (Boshnjak, Serbë dhe Kroatë). Këto dëshmi lidhen me mënyrën se si të mbijetuarat trajtoheshin në familjet e tyre, nga komuniteti dhe doktorët e punonjësit socialë” shprehet regjisori. Në muajt në vazhdim shfaqja do të vihet në skenë në qytete të ndryshme në Bosnje-Hercegovinë, ku krimet e luftës akoma vijojnë të mohohen./k.m/
Burimi: BIRN
Trending Now
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.