Bojaxhi: Ky është vetëm fillimi, do të jemi në opozitë me pushtetin

Kristi Pinderi Posted On 23/06/2015

Gjergj Bojaxhi, i ftuar në studion e Top Channel për të komentuar rezultatet e zgjedhjeve konfirmoi se grupimi që ai përfaqëson ka në plan një projekt politik për zgjedhjet e 2017, një projekt që nuk do të fokusohet vetëm në Tiranë por në gjithë Shqipërinë.

“Projekti ynë në këto zgjedhje”, tha ai, “ishte projekt për ta qeverisur Tiranën ndryshe, jashtë klientelizmit, jam i bindur që ka patur me mijëra të tjerë që me shpirt kanë qenë me ne por kanë patur shqetësimet që do i adresojmë në të ardhmen”.

Me mbi 16 mijë vota në Tiranë (ose 5.4 %) grupimi që përfaqësoi Bojaxhi thotë se do të jenë “opozitë ndryshe, që jo vetëm flet ndryshe, por dhe sillet ndryshe sepse nuk duhen përsëritur gabimet e së kaluarës kur vota kundër partive nuk ka qenë e shoqëruar me një alternativë ndryshe”.

Bojaxhi la të kuptohet se nga sot ai do të jetë në opozitë me ata që qeverisin aktualisht, të cilët I konsideroi si “përfaqësuesit më tipikë të kësaj kaste politike”.

- Advertisement -

Author

Kristi Pinderi

Mbrojtës i palodhur për të drejtat e LGBT+ është bashkëthemelues i ProLGBT dhe I Aleancës Kundër Diskriminimit, të dyja organizatat kryesore për mbrojtjen e personave LGBT+ në Shqipëri. Në dhjetor të 2014 ai ishte ndër themeluesit e STREHA, shelterit të parë për personat LGBT+ në të gjithë Europën Juglindore. Kristi ka kryer studimetbachelor për Histori dhe Arkeologji në Universitetin e Tiranës dhe ka kryer edhe një sezon kërkimor në fushën e komunikimit të trashëgimisë kulturore në Universitetin e Bolonjës. Karrierën e ka filluar në vitin 2000 si gazetar dhe ka një përvojë të gjate në gazetari, duke qenë se ka punuar si gazetar dhe drejtues për media të rëndësishme si Kult, ATSH, Mapo, Shekulli, etj. Ka qenë gjithashtu Drejtor i Komunikimit të Lëvizjes MJAFT! dhe ka qenë I përfshirë në draftimin dhe implementimin e shumë fushatave mediatike kombëtare dhe ndërkombëtare mediatike, sidomos në lidhje me të drejtat e njeriut. Nga viti 2017 jeton me partnerin e tij në Kanada ku punon për organizatën Community Builders Group, në një projekt pilot strehimi për personat vulnerabël ne Vankuver. Ai vazhdon të angazhohet në aktivizëm për të drejtat e LGBT+ në Kanada ku kontribuon me shkrime per Daily Xtra ndërsa ndjek me vëmendje ecurinë e lëvizjes në Shqipëri, ku është anëtar i Bordit të Drejtorëve të Pro LGBT.