Sarah Hijazi, është një 30 vjeçare, aktiviste e njohur për të drejtat e Njeriut dhe të drejtat LGBT në Egjipt.
Hijazi u arrestua në tetorin e 2017, pasi gjatë një tubimi ajo mbante në duar flamurin e komuniteti LGBT.
Në burg, siç ajo vetë ka treguar, është dhunuar, e përdhunuar, ndërsa u lirua në 2019 pas presionit ndërkombëtar kundër Egjiptit, dhe fitoi azil në Kanada, ku edhe vijonte aktivizmin e saj.
Por, duket sikur torturat dhe dhuna e ushtruar në burg, nuk kanë qenë të lehta për të, pasi ajo ka vrarë veten, dhe në një letër lamtumirëse shkruante: “Tentova të mbijetoj dhe nuk ia dola, më falni. Eksperienca ime ishte tepër e rëndë për të rezistuar”
Lufta për të drejtat dhe barazi është një luftë e vështirë, disa nuk do ja dalin, disa, dikur, herët apo vonë, do e ngrenë trofeun e fitores.
U prehsh në paqe Sarah Hijazi!/ HistoriaIme
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.