Juncker zevendeson Barroson ne krye te ekzekutivit te BE-se. Votohet me 422 vota, pavaresisht kundërshtimit anglo-hungarez
Redaksia
Posted On 16/07/2014
Pas fjalës së mbajtur në seancë dhe procesit të votimit, Jean-Claude Juncker është konfirmuar si president i ardhshëm i Komisionit nga Parlamenti Europian. Ai zëvendëson kështu “kryeministrin” në largim Jose Manuel Barroso. Për luksemburgasin votuan 422 deputetë, kundër ishin 250 dhe 47 abstenuan, ndërsa 10 vota ishin të pavlefshme. Ish-kryeministri i Luksemburgut është emëruar nga krerët e qeverive të BE-së muajin e kaluar, pavarësisht kundërshtimeve të Britanisë dhe Hungarisë.
Në seancën e sotme të PE-së, ai megjithatë ka gëzuar mbështetje nga dy fraksionet më të mëdha – Partia Popullore Europiane dhe Social-Demokratët. Liderët e BE-së do të mblidhen nesër në Bruksel për të emëruar shefin e ardhshëm të politikës së jashtme të Bashkimit Europian dhe ndoshta presidentin e ardhshëm të Këshillit të BE-së.
a.k
Marrë nga ResPublica.al
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.