Kujtohet Festa Kombetare e Greqise ne Kelcyre, tensione me Aleancen Kuqezi dhe Vetevendosjen
Redaksia
Posted On 28/10/2014
Dita e Festës Kombëtare e Greqisë, që përkon me refuzimin e qeverisë greke ndaj ultimatumit italian në vitin 1940, është nderuar sot paradite në Këlcyrë. Përfaqësues të politikës greke, të shoqëruar nga Vangjel Dule dhe Vangjel Tavo, kanë përkujtuar ushtarët grekë të vrarë në territorin shqiptarë gjatë luftës italo-greke. Por gjatë këtij përkujtimi ka pasur edhe tensione, pas pranisë së përfaqësuesve të Aleancës Kuqezi dhe Lëvizjes Vetëvendosje. Ata kanë kërkuar që të pengojnë pjesmarrësit në këtë ceremoni, ndërsa mbanin flamuj kombëtarë në duar. Tensionet janë shmangur pas ndërhyrjes së policisë.
Dule, i pyetur nga gazetarët për marrëdhëniet Shqipëri-Greqi, ka thënë se ato janë shumë të mira, dhe se duhet të shmangen nacionalizmat. Sipas Dules, “sot nderojmë ata që bënë qëndresë ndaj pushtimit”.
a.k
Marrë nga respublica.al
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.