Maturantët vijojnë protestën para Ministrisë së Arsimit, në ditën e katërt të revoltës së tyre!
Maturantët vijojnë ta cilësojnë provimin e Gjuhës dhe Letrësisë si Skandalozm ndërsa sot pas provimit të Matematikës, ata thonë se është skandaloze që teza e provimit ka dalë disa ditë më parë ndërsa kërkojnë nga ministrja Besa Shahini të mbajë përgjegjësi për këtë gjë.
Ata thonë se provimi nuk teston njohuritë e tyre, ndërsa shprehen të revoltuar me institucionet.
Maturatët i janë përgjigjur edhe Ministres Besa Shahini, për akuzën se ata janë të nxitur nga opozita, dhe janë nxënës të forumeve rinore të partive opozitare.
“Protesta nisi nga pakënaqësitë për provimin e Gjuhës dhe Letërsisë, për një test i cili ishte absurd. Shumë pyetje ishin jashtë programit, dhe shumë pyetje janë cilësuar edhe nga ekspertët që nuk janë pyetje që vlerësojnë dijet e maturantëve”-tha maturanti Blerti Kastrati.
“Sot ne kemi edhe një tjetër arsye që protestojmë, provimi i Matematikës ka dalë para në media dhe kudo, ky është një sklandal që ministrja do ose nuk do, duhet të mbajë përgjegjësi. Provimi i Gjuhës dhe Letrësisë është përkthyer nga Anglishtja, është bërë një eksperimet”-tha Daniel Budina.
“Provimi i Gjuhës dhe Letërsisë, ishte absurd, ishin pyetje jashtë program dhe kishte pyetje pa kuptim”-shtoi maturantja Xhoana Fetahi.
Maturatët i janë përgjigjur edhe Ministres Besa Shahini, për akuzën se ata janë të nxitur nga opozita, dhe janë nxënës të forumeve rinore të partive opozitare.
“Ҫdo maturant që e ka marrë megafonin e ka konstatuar se nuk është një protestë e opozitës partiake, e kemi thënë se vetë qytetarët janë një opozitë”-tha më tej Blerti Kastrati.
“Ministrja të gjykojë nëse kauza jonë është e drejtë dhe jo kush jemi ne”-tha Daniel Budina.
“Këtë e kemi kundërshtuar të gjithë, ne kemi ardhur për të drejtat tona. Nuk ke fjalë ta përshkruash se të ardhmes së vendit tonë, po i bëhet kjo gjë”-tha më tej maturantja Xhoana Fetahi./ Historia Ime
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.