Naftëtarët e Ballshit prej disa ditësh janë duke protestuar për shkak se ata nuk kanë marrë pagat e tyre.
Punëtorët kanë thënë se kanë tre paga të prapambetura, ndërsa të mërkurën ata kanë protestuar për të marrë pagat e tyre, dhe të rifillojnë punën.
Kreu i sindikatës së naftëtarëve në Ballsh Sokol Dautaj, të mërkurën është shoqëruar për në polici për shkak të protestës.
Shoqërimi i tij në komisariat është bërë për shkak se ka organizuar punëtorët për protesta.
Situata është tensionuar dhe naftëtarët kanë hyrë me forcë në portën kryesore të uzinës.
Naftëtarët janë futur edhe ne grevë urie për të kërkuar pagat e tyre, por deri më tani asnjë përgjigje nuk kanë marrë.
“Janë mbledhur punonjësit se i ka ndaluar pólicia dhe aty prisnin që të vinte pronari, por nuk erdhi. Kryetarin e sindikatës e kanë marrë në pólici. Kemi një vit pa marrë paga. Ministrja e Energjitikës, zonja Balluku ka dhënë urdhër që uzinën e Ballshit ta shohin brenda muajit Qershor. Iku Qershori, Korriku, po ikën dhe Gushti e asgjë.
Zoti Rama do ti paguajmë dritat. Thonë do vimë sot, do vimë nesër. Thonë që është një maqedonas e nuk dimë asgjë, kemi tre muaj. Kemi që në shtator, jemi pa bukë, jemi me kredi, me fëmijë. Nuk e marrim vesh çfarë bën ky shtet me ne”, tha një punonjës gjatë protestës./ HistoriaIme
Trending Now
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.