Pas rrembimit te 200 vajzave grupi militant Boko Haram shkakton 300 viktima ne Nigeri
Redaksia
Posted On 08/05/2014
Ngjarjet në Nigeri duket se e kanë çuar në 300 numrin e viktimave. Ndërkohë që ushtria ishte e angazhuar në veri të vendit në kërkim të 200 studenteve të rrëmbyera, i njëjti grup që kishte kryer rrëmbimin, Boko Harama, ka hyrë në qytetin Bamboru Ngla, në kufi me Kamerunin dhe ka djegur e shkatërruar thuajse çdo gjë. Ndërkohë komuniteti ndërkombëtar është angazhuar që t’i japë zgjidhje krizës së rrëmbimit, duke e konsideruar këtë të fundit një akt makabër. Kreu i grupit Boko Haram, Abubakar Shekau, ka deklaruar se ai do t’i shesë studentet që ka rrëmbyer, ndërkohë që në një video të fundit ka bërë të njohur se “kjo është luftë kundër kristianëve”. Çuditërisht ai rendit në grupin kundërshtar, përvec Obamës, Holande, Klintonit dhe Xhorxh Bushit edhe Abraham Linkolnin. http://www.youtube.com/watch?v=sLAKoJYTLfA
/Respublica.al/
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.