Shqiptarja.com raporton se vendimi i qeverisë për t’i kaluar për përdorim Partisë Demokratike dega Fier, Shtëpinë e Oficerëve, ka sjellë edhe reagimin e këtyre të fundit.
Xhemal Dingo, raporton kjo media, një ish-oficer i lartë i ushtrisë para viteve 1990, shprehet i indinjuar nga ky vendim.
Ai thekson se “këta godina janë pjesë historisë së ushtrisë shqiptare dhe përvetësimi i tyre është një luftë e hapur që i bëhet punës dhe kontributeve të Ushtrisë Shqiptare”.
Të njëjtin mendim ndan edhe kreu i shoqatës së ish-ushtarakëve të këtij qyteti, Ruzhdi Xhepa, i cili u shpreh së pas këtij veprimi të padrejtë fshihen afera të dyshimta, ndërsa theksoi se ky vendim i padrejtë është tregues i urrejtjes nga e djathta shqiptare. Ish-ushtarakët e qytetit të Fierit paralajmërojnë një protestë para Shtëpisë së Oficerëvë për të kundërshuar vendimin e qeverisë.
Në mbledhjen e së mërkurës 8 gusht, qeveria, e cila është në fund të mandatit të saj, mori vendimin për t’i kaluar Partisë Demokratike një nga pronat më të lakmueshme të Ministrisë së Mbrojtjes, Shtëpinë Qendrore të Ushtrisë, përbri Parlamentit./shqiptarja.com/
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.