Studentët e Juridikut ngujohen në Fakultet

Vazhdon protesta studentore dhe këtë rradhë zhvillimet e fundit nga Fakulteti Juridik flasin për një vendim për tu ngujuar në brendësi të fakultetit për ditët në vazhdim.
Studentët kanë bllokuar hyrjet e fakultetit me barrikada karrigesh e bangash dhe kanë njoftuar dhe një komunikim zyrtar me mediat.

Studentët kanë deklaruar se ngujimi do të vazhdojë pa ndërprerje deri në fundjavë dhe bëjnë thirrje për një tjetër protestë kombëtare, të bindur për dërgimin e kauzës së tyre deri në plotësimin e të gjithë kërkesave dhe anulimin e ligjit për arsimin e lartë.

Studentët e ngujuar, në bashkëpunim me studentë të fakultetit të grupeve të ndryshme vendosën paraqitjen e kërkesave pranë dekanatit.
Kërkesat vijojnë si më poshtë:

1- shtyrja e sezonit dhe procesit mësimor deri në dhënien e një përgjigje përfundimtare.
2- shtyrja e afatit të pagimit të tarifave dhe shtyrja e procedurave për marrjen e bursave deri në dhënien e një përgjigje përfundimtare
3- nisja e një plani veprimi nga dekanati, për plotësimin e kërkesave që varen drejtpërdrejt nga ai.
4- mospenalizimi i studentëve apo marrja e masave ndaj tyre, deri në përfundimin e bojkotit./k.j