Ky pavion ne QSUT duhet shembur, raporton uneflas.al, ama ai eshte… kirurgjia e spitalit!

Në spitalin e kirurgjisë së përgjithshme, në qendrën spitalore Nënë tereza në Tiranë prej vitesh pacientët trajtohen në kushte jashtë standardeve. Nga Blerina Moka

TIRANE – Jo vetëm reanimacioni për të cilin u vendos nga ministria e Shëndetësisë që të mbyllej përfundimisht, por edhe godinat përreth tij janë tejet të amortizuara, raporton uneflas.al.

Lagështira ka depërtuar si brenda dhe jashtë mureve dhe është prezente gjatë gjithë kohës, si në dimër dhe në verë. E gjithë hoteleria e godinës është e amortizuar, muret me suva të rëna, dyshemetë e dëmtuara, dritaret e dyert e kalbura pa folur për tualetet që janë jashtë funksioni.