Video/ Refugjatët e bllokuar në kamp përleshen me policinë maqedonase

Rreth 8, 500 emigranë janë të bllokuar në kufirin Greqi – Maqedoni, në një kamp që ka kapacitet vetëm për 1, 500 persona, raporton Radio Evropa e Lirë. Pika kufitare Idomeni është mbyllur pas protestave të se hënës nga emigrantët të cilët janë përpjekur të kalojnë kufirin.

Disa prej emigrantëve po qendrojnë në këtë kam për më shumë se një javë, ndërsa qeveria maqedonase lejon të kalojnë  vetëm refugjatët nga Siria dhe Iraku. Ndërsa refugjatët afganë nuk lejohen të kalojnë që prej javës së kaluar.

VIDEO: Gjendja e kampit ku strehoen refugjatët

Refugjatët shkatërojnë gardhin me gjemba dhe përleshen me policinë, disa arrijnë të kalojnë në Maqedoni.

Mëngjesin e sotëm, një grup refugjatësh përdorën mjete rrethanore për të sulmuar gardhin me tela me gjemba dhe efektivisht ia dolën të shkatërrojnë një pjesë të tij pasi u përleshën me policinë.

Policia maqedonase arriti ta kontrollojë grupin e protestuesve dhe filloi menjëherë nga puna për ta rindërtuar pjesën e gardhit të shembur. Nuk është e qartë se sa prej migrantëve arritën të kalojnë në Maqedoni përmes gardhit të çarë.

/l.k./

Burim: /REL /BIRN