Agjencia e njohur e gazetarisë investigative, BIRN duket se ka një synim ambicioz: të sjellë për median shqiptare referenca të një standarti të lartë gazetaresk. Historia-ime sjell në këtë podcast të përgatitur nga Edlira Mara,një intervistë me tre prej gazetarëve kryesorë të BIRN në Tiranë: Aleksandra Bogdani, Besart Likmeta e Gjergj Erebara
Streha e parë në Turqi për transeksualët është hapur në Stamboll.
Financimi për strehën u mblodh përmes donacioneve, tregon themeluesi i saj Oyku Ay për faqen e internetit të lajmeve Radikal. Zonja Ay, një grua transgjinore, e përshkruan veten si një myslimane të devotshme dhe thotë se donte të hapte një strehë për të ndihmuar dhe mbrojtur njerëzit e tjerë transgjinorë.
Shumë prej tyre luftojnë për të gjetur punë dhe përfundojnë duke punuar në industrinë e seksit, një eksperiencë që ajo e ndan me ne. “Unë kërkova të pastroja, ata thanë jo. Unë kërkova të gatuaj, ata thanë jo,” tregon ajo për Radikal. “Unë kërkova të fshij rrugët – përsëri ata thanë jo.” Përpjekjet për mbledhjen e fondeve për strehën përfshiu një shfaqje mode trans, e cila mblodhi 44.000 lira ($ 18.800, 12.400 £). “Atë natë kam qarë. Gjithçka ishte e mrekullueshme,” thotë zonja Ay, duke shtuar se shpreson që ta zgjerojë strehën në të ardhmen.
Aktivistët thonë se transeksualët vazhdojnë të jenë të margjinalizuar në Turqi, dhe shumë nuk kanë mundësi, përveç se të bëhen punëtorë seksi. Një studim nga organizata jo-fitimprurëse Transgender Europe zbuloi se midis 2008 dhe 2014 ka pasur 37 vrasje të raportuara të transeksualëve në vend, norma më e lartë në Evropë. Ndërsa reformat e qeverisë në vitin 2014 nxorrën jashtë ligjit krimet e urrejtjes dhe diskriminimit në bazë të rracës dhe fesë, ata nuk përmendën orientimin seksual ose identitetin gjinor.
Marrë nga: BBC News
Një grup po mbledh mbështetje online në shenjë proteste ndaj një kompanie indiane që detyroi punëtoret e saj femra të kontrollohen të zhveshura, pasi një produkt i higjienës personale u gjet në ambientet e saj.
Rreth 45 gra indiane – të gjithë punonjëse të Asma Rubber Private Limited të gjitha nën moshën 50 vjeçare – ju kërkua të hiqnin rrobat e tyre sepse do të kontrolloheshin nga dy mbikëqyrëse femra, pasi më 10 dhjetor në një nga banjat u gjet një tampon i përdorur.
Tani, një fushatë Facebooku e quajtur “Kodi i Kuq: Ju keni marrë një lines!” (Red Alert: You’ve got a napkin!”)- Nisur nga “Kiss of Love”, një grup kundër policisë morale në Indi – i është bashkuar korit të zemërimit kundër Asma Rubber Private Limited, dhe po tërheq vëmendje për mungesën e ndërgjegjësimit në lidhje me shëndetin riprodhues të grave në Indi, veçanërisht tabuve rreth menstruacioneve.
Grupi shkroi në Facebook:
“Ky nuk është një akt i rrallë. Mungesa e, lëre higjienës, por e paisjeve minimale sanitare është një çështje e rëndë me të cilin gratë përballen në baza ditore. Disa vende nuk lejojnë që punonjëset e tyre të shkojnë në tualet më shumë se dy herë gjatë orarit të tyre të punës. Rastet e raportuara kohët e fundit në lidhje me diskriminimin nga ana e punonjësve të KSRTC drejt grave me ‘ndoshta’ menstruacione është një tjetër shembull i këtij lloji që akuzon gratë si ‘ndotëse’ dhe ‘infektuese’ të vendeve publike dhe herë pas here, hapësirave të shenjta përmes pranisë së tyre. Protesto kundër këtij akti çnjerëzor! ”
Fushata ” Kodi i Kuq: Ju keni marrë një lines!” u kërkoi mbështetësve të dërgonin linesa të përdorur apo të papërdorur në zyrat e Asma Rubber Private Limited si shenjë proteste për veprimet e saj. Disa njerëz kanë postuar foto të linesave që kanë dërguar:
Siç ka raportuar BBC News, tabutë mund të çojnë në mite të dëmshme rreth grave që janë me menstruacione – që janë të papastra, të ndyra ose edhe të mallkuara. Për më tepër, Bloomberg raportoi se tabutë rreth shëndetit seksual dhe produkteve higjienike në Indi është provuar se janë një pengesë e madhe në parandalimin e grave nga qasja në arsimim dhe në rritjen e potencialit të tyre ekonomik. Një nxënëse 15-vjeçare indiane i tha BBC se ajo nuk shkon në shkollë kur është me menstruacione, sepse ndihet “e zënë ngushtë, e zemëruar dhe shumë e pisët.”
Sipas një studimi të AC Nielsen, 12 për qind e femrave në Indi të cilat kanë arritur moshën e menstruacioneve, përdorin linesa. Shumica e grave duhet të përdorë alternativa të pasigurta dhe johigjienike, si rroba, hi, etj.
Më 27 dhjetor, pas një kërkese nga grupi i avokimit të Kerala Women’s Komision, policia në Indi hapi një çështje kundër Asma Rubber Private Limited në lidhje me këtë incident.
Marrë nga: huffingtonpost.com
Një politikan Lituanez ka paralajmëruar një grup gej se është ‘duke luajtur me zjarrin’ dhe se aktivitetet e tij mund të çojnë në një masakër të ngjashme me atë që ndodhi në Paris.
Algirdas Vaclovas Patackas, më parë pjesëtar i partisë politike Rruga e Kurajos, i tha kreut të grupit të të drejtave të gay-ve LGL, që të presin ‘trupa të vdekur’ nëse vazhdojnë të ‘provokojnë’.
Ai po i referohej vrasjeve tragjike në Francë në fillim të këtij muaji, ku 12 njerëz në zyrat e revistës satirike Charlie Hebdo u vranë nga ekstremistët.
Patackas e lëshoi këtë deklaratë pas sugjerimit me humor të LGL-së se tashmë kartëmonedha 10 litas e hequr nga qarkullimi, e cila përmban dy burra, do të përdoret si suvenire LGBTI.
Në një mesazh të publikuar nga alkas.lt, deputeti tha: “Për një sfidë-provokim të zi, të neveritshëm dhe tërësisht të papranueshëm, ju mund të përballeni me jo më pak se një përgjigje të zezë, të neveritshme dhe tërësisht të papranueshme.
“Sepse në Lituani, si në çdo vend që e quan veten të krishterë, jo të gjithë të kthejnë faqen e majtë; ka shumë, të cilët besojnë në parimin “sy për sy”, dmth, shkaku kryesor i asaj që ka ndodhur në Paris.”
LGL po e merr deklaratën si një kërcënim, duke kërkuar nga policia që të hetohet. Ata po i bëjnë thirrje Patackas për të dhënë ndonjë informacion, nëse ka ndonjë, në lidhje me ndonjë sulm të planifikuar kundër grupit.
“Pavarësisht nga fakti se ky mesazh më është drejtuar mua si kreu i organizatës, të gjithë anëtarët e stafit e kanë parë këtë mesazh me nervozizëm të madh,” tha Vladimir Simonko.
“Nëse këto deklarata janë të vërteta, ne e vendosim besimin tonë në autoritetet kombëtare. Nëse kjo është ndonjë lloj “shakaje”, unë besoj se deputeti Patackas e kupton shumë keq humorin, gjë që është tërësisht e papranueshme në dritën e ngjarjeve të fundit tragjike në Francë. ”
Marrë nga: gaystarnews.com
“Disa çifte në Kosovë nuk bëjnë martesë zyrtare. Vetëm kur kanë fëmijë ndodh që të shkojnë në komunë për një martesë zyrtare. Ata fejohen dhe divorcohen gojarisht,” thotë Musliu.
Kam bërë kërkime për diskriminimin e grave në çështjet e trashëgimisë, që ndonjëherë vendosen nga mbledhjet e imamëve dhe pleqve të komunitetit si kjo ku do të marrim pjesë.
Por takimi i kësaj dite të majit është i gjithi për rënien dakord mbi ndarjen e një çifti të ri. Sipas ‘organit të pleqësisë’ që mbikëqyr procedurat, ky vlen si divorc. Në sytë e ligjit, megjithatë, ky çift nuk është martuar kurrë. Ata ishin të fejuar vetëm për tre muaj.
Takimi zhvillohet në një dhomë në një xhami. Po heqim këpucët përpara se të hymë. Dhoma është e vogël, e dekoruar me simbole islamike dhe ka shumë tavolina. Teksa ceremonia është gati të fillojë, numëroj të gjithë burrat në dhomë, ata janë 24. Unë jam e vetmja grua e pranishme.
Ali Pasoma, një 52-vjeçar që drejton mbledhjen, hap procedurat me një frazë arabe që zakonisht përkthehet si ‘Në emër të Zotit, më të madhërishmit, më të mëshirshmit’: “Bismillah al–Rahman al-Rahim, shpresoj që Zoti të na udhëheqë dhe ne të veprojmë me drejtësinë e tij. Çdo gjë ka rregullat e veta, si ky organ pleqësie,” deklaron ai me zë të lartë dhe solemn.
Një takim si ky mund të zgjasë deri në gjashtë orë. Ky zgjat katër. Atmosfera është dramatike dhe e trishtuar.
Detyra e burrave është të ndajnë çiftin sipas Kanunit të Lekë Dukagjinit, një përmbledhje e zakoneve të lashtë shqiptare i përpiluar në shekullin e 15 dhe i shkruar në fillim të shekullit të 20 nga prift françeskan, shqiptar i Kosovës, Shtjefen Gjecovi.
Një burrë që prezanton vajzën në këtë çështje flet i pari, i ndjekur nga djalit i burrit të përfshirë. Sipas traditës, secila palë është e përfaqësuar nga një numër i barabartë burrash.
Babai ul kokën, shpreh pendesë për atë që ka bërë djali i tij. Më pas djali 22-vjeçar flet. (Në mënyrë që të respektohet privatësia e tyre, emrat e anëtarëve të familjes nuk janë përmendur).
Djali, i veshur me xhinse, sjell një karrige në mes të dhomës dhe fillon një lloj rrëfimi.
“Kontaktonim nëpërmjet Facebook. Ajo përdori magji për të më bërë të bija në dashuri. Nuk do të lidhesha kurrë me të, por ajo më futi diçka në pije kur vendosa ta takoj për herë të parë dhe t’i thosha se nuk isha i interesuar për të. Rrëfej se nuk jam në dijeni se si u fejuam,” thotë ai, teksa një burrë i moshuar në divan fshin lotët.
Zilja e një telefoni më trondit nga absurditeti i shpjegimit të tij dhe më kthen në realitet. Dy botët e ndryshme të provokuara nga i riu – botët e magjisë dhe lidhjeve shoqërore – përbëjnë një kombinim të çuditshëm.
“Zakonisht është më e lehtë kur nuk kemi asnjë grua të pranishme,” thotë Sherif Kutllovci, një këshilltar dhe anëtar i trupit të pleqve. Ai kërkon falje për pyetjen intime që i duhet të bëjë përpara meje. “Na thuaj,” pyet ai të riun. “Fjetët bashkë?”
Burri refuzon të përgjigjet. Nëse thotë po do të rrisë pagesën që familja e tij duhet t’i japë familjes së vajzës. Duke pretenduar se ai ishte disi i sëmurë kur filloi lidhjen e ul sasinë e parave. Kjo duket se është arsyeja përse ai përmendi magjinë.
Ai i ka sjellë turp familjes së vajzës, thonë burrat; ai duhet të paguajë. Kutllovci dhe i riu largohen nga dhoma për të diskutuar çështjen veçmas. Sipas trupit të pleqve, ndonëse çifti ishte i fejuar, ata duhet të kishin bërë marrëdhënie.
Në fund, pa e zbuluar përgjigjen për pyetjen e Kutllovcit, trupi i pleqve vendos që i riu duhet të paguajë 4000 euro brenda një muaji. Gjykimi është konfirmuar në një shënim të shkruar me dorë.
Gjyshi i vajzës së re pretendon se paratë nuk mund ta heqë turpin që ka rënë mbi të.
Pas vendimit, i bashkohem trupit të pleqësisë për drekë. Burrat që përfaqësojnë vajzën janë gjithashtu të pranishëm. Ne ulemi së bashku në një restorant të vogël me vetëm katër tavolina. Familja e vajzës paguan për vaktin. Sherif Kutllovci, Osman Musliu dhe Ali Pasoma thotë se ata nuk marrin para për pjesëmarrjen në mbledhje.
Më vonë, kontaktoj me vajzën e re, e cila është 19 vjeçe. Ajo më thotë se donte të vinte në mbledhje, por gjyshi dhe babai i saj i thanë se nuk kishte nevojë. Ata i kishin thënë ‘do të vendosim ne për ty’.
Ajo nuk e di se çfarë do të ndodhë me paratë, por më thotë se ajo dhe i fejuari i saj kishin planifikuar të martoheshin në dhjetor. Nëse do të kishte qenë për të, ata do të vazhdonin të ishin bashkë.
Por djali donte t’i jepte fund marrëdhënies dhe një grup burrash ia plotësuan dëshirën, megjithëse me një çmim të majmë, pasi pala e saj në këtë çështje ishte përfaqësuar nga një tjetër grup burrash.
Ligjet e Kosovës thonë se burrat dhe gratë janë të barabartë, por në komunitete tradicionale si ky, realiteti është shumë i ndryshëm.
Marrë nga: reporter.al
Edlira Mara
Varrezat janë pronë publike, dhe si të tilla duhet të respektohen nga të gjithë që të kemi mundësi të shmangim problemet që sjell zaptimi i tyre. Para pak ditësh një i ri u vra sepse hapi një gropë afër banesës së një personi tjetër. Varrezat e Sharrës dhe Shish-Tufinës janë të mbipopulluara dhe ky është një problem madhor për Tiranën. Në zbatim të nenit 102 pika 4 të Kushtetutës dhe të nenit 15 pika 3 të ligjit nr. 9220, datë 15.4 2004 “Për shërbimin publik të varrimit”, Ministri i Rregullimit të Territorit dhe Turizmit
UDHËZON:
Të mos lejohet rrethimi i varrit me mjete dekorative ose kangjella në mënyrë të tepruar, duke mos respektuar dimensionet e varreve dhe të rrugicave ndërmjet tyre. Zbukurimi i varrit bëhet vetëm brenda bordurave kufizuese të tij. Varret duhet të jenë me gjatësi 2 m dhe gjerësi 0.9 m, si dhe të jenë larg njëra-tjetrës të paktën 0.5 m për çdo anë.
Por çfarë ndodh rëndom në hapsirat e varrezave???
Historia-ime më poshtë sjell disa foto nga varreza e Shish-Tufinës.
Për të parë citimet e tjera klikoni në: huffingtonpost.com
Diva austriake mori kurorën këtë vit, duke tronditur disa vende konservatore.
Një deputet rus tha se fitorja e Wurst në Eurovision nënkuptonte “fundin e Europës”, dhe pas fitores së saj, Rusia zhvilloi planet për të ringjallur një Eurovizion rival të epokës sovjetike si një alternativë ‘miqësore për familjen’.
Kur u pyet për Rusinë nga ana e Kurierit Austriak, Conchita Wurst tha: “Unë absolutisht dua një koncert atje. Kam shumë fansa në Rusi. Kjo është diçka tepër e bukur për shkak se kjo më tregon se shumë rusë nuk pajtohen me vendimet e qeverisë së tyre.”
Ajo shtoi: “Unë nuk do ta refuzoja një takim me Putinin … Do të doja të kaloja një javë me Putinin, në mënyrë që të mund ta kuptoja më mirë atë.
“Çfarë do të thotë të jesh Vladimir Putin? Nën çfarë presioni është ai? Në fund të ditës, Putini dëshiron thjesht të respektohet.
“Kjo dëshirë për respekt e bashkon Putinin me pakicat.”
Nuk do të ishte hera e parë që ajo takon një udhëheqës botëror – fakti që ka performuar si për Parlamentin Evropian ashtu dhe për Kombet e Bashkuara, dhe takimi me Sekretarin e Përgjithshëm të OKB-së, Ban Ki-moon.
Megjithatë, sipas RT (Russia today), sekretari për shtyp i Putinit, Dmitri Peskov “qeshi” me idenë se Presidenti do të donte të takohej me këngëtaren – duke e hedhur poshtë si ide.
Këngëtarja – emri i vërtetë i të cilës është Tom Neuwirth – nuk gabohet kur thotë se ka fansa në Rusi.
Wurst doli e treta në televotimin rus të Eurovizionit – vetëm pas dy vendeve ish-sovjetike – por në mënyrë misterioze renditet më ulët sipas jurisë profesionale të vendit.
Marrë nga: pinknews.co.uk
Foto ilustruese.
Fatoum Al-Jassem u dërgua në një gjykatë Sheriti pasi u kap duke përdorur një faqe të rrjetit social, në Rakka, Siri. Gjykata Sheriati deklaroi se përdorimi i një llogarie Facebook-u ka të njëjtën vlerë si tradhtia bashkëshortore dhe vajza duhet të dënohet me gjuajtje me gurë, sipas një raporti lajmesh të botuar në agjencinë e lajmeve iraniane FARS e cila ka cituar një raport të publikuar në gjuhën arabe Al-Rai Al-Youm.
Anëtarët e grupit të Al-Kaedës në Irak, grup i njohur gjithashtu si Shteti Islamik i Irakut dhe Sirisë (ISIS) ishin pas këtij incidenti.
ISIS, ose Shteti Islamik i Irakut dhe Sirisë, është një grup ekstremist islamik me bazë në Irak. Ata kanë bërë një luftë aktive kundër Presidentit sirian Bashar al-Asad në Siri dhe forcave qeveritare në Irak.
Ideologjia e grupit është bazuar në interpretimin jashtëzakonisht të rreptë të Islamit.
Ironikisht, edhe ISIS ka një llogari në Facebook.
Marrë nga: chaosmosnews.com
Heteroseksualiteti në SHBA është gjinor: gratë supozohet të tërheqin, meshkujt supozohet të tërhiqen. Meshkujt dëshirojnë, gratë duan të dëshirohen. Metaforikisht, kjo është një marrëdhënie e llojit predatorm/ pre. Gratë janë subjekt gjuetie i pëlqen apo jo atyre, kështu që vëmendja e meshkujve mund të jetë e kënaqshme, e bezdisshme, ose e frikshme. Varet.
Me sa duket, gratë e dinë se si është të ndjehesh si pre. Sigurisht që jo të gjithë burrat na bëjnë të ndihemi në këtë mënyrë, por disa me siguri që e bëjnë. Djali që sheh vëngër në rrugë, ai që të gjuan rëndë në bar, manjakët që vijnë e të ngjishen nëpër autobusë, xhaxhai keqtrajtues, etj. Nuk ka rëndësi nëse na interesojnë meshkujt apo jo, na intereson ai djalë apo jo, ka meshkuj që, me sy, gojë, duar, dhe më shumë, me sa duket nuk mund të mos e hedhin tërë “fëlliqësinë e energjisë së tyre seksuale” mbi ne.
Pra, çfarë është homofobia? Ndonjëherë mendoj se është momenti që meshkujt të fillojnë të ndjejnë se çfarë do të thotë të jesh pre. Femrat janë mësuar me të. Është një ndjenjë e njohur me të cilën ne duhet të jetojmë gjithë kohën. Ne vazhdimisht duhet të gjykojmë nëse ka rrezik apo jo. Por kur kjo i ndodh për herë të parë meshkujve, vë bast se është shumë tronditëse. Është njësoj si të jenë trajtuar si qënie njerëzore tërë jetën e tyre dhe pastaj, BUM, ata janë një copë mishi dhe asgjë më shumë. Me siguri duhet të ndihen tmerrësisht keq.
Sigurisht, gjithçka që ka ndodhur është se ata janë rikthyer në zinxhirin ushqimor. Nuk janë më grabitqarët, ata janë preja. Dinamika ndërmjet dy meshkujve është e njëjtë me atë midis burrave dhe grave, përveçse tani ata e dinë se si ndjehesh kur të hedhin fëlliqësirën sipër.
Marrë nga : thesocietypages.org
Në rast se nuk e keni parë, të premten Presidenti Obama mbajti konferencën e tij të fundit për shtyp të vitit 2014 – dhe kur ishte koha për pyetje, ai thirri vetëm femrat.
Bota e shtypit ka kohë që dominohet nga burrat, dhe Helen Thomas u bë gazetarja e parë femër që mbulonte Shtëpinë e Bardhë në vitin 1960.
Kjo nuk ishte hera e parë që Presidenti Obama pranonte pyetje vetëm nga gratë. Në shtator gjatë një vizite në Uells, Presidenti Obama ju përgjigj pyetjeve të katër gazetareve që ishin të gjitha femra. Por, ndërsa kjo thuhet se ishte vetëm një rastësi, të premten kur Obama j’u përgjigj vetëm pyetjeve të grave ishte i qëllimshëm.
“Fakti është se, ka shumë gra nga shumë organizata lajmesh që ditë pas dite bëjnë një punë të vështirë duke mbuluar Presidentin e Shteteve të Bashkuara”, tha Josh Earnest, Sekretar i shtypit në Shtëpinë e Bardhë, pas konferencës. “Kur pamë listën e gazetarëve që do të bënin pyetjet, kuptuam se kishim një mundësi unike për të nxjerrë në pah këtë fakt, në konferencën për shtyp të fundvitit.”
Kur gazetarët menduan se Obama kishte mbaruar së përgjigjuri pyetjeve, një gazetar e pyeti Obamën për rezolutat e Vitit të Ri. Ai e injoroi gazetarin dhe në vend të tij i bëri thirrje April Ryan nga Radio Urbane Amerikane. Shtatë gratë e tjera, të gjitha reportere të medias së shtypur, që bënë pyetje ishin: Carrie Budoff Brown nga Politiko; Cheryl Bolen nga Bloomberg; Julie Pace nga Associated Press; Lesley Clark nga McClatchy; Roberta Rampton nga Reuters; Colleen M. Nelson nga Wall Street Journal; dhe Juliet Eilperin nga Washington Post.
Marrë nga: feminist.org
Kliko mbi fotot për të lexuar thëniet e personazheve në Shqip.
Botuar në Buzzfeed
Shumë vajza janë prezantuar me botën femërore nëpërmjet trashëgimive të dhunës mizogjinore. Ato shohin nënat e tyre të abuzuara dhe të dhunuara nga meshkujt që duan. Ndërkohë që rriten, ato bëhen pritëset e ngacmimeve, sulmeve dhe objektivizimit. (më tepër…)
Pasi ka shprehur kundërshtimin e tij të patundur kundër abortit, lindjes me operacion dhe pilulës kontraceptive 48 orëshe, Presidenti turk Recep Tayyip Erdoğan tani po prek çështjen e kontraceptivëve duke deklaruar se ato janë “tradhti ndaj vendit”, koment ky që ka të ngjarë se do të ringjallë polemika mbi shëndetin riprodhues. (më tepër…)
Për ato raste kur Betty Friedan (Aktiviste, dhe feministe. Një figurë udhëheqëse në lëvizjen e gruas në Shtetet e Bashkuara, librit të saj të vitit 1963 “The feminine Mystique” shpesh i është kredituar fillimi i valës së dytë të feminizmit amerikan në shekullin e 20), nuk është e mjaftueshme … Ninjutsu është këtu për të ndihmuar. (më tepër…)
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
