Fotoja ende nuk është verifikuar, dhe është e mundur që të jetë modifikuar me photoshop, por ajo është shpërndarë gjerësisht edhe në Turqi (është parë mbi 1.5 milionë herë në mbarë botën), duke reflektuar ngjyrat e ylberit midis kaosit.
“Policia reagon me ujë me presion. Karma reagon me ylber,” ka thënë në Tweeter Ozhan Zurel./www.independent.co.uk
“Burrave i është dhënë përshtypja se janë shumë më të rëndësishëm në botë seç në fakt janë.”
Pa prisni. Mos ndoshta një nga profesoret e para të famshme feministe theksoi se duhet të jemi më të matur në lidhje me … burrat?
Po, dhe ajo e di se për çfarë po flet. E di shumë mirë.
Historiania Gerda Lerner ka thënë gjëra të forta për barazinë gjinore shumë më herët se Beyoncé të kërcente në skenë me shkronja të mëdha duke pohuar se ishte “feministe”. (Ne të duam edhe ty, Bey.)
Për shembull, intervista që ka bërë me “Thinking Allowed” është plot e përplot me informacione që vë seksizmin në perspektivë.
Një nga pikat më të rëndësishme që ajo prek kur flet është fakti se meshkujt gjithashtu lëndohen nga seksizmi.
“[Heqja e historisë së grave] ka nxitur iluzionet e madhështisë në çdo burrë që është e pajustifikuar. Nëse ju si burrë mund të mendoni që çdo gjë e madhe në botë dhe qytetërimi është krijuar nga burrat, atëherë natyrisht ju do ti shikoni me përçmim gratë. Dhe natyrisht që duhet të keni aspirata të ndryshme për djemtë dhe vajzat tuaja. Dhe unë nuk mendoj se kjo është gjë e mirë edhe për burrat “.
Lerner hulumtoi shumë çështje brenda temës së gjinisë, duke përfshirë edhe kur gratë filluan të trajtohen si qytetare të dorës së dytë. Dhe sa për ta ditur, ajo zbuloi se ishte para shumë kohësh.
Po flasim për epokën e Bronzit.
Lerner ishte një pioniere, kur bëhet fjalë për fuqizimin e grave.
Ajo ishte një forcë udhëheqëse në fushën e historisë së grave dhe një autore e realizuar e cila ka shkruar për patriarkatin (një sistem ku burrat kryesisht mbajnë pushtetin dhe gratë rrinë veçmas).
Për të vënë gjërat në perspektivë, historia e grave as nuk ishte gjë, kur ajo filloi ta studionte atë, siç ka shpjeguar ajo “Thinking Allowed” në intervistën më poshtë.
“Kur fillova të punoja mbi historinë e grave rreth 30 vjet më parë, kjo fushë nuk ekzistonte. Nuk ishte e njohur. Njerëzit nuk mendonin se gratë kishin një histori që ja vlente ta mësoje.”
Por në sajë të studiuesve si ajo, shumë më shumë njerëz mendojnë se gratë e meritojnë një vend në tryezë. Një sondazh në Vox botuar në prill gjeti se 85% e amerikanëve besojnë në “barazi për gratë.” (Dhe 15% tjetër gabohet, por ky është thjesht mendimi im)./www.upworthy.com
Policia turke në mënyrë të dhunshme sipas raportimeve dhe siç tregohet në një video mahnitëse të regjistruar nga dëshmitarët prishi marshimin e Krenarisë.
Në fotot e postuara në mediat sociale, policët në Stambollin qendror shihen duke zbrazur rrugët aty ku zhvillohet zakonisht parada vjetore gej.
Në një video, të filmuar nga përdoruesi i Twitter-it Funda Eryiğit, një burrë i vetëm që mban një flamur ylber është parë duke qëndruar pa frikë para policisë, para se ai të hidhej në tokë nga uji.
Një dëshmitar, Gizem Paksoy, tha për PinkNews: “Në fakt nuk kam asnjë ide se pse filluan të sulmonin. Pa paralajmërim, asgjë.
“Ata filluan të përdorin ujë me presion. Njerëzit u përhapën dhe ata filluan ti ndiqnin njerëzit nëpër rrugë. ”
Associated Press njoftoi se rreth 100 deri 200 protestues u zbuan nga Sheshi Taksim pasi kishin filluar të mblidheshin.
Policia rrethoi demonstruesit në një cep të vogël të sheshit dhe pastaj qëlloi disa herë me ujë për ti detyruar të hynin në një rrugicë. Agjencia e lajmeve Dogan e Turqisë thotë se janë përdorur edhe fishekë gome. Një gazetar i Associated Press në vendin e ngjarjes herë pas here ndjeu gaz lotsjellës, por nuk u paraqit asnjë përpjekje e mëtejshme nga ana e policisë për të ndërhyrë me protestën.
Brenda disa minutave, tubimi i zhurmshëm, por paqësor rifilloi disa blloqe më larg dhe numri i pjesëmarrësve u rrit në disa mijëra njerëz, gjatë ditës.
Edhe pse Agjencia e lajmeve Dogan raportoi se policia fillimisht i tha turmës që të shpërndahej dhe se ata nuk ishin lejuar të marshonin, Independent raporton se është e paqartë se pse policia i ndaloi ata të grumbulloheshin në Taksim, pasi ngjarja është e regjistruar.
Megjithatë, këtë vit parada përkon me muajin islamik të shenjtë të Ramazanit, e cila sipas gazetës mund të mërzisë myslimanët konservatorë.
Turqia zyrtarisht nuk është e qeverisur nga autoritete fetare me kushtetutën e vet gati shekullore, por partia islamike në pushtet AK perceptohet gjerësisht si sponsorizimi i përhapjes së islamit politik në mbarë vendin.
Edhe pse është e ligjshme të jesh gej në Turqi, diskriminimi është i përhapur dhe gejtë kanë pak mbrojtje ligjore.
Parada e krenarisë në Stamboll është e njohur si “ngjarja më e madhee krenarisë në botën muslimane,” me evente që zhvillohen përgjatë katër ditëve, duke përfshirë marshime, koncerte dhe festivale./www.advocate.com
https://www.youtube.com/watch?v=tN5vx6y3k18
Pragë, 24 qershor (CTK) – Gjysma e çekëve do të mbështeste mundësinë e çifteve gej për tu martuar dhe për të adoptuar fëmijë, sipas një sondazhi të majit të lëshuar nga agjencia CVVM, e cila tha se numri i njerëzve që mbështesin të drejtat e gejve ka qenë në rritje vitet e fundit.
Këtë maj, të anketuarit dhanë përgjigje përgjithësisht afirmuese për pothuajse të gjitha llojet e pyetjeve drejtuar tyre.
Një shumicë dërrmuese e tyre, rreth 75 për qind, thanë se janë dakord që çiftet brenda të njëjtit seks të mund të regjistrojnë partneritet, gjë që është e ligjshme në Republikën Çeke.
Të pyetur nëse çifte të tilla duhet të kenë të drejtë të lidhin martesë klasike, 49 për qind e të anketuarve thanë po dhe 47 për qind thanë jo.
I prezantuar në vitin 2006, statusi i partneritetit të regjistruar nuk mundëson adoptimin e fëmijëve nga çiftet gej.
Sondazhi CVVM tregoi se çekët ndahen në mendime mbi mundësinë e adoptimit të fëmijëve nga ana e çifteve të tilla.
Pesëdhjetë e nëntë për qind e të anketuarve thanë se do të mundësonin çiftet e të njëjtit seks të adoptonin fëmijët e njërit prej partnerëve.
Tridhjetë e tre për qind ishin kundër tij.
Përgjigje negative mbizotëruan kur të anketuarit u pyetën në lidhje me mundësinë që çiftet e të njëjtit seks të mund të adoptonin fëmijë nga shtëpitë e fëmijëve.
Kjo është një rritje e konsiderueshme në numrin e mbështetësve që miratojnë adoptimin që nga viti 2005, kur vetëm 19 për qind e çekëve ishte pro çifteve gej për të adoptuar fëmijë në përgjithësi.
Dyzet e katër për qind e të anketuarve e mbështetën idenë por 49 për qind thanë se janë kundër saj.
CVVM gjithashtu pyeti të anketuarit nëse ata besonin se dalja hapur e gejve në qytetet e tyre do të shkaktonte probleme për ta.
Pesëdhjetë e një përqind e çekëve besonin se do të shkaktonte probleme për gejtë, ndërsa 40 për qind mendonin se nuk do të shkaktonte probleme./praguemonitor.com
UASHINGTON – Gjykata Supreme e SHBA-ve vendosi të premten se është e ligjshme për të gjithë amerikanët, pa marrë parasysh gjininë apo orientimin e tyre seksual, që të martohen me kë të duan.
Vendimi është një fitore historike për aktivistët e të drejtave të gejve që kanë luftuar për vite në gjykatat më të ulëta. Tridhjetë e shtatë shtete dhe Distrikti i Kolumbias tashmë njohin barazinë e martesës. 13 shtetet e mbetura i ndalojnë këto bashkime, edhe pse mbështetja publike ka arritur nivele rekord në mbarë vendin.
Gjykatësit kanë gjetur se në bazë të Amendamentit të 14, shtetet duhet të lëshojnë liçenca martese për çiftet e të njëjtit seks dhe të njohin bashkimet e të njëjtit seks që janë kryer në mënyrë të ligjshme në shtete të tjera. Gjykatësi Anthony Kennedy shprehu mendimin e shumicës dhe u bashkua me gjyqtarët Ruth Bader Ginsburg, Elena Kagan, Stephen G. Breyer dhe Sonia Sotomajor.
Paditësi kryesor në çështjen Obergefell v. Hodges është banor i Ohio-s Jim Obergefell, i cili dëshironte të shënohej si bashkëshorti i mbijetuar në çertifikatën e vdekjes së burrit të tij. Në vitin 2013, Obergefell u martua me partnerin e tij që prej dy dekadash, John Arthur, i cili vuante nga ALS. Arthur ndërroi jetë në tetor të atij viti, tre muaj pasi çifti ngriti padinë e tyre.
Obergefel-it ju bashkuan disa dhjetra paditës të tjerë gej nga Kentucky, Michigan, Ohio dhe Tenesi të cilët luftonin që të ishin në gjendje të martoheshin po ashtu edhe që martesa e tyre të njihej në çdo shtet të vendit.
Pikëpamjet e martesës brenda të njëjtit seks në vend janë transformuar që nga viti 2004, kur Massachusetts u bë shteti i parë që lejoi çiftet gej të martohen. Në vitin 2013, Gjykata Supreme filloi të largojë trashëgiminë e vendit mbi diskriminimin ndaj çifteve të gjinisë së njëjtë, kur ajo goditi një pjesë të Mbrojtjes së Aktit të Martesës të vitit 1996, e cila parandalonte çiftet e të njëjtit seks, martesa e të cilëve ishte njohur nga shteti i tyre, të merrnin qindra përfitime në dispozicion të çifteve të tjera të martuar sipas ligjit federal.
Presidenti Barak Obama u bë presidenti i parë që mbështeti barazinë e martesës, kur ai doli në favor të saj në vitin 2012, në të njëjtin vit që Partia Demokratike e bëri pjesë të platformës së saj për herë të parë. Megjithatë Partia Republikane dhe propozimi i saj i vitit 2016 të kandidatëve presidencialë mbeti kundër martesës brenda të njëjtit seks. Senatori Ted Cruz (Texas) dhe Governatori i Wisconsin Scott Walker mbështetën një amendament kushtetues që mbron shtetet që duan të ndalojnë barazinë e martesës.
Disa konservatorë kanë avokuar për një mosbindje civile kundër një vendimi të Gjykatës Supreme në favor të martesës të njëjtit seks. Megjithatë, zyrtarët në shtetet e kuqe(shtete të kuqe janë ato shtete ku votuesit përgjithësisht ja japin votën republikanëve) thanë për Huffington Post kohët e fundit se ata janë të përgatitur të zbatojnë vendimin, duke shkuar aq larg sa janë të gatshëm të lëshojnë liçenca për martesat neutrale gjinore dhe të vendosin orare të gjata pune. Gerard Rickhoff, i cili mbikëqyr liçencat e martesës në Bexar County, Texas, tha se në qoftë se çiftet e të njëjtit seks janë të diskriminuar në vende të tjera në shtet, “Thjesht hipini makinës tuaj dhe ejani këtu. Do të jeni të mirëpritur.”/www.huffingtonpost.com
UASHINGTON – Gjykata e Lartë e SHBA-ve vendosi të premten se është e ligjshme për të gjithë amerikanët, pa marrë parasysh gjininë apo orientimin e tyre seksual, që të martohen me kë të duan.
Vendimi është një fitore historike për aktivistët e të drejtave të gejve që kanë luftuar për vite në gjykatat më të ulëta. Tridhjetë e shtatë shtete dhe Distrikti i Kolumbias tashmë njohin barazinë e martesës. 13 shtetet e mbetura i ndalojnë këto bashkime, edhe pse mbështetja publike ka arritur nivele rekord në mbarë vendin.
Gjykatësit kanë gjetur se në bazë të Amendamentit të 14, shtetet duhet të lëshojnë liçenca martese për çiftet e të njëjtit seks dhe të njohin bashkimet e të njëjtit seks që janë kryer në mënyrë të ligjshme në shtete të tjera. Gjykatësi Anthony Kennedy shprehu mendimin e shumicës dhe u bashkua me gjyqtarët Ruth Bader Ginsburg, Elena Kagan, Stephen G. Breyer dhe Sonia Sotomajor.
Paditësi kryesor në çështjen Obergefell v. Hodges është banor i Ohio-s Jim Obergefell, i cili dëshironte të shënohej si bashkëshorti i mbijetuar në çertifikatën e vdekjes së burrit të tij. Në vitin 2013, Obergefell u martua me partnerin e tij që prej dy dekadash, John Arthur, i cili vuante nga ALS. Arthur ndërroi jetë në tetor të atij viti, tre muaj pasi çifti ngriti padinë e tyre.
Obergefel-it ju bashkuan disa dhjetra paditës të tjerë gej nga Kentucky, Michigan, Ohio dhe Tenesi të cilët luftonin që të ishin në gjendje të martoheshin po ashtu edhe që martesa e tyre të njihej në çdo shtet të vendit.
Pikëpamjet e martesës brenda të njëjtit seks në vend janë transformuar që nga viti 2004, kur Massachusetts u bë shteti i parë që lejoi çiftet gej të martohen. Në vitin 2013, Gjykata e Lartë filloi të largojë trashëgiminë e vendit mbi diskriminimin ndaj çifteve të gjinisë së njëjtë, kur ajo goditi një pjesë të Mbrojtjes së Aktit të Martesës të vitit 1996, e cila parandalonte çiftet e të njëjtit seks, martesa e të cilëve ishte njohur nga shteti i tyre, të merrnin qindra përfitime në dispozicion të çifteve të tjera të martuar sipas ligjit federal.
Presidenti Barak Obama u bë presidenti i parë që mbështeti barazinë e martesës, kur ai doli në favor të saj në vitin 2012, në të njëjtin vit që Partia Demokratike e bëri pjesë të platformës së saj për herë të parë. Megjithatë Partia Republikane dhe propozimi i saj i vitit 2016 të kandidatëve presidencialë mbeti kundër martesës brenda të njëjtit seks. Senatori Ted Cruz (Texas) dhe Governatori i Wisconsin Scott Walker mbështetën një amendament kushtetues që mbron shtetet që duan të ndalojnë barazinë e martesës.
Disa konservatorë kanë avokuar për një mosbindje civile kundër një vendimi të Gjykatës së Lartë në favor të martesës brenda të njëjtit seks. Megjithatë, zyrtarët në shtetet e kuqe(shtete të kuqe janë ato shtete ku votuesit përgjithësisht ja japin votën republikanëve) thanë për Huffington Post kohët e fundit se ata janë të përgatitur të zbatojnë vendimin, dhe janë të gatshëm të lëshojnë liçenca për martesat neutrale gjinore dhe të vendosin orare të gjata pune. Gerard Rickhoff, i cili mbikëqyr liçencat e martesës në Bexar County, Texas, tha se në qoftë se çiftet e të njëjtit seks janë të diskriminuar në vende të tjera në shtet, “Thjesht hipini makinës tuaj dhe ejani këtu. Do të jeni të mirëpritur.”/www.huffingtonpost.com
Katër raste të dhunës në familje janë regjistruar vetëm një ditë më parë nga policia e Tiranës. Ndaj të dëmtuarave është lëshuar urdhër mbrojtje i menjëhershëm.
Konkretisht, tre gra, L. R., 43 vjeç, T. A., 40 vjeç, dhe Sh. H., 54 vjeç janë marrë në mbrojtje nga policia pas dhunës fizike dhe psikologjike që kanë ushtruar bashkëshortët e tyre.
Ndërsa një 26-vjeçare ka rënë pre e dhunës psikologjike të kunatës së saj, L. A., 31 vjeç. Edhe ndaj saj policia e Tiranës ka lëshuar urdhër të menjëhershëm mbrojtjeje.
Departamenti amerikan i Shtetit publikoi këtë të enjte raportin për të drejtat e njeriut në botë gjatë vitit 2014. E nëse do të ndaleshim në Shqipëri, konkretisht problemet më të mëdha të të drejtave të njeriut lidhen me korrupsionin e përhapur në të gjitha degët e qeverisjes, veçanërisht brenda sistemit gjyqësor dhe atij të kujdesit shëndetësor, me dhunën në familje dhe me diskriminimin ndaj grave.
Referuar të dhënave të vitit 2014, Shqipëria vazhdon të jetë një burim dhe destinacion për burra, gra dhe fëmijë, që i nënshtrohen trafikimit seksual dhe punës së detyruar. Komunitetet e romëve dhe egjiptiano-ballkanikëve kanë qenë të margjinalizuara dhe të abuzuara, ndërsa problem serioz ishte edhe diskriminimi në bazë të orientimit seksual dhe identitetit gjinor.
Për të lexuar raportin e plotë, klikoni: www.top-channel.tv
Në ndërtesën e ambasadës Amerikane në Shkup, përveç flamurit të SHBA-së, është valëvitur edhe flamuri i LGBT-së. Ambasada shkruan në profilin e saj në Twitter se, i bashkohet kremtimit të Javës së Krenarisë në Maqedoni.
“Ne kemi vendosur flamurin e ylberit për të përkujtuar Javën e Krenarisë në Shkup”, shkruan Ambasada Amerikane në Shkup.
Java e Krenarisë ka nisur më datë 22 dhe përfundon më 27 qershor./albeu.com
Presidenti amerikan Barack Obama u duartrokit pasi iu kundërpërgjigj një transgjinoreje latine, e cila i ndërpreu fjalimin në Shtëpinë e Bardhë.
Obama po fliste në një pritje për të drejtat e homoseksualëve, kur u ndërpre nga Jennicet Gutierrez.
29vjeçarja u ankua për gjendjen e emigrantëve LGBT në qendrat e emigrantëve. Ajo tha: “President Obama, lironi të gjithë të arrestuarit LGBTQ në qendrat e emigrantëve. President Obama, ndaloni torturat dhe abuzimet e grave transgjinore në qendrat e emigrantëve”
Por Obama iu kthye: “E di, jo, jo, jo, ti je në shtëpinë time…”
“Nuk është e respektueshme, nuk do marrësh përgjigje të mirë nëse do më ndërpresësh kështu”.
“Turp të të vijë, nuk duhet ta bësh këtë,” shtoi Obama. Më pas presidenti kërkoi që ajo të largohej nga salla.
Pas eventit, Gutierrez shprehu zhgënjimin e saj nga Obama në lidhje me një mungesë veprimi kur bëhet fjalë për abuzimin e emigrantëve të padokumentuar LGBTQ në qendrat e emigrantëve.
“Ai nuk shqetësohet për mënyrën se si trajtohen të arrestuarit LGBTQ. Si një grua transgjinore, mos njohja e përkatësisë gjinore dhe abuzimi fizik dhe seksual janë krime serioze me të cilët ne përballemi në qendrat e emigrantëve. Si mund të injorohet kjo,” shtoi ajo./www.gaystarnews.com
BERLIN – Muzeu kryesor historik kombëtar i Gjermanisë të mërkurën nisi një ekspozitë ku gjurmon 150 vjet të historisë gej, duke përfshirë edhe përdorimet e para të termit “homoseksual”, epokën brutale të represionit nazist të homoseksualëve dhe lëvizjet graduale drejt barazisë ligjore duke filluar në vitet 1960.
Ekspozita në Muzeun Historik Gjerman në Berlin, e cila është organizuar dhe drejtuar së bashku me Muzeun Gej të kryeqytetit, ka qenë në planifikim për katër vjet, por është duke hapur një debat të ri në Gjermani nëse duhet të lejohet martesa e plotë për çiftet brenda të njëjtit seksit. Ata kanë qenë në gjendje të kenë partneritete civile që nga viti 2001, por shumë nga partia konservatore e kancelares Angela Merkel hezitojnë të shkojnë më tej.
Ministrja e Kulturës Monika Gruetters tha në prezantimin e emisionit se “vë debatin aktual në lidhje me barazinë ligjore në një kontekst historik.” Ajo tha se kjo tregon “se sa shumë është luftuar për progresin për të cilin ne mund të flasim sot, jo vetëm ligjërisht, por edhe në perceptimin e shoqërisë.”
Shfaqja, “Homosexuality_ ies,” hapet për publikun të premten dhe do të vazhdojë deri më 1 Dhjetor, duke shfaqur foto dhe materiale filmike, artifakte duke përfshirë një pajisje shoku elektrik që përdorej për “terapinë e neverisë” në vitet 1950 dhe një seksion që eksploron çështjet “Nga A tek Z” duke filluar nga martesat gej e deri tek censura.
Një prej sendeve më të hershme të ekspozitës është një letër e shkruar me dorë në vitin 1868 nga shkrimtari Vienez Karl Maria Kertbeny për një avokat gjerman të reformës ligjore, Karl Heinrich Ulrichs, e cila besohet të jetë rekordi më i vjetër i shkruar me fjalët “homoseksual” dhe “heteroseksual.”
Ai gjithashtu përmban punën e shkencëtarëve të tillë si studiuesi i seksit Magnus Hirschfeld, Instituti pionier për Hulumtime Seksuale i të cilit u mbyll dhe plaçkit menjëherë pasi nazistët morën pushtetin në vitin 1933. Regjimi nazist ashpërsoi ligjin 1872 që penalizon seksin midis burrave; Gjermania Perëndimore ndryshoi të ashtuquajturin “paragrafi 175” për ta dekriminalizuar atë në vitin 1969.
Gjermania naziste dënoi rreth 50.000 homoseksualë si kriminelë. Rreth 10,000 deri 15,000 meshkuj gej u dërguan në kampet e përqendrimit. Një dhomë në ekspozitë e cila titullohet “Në Trekëndëshin Rozë” shqyrton historitë e burrave dhe grave të cilët janë persekutuar nga nazistës./m.utsandiego.com
Kiko Arguello, themelues i ecjes neokatekumenale, foli nga skena e Dita e Familjes të shtunën, në 20 qershor në Romë, duke shkaktuar pakënaqësi dhe reagime në Vatikan.
Por ajo që nuk ishte vënë re deri më tani, është fakti që Arguello gjatë lutjes së tij të gjatë dha interpretimin e vet të vrasjes së grave duke analizuar arsyet që mund të shtyjnë një burrë për të vrarë gruan dhe fëmijët e tij: sepse një burrë “ushqehet nga dashuria e gruas së tij”, kur gruaja e braktis atë, “lëvizja e tij e parë është vrasja e saj” sepse “përjeton të mos jetë i dashuruar dhe mos dashuria është ferr.”
Nga minuta e 10-të e videos së mëposhtëme, këto janë fjalët e Arguello i cili duartrokitet shpesh nga mijëra njerëz në San Giovanni gjatë demonstratave kundër bashkimit civil dhe “teorisë gjinore”:
“Ka shumë raste të tilla (vrasjet e grave, etj), thonë se kjo lloj dhune është shkaktuar nga dualiteti mashkull-femër, por për ne nuk është kështu. Ky burrë (i referohet një rasti krimi në Zvicër, ku Matthias Schepp rrëmbeu vajzat e tij dhe pastaj vrau veten) vrau vajzat për një tjetër arsye. Nëse ky burrë është ateist askush nuk i referohet si një person, ka vetëm një grua që i jep atij një rol:”Ti je burri im” dhe kështu ai ushqehet nga dashuria e gruas së tij.
Por nëse gruaja e braktis dhe shkon me një grua tjetër (por jo në rastin e Matthias Schepp), ky burrë mund të bëjë një zbulim të paimagjinueshëm, sepse kjo grua i heq faktin e të qënit i dashuruar, dhe kur ai përjeton faktin e të mos qënit i dashur, atëherë është ferr. Ky burrë ndjen një vdekje brenda, kaq të thellë aq sa gjesti i parë është për ta vrarë atë dhe gjesti i dytë, sepse dhimbja që ndjen është mistike dhe e tmerrshme, bie në një vrimë të zezë të përjetshme dhe pastaj mendon: “Si mund ta bëj gruan time të kuptojë dëmin që më ka shkaktuar? ” Atëherë ai vret fëmijët. Sepse ferri ekziston. Sociologët nuk janë të krishterë dhe nuk e dinë antropologjinë e krishterë, problemi është se ne nuk mund të jetojmë pa u dashur fillimisht nga familja jonë, pastaj miqtë në shkollë, pastaj nga e fejuara dhe në fund nga gruaja jonë.”/www.huffingtonpost.it
Barbarizmat e xhihadistëve që e quajnë veten Shteti Islamik nuk kanë të ndalur. Lajmi i fundit vjen se do të shpërblehet me skllave seksi jazide ai që mëson përmendësh Kuranin.
Një garë barbare është duke u mbajtur në shumë xhami të Sirisë, duke përfshirë edhe xhaminë “Osama Bin Laden”.
Të rinjve dhe të gjithë të tjerëve të cilët do ta mësojnë Kuranin përmendësh do t’u ofrohen virgjëresha të reja nga udhëheqësit e shtetit islamik gjatë muajit të Ramazanit.
Tri vendet e para gjatë këtij muaji të cilët do të mësojnë më së miri Kuranin do të fitojnë nga një virgjëreshë, transmeton zeri.info.
Ndërsa vendit të katërt dhe të pestë do tu ofrohen shpërblime në para.
Gara zgjatë 7 ditë dhe përfundon më 27 qershor dhe po mbahet për nder të muajit të shenjtë të Ramazanit./www.telegrafi.com
Gratë në El Salvador janë detyruar të lyejnë flokët me ngjyrë të zezë pas thashethemeve se biondet dhe kuqalashet, që nuk janë të dashurat e gangsterëve, do vriten.
Këtyre grave nuk iu lejohet të veshin rroba të kuqe apo të verdha.
Ndërkohë dhuna në vendin e Amerikës Qendrore ka njohur një tjetër rritje.
Vetëm në maj janë raportuar 635 vrasje në vendin me mbi 6 milionë banorë.
Ky është viti më i dhunshëm që prej përfundimit të luftës civile në vitin 1992./www.mapo.al
Aktorja thotë se ajo është “shumë e emocionuar” nga fluiditeti gjinor
Susan Sarandon ka thënë se ajo është krenare që djali i saj – 23-vjeçari Miles Robbins – “Del jashtë kontureve” kur është fjala për rolet gjinore.
“Djali im Miles është një muzikant dhe një DJ dhe ndonjëherë, kur grupi i tij performon të gjithë ata veshin fustane, dhe ai ka flokë të gjatë,” tha ajo të hënën (15 qershor) për revistën People në mbledhjen vjetore të fondeve për Projektin Trevor.
“Unë mendoj se sa më shumë bojra të keni në kutinë tuaj me ngjyra për të vizatuar jashtë kontureve, aq më emocionuese është.”
Aktorja 68-vjeçare ka vazhduar, “Unë si nënë, e di se sa e vështirë është ti mbijetosh viteve të adoleshencës i paprekur dhe procesi i socializimit – në se dilni jashtë kontureve, është shumë i vështirë.
“Dhe sot ka kaq shumë fëmijë që janë në pikëpyetje, janë gej apo transgjinorë, të cilët kalojnë një kohë shumë të vështirë dhe kjo mund të jetë shumë e rrezikshme për ta.”
Sarandon kohët e fundit i ka thënë Oprah Winfrey se është “shumë e emocionuar për rrjedhshmërinë gjinore që po ndodh ditët e sotme.”
“Mendoj se kur të jenë zhdukur të gjitha “kutitë”, do të jetë shumë më interesante,” tha ajo.
“Ne mund të fillojmë të kuptojmë brendësinë e vërtetë të një personi.”/www.gaystarnews.com
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
