E dashur mami Lola! Ja pse nuk u bera “intelektuale”
Kur fillova klasen e pare, më qendroje gjithë kohën mbi kokë dhe më kujtoje tërë merak: “Të keqen mami, duhet të mësosh që të kesh mundësitë që unë dhe babai jot nuk i kishim se u rritëm jetim dhe pa mbështetje”.
Disa prej personave qe figurojne ne te ashtuquajturin peticion te intelektualeve te botuar fillimisht nga gazeta Panorama, duket se nuk kane qene ne dijeni te plote te tekstit per te cilin jane ftuar te vendosin emrin. Me poshte nje koment nga profili ne Facebook i Bledi Strakoshes:
“Një peticion merr vlerë kur është i firmosur. Mund t’i shohim këto firma?! Sepse mesa fola në tel me Jonida Maliqin, nuk ka hedhur asnjë firmë, thjesht ka qenë në parim dakord me vlerat e familjes. Kështu që peticionin ndryshe ua kanë servirur atyre e ndryshe ia shitën popullit.”
SL shkruan: Përgjigje peticionit të “familjes” dhe fjalëve të “intelektualëve”.
Para se të flas për peticionin doja të përgjigjesha për disa fjali, pyetje apo fraza të dëgjuara në media (dhe të ripërmendura në peticion) dhe mbetur pa përgjigje.
Kundër natyrës është diçka fizikisht e pamundur dhe e dhimbshme, fjala vjen të kapësh veshin me gjuhë është jo e natyrshme, sepse s’e bën dot e para, dhe të tentosh e dyta, shkakton dhimbje. Marrëdhëniet seksuale brenda të njëjtit seks janë të mundura fizikisht, prodhojnë kënaqësi dhe për më tepër dashuri. Natyra i bie të ketë menduar dhe për ne!
Në radhë të parë, shteti është laik, dhe Zoti yt s’përbën argument për mua.
Sipas Leviticus 15:12, ti që përdor dhe tjetërson fjalën e Zotit kundër njerëzve, po mëkaton, dhe po i drejtohem të krishterëve të peticionit. Pastaj po sipas Leviticus, në paragrafet 15, 19, 20 ndalohet ngrënia e lepurit, veshja e dy materialeve të ndryshme njëkohësisht, mbjellja e arrës me dy fara të ndryshme, prekja e një gruaje në perioda, të flesh me gruan e komshiut, ose ndonjë nga gratë e babait etj etj. S’di ndonjë peticion apo nismë ligjore për të shpallur të jashtëligjshme shkeljen e këtyre ndalesave. Dhe ç’thotë Bibla kundër gejve, lidhet vetëm me meshkujt gej, nuk ka asgjë për lezbiket, transgjinoret, biseksualët etj.
Si përfundim, me logjikën e përgjigjes së parë, mund të them, Zoti ka menduar dhe për ne!
Pa nisur të flas për Ali Pashë Tepelenën dhe Lord Bajronin, doemos që s’është traditë e familjes shqiptare kur homoseksualiteti ka qenë krim nga vitet ’20 deri ne ’95, dhe para tyre në perandorinë osmane gjithashtu. Si mund të kishim ne familje me prindër të të njëjtit seks kur shteti i vriste ata? Po intelektualëve, si duket, s’i pëlqen kjo pjesë, fshehin pjesën e dhunës së ushtruar në ligj ndaj LGBT, dhe e quajnë jotradicionale diçka që ligji e ka persekutuar për shekuj. Dhe sa për histori, LGBT s’ka qenë dikur traditë, me logjikën tuaj, as në Hollandë, Suedi, Danimarkë etj etj. Në po këtë ide, mbase ca burra me mustaqe s’donin t’i linin gratë të votonin fillimshekullin e kaluar, se që kundër traditës. “Kur kështu, gruaja shqiptare analfabete paska të drejtë të shkojë të votojë? Kjo do të na shkatërrojë familjen! Shthurrje perëndimore domosdo!” Sa qesharake ngjan kjo tani, aq qesharak do të ngjajë dhe peticioni juaj, pas 20 apo 30 vitesh!
Po aq sa gratë i bëjnë ekzibicion vetes në 8 mars, apo komuniteti rom në 8 prill, apo Toka në ditën e Tokës etj. Sa vetë shkruajnë apo bëjnë peticione në këto data? Asnjë, sepse nuk i ngacmon, nuk i ngjall aq urrejtje sa LGBT. Atëhere, mqs kjo urrejtje u ngjallka, del që LGBT paska punë për të bërë, dhe po, diskriminohet, fjala vjen, thjesht nga peticioni juaj. Nqs jeni të interesuar, mund të futeni në thellësi të problematikës, ashtu siç unë fillova të lexoj Biblën një ditë me shpresën që do të kuptoja urrejtjen tuaj (por jo s’e kuptova, dhe u kujtova madje që Krishti lobonte për dashuri dhe barazi). Unë nuk njoh një person LGBT që të mos ketë qenë të paktën njëherë i paragjykuar dhe diskriminuar për orientimin e tij.
Po aq saç më bëri peticioni juaj straight! Domethënë… aspak! Në një botë ku gejtë janë persekutuar për shekuj, kanë ekzistuar pavarësisht. Një logjikë e thjeshtë të çon në idenë që në një botë ku straight kanë qenë gjithnjë, s’do të zhduken tak-fak nga zgjerimi i konceptit të martesës.
Jo, është thjesht zgjerim i saj, një degëz e re në pemë (dhe që do të çelë lule).
Jo, ju mund të martoheni siç jeni martuar dhe të jetoni të lumtur siç keni jetuar!
Skenar i denjë për filma me zombie, por jo! Unë, lezbike, do të kem fëmijë, me apo pa legalizimin e martesës. Kur gejtë duan kaq shumë të martohen dhe të kenë fëmijë, si do të vijë fundi i botës? Pastaj, sa gra dhe burra janë sterilë dhe kanë të drejtë të martohen? Dhe gejtë nuk janë sterilë aspak! Pse nuk propozohet një ligj që i ndalon të drejtën një sterili të martohet, mqs qenka kundër natyrës dhe Zotit që duan të shtojnë racën? Sepse çdo njeri ka të drejtë të martohet, kaq. Dhe vetëm ky fakt pohon se koncepti i martesës është shumë më i gjerë se thjesht riprodhimi.
Po, e lexova. Lexova dhe listën e firmave.
Gati gjysma e listës (ose dhe më shumë) përbëhej nga njerëz fetarë, me erdhi keq kur kujtova që miq të mi janë besimtarë të Islamit, me hixhab, dhe gjithë traditat, por s’janë aspak paragjykues dhe jo më diskriminues. Pastaj kujtova që fetarët e listës kanë pasur dikur një rini me famë të pajustifikuar, ose rini të çmendur, të shthurur më saktë, dhe përqafuan fenë për t’i ikur vetes dhe dhunës, dhe sot këtë dhunë e hedhin mbi të tjerët.
Gjysma tjetër qe nga njerëz me tituj dhe me vite mbi supe. Më erdhi keq kur kuptova që s’kanë gërrmuar aspak në shekullin e kaluar për të kuptuar ç’po ndodh sot dhe ç’do të ndodhë nesër. Këtë dua të sqaroj, dhe ta sqaroj në fund, për të dyja kategoritë e listës, ose dhe me gjerë.
Në fillimshekullin XX deri në gjysmën e tij filluan të dalin studimet e para shkencore për seksin, dhe në një formë ose tjetër u fol shkencërisht dhe per homoseksualizmin, si pjesë e seksualitetit të njeriut. Jo pa shkak në gjysmën e dytë lindën lëvizje për heqjen e tabuve për seksin, për barazinë gjinore, edukimin seksual etj. Mbase pak më e vonë, lindi dhe lëvizja LGBT. 24 vite më parë homoseksualiteti u hoq nga lista e sëmundjeve. Sot: martesat gej njihen ligjërisht në Hollandë, Suedi, Danimarkë, Belgjikë, Spanjë, Portugali, Kanada, shumë shtete në ShBA, Francë, Angli, Norvegji, Afrikë të Jugut, Islandë, Argjentinë, Brazil, Uruguaj, Zerlandë të Re etj. Në vetëm 24 vite, në perëndim janë ligjëruar martesat gej ose të paktën bashkimi civil, dhe jo vetëm në perëndim ekziston ligji kundër diskriminimit LGBT. Vetëm 24 vite! Tani unë sugjeroj të imagjinoni botën pas 24 vitesh! S’po ju kufizoj imagjinatën me versionin tim, por ju kërkoj fare pak të mendoni, nqs gjithë këto hapa janë bërë nga burgu në martesë dhe mbrojtje ligjore, mendoni që në Shqipëri nga mbrojtja ligjore sa hapa do të kapërcejmë në 24 vitet e ardhshme. Mendojeni!
Unë do të thoja para peticionit që ky është problemi juaj dhe fëmijëve do t’ju duhet t’i shpjegoni shumë dhe shumë gjëra përvec gejve. Ose mund t’ju thoja t’i thoni thjesht “njerëzit janë të ndryshëm biri i mamit/babit”. Po pas peticionit më lindi e njëjta pyetje dhe mua, si për ironi. Çfarë do t’i thonë fëmijëve dhe nipërve të vetë firmëtarët e peticionit, kur fëmijët dhe nipërit e vetë do të edukohen me një frymë krejt tjetër dhe do të jenë rinia e atij çastit kaq të frikshëm pas 24 vitesh? Po fëmijëve ç’do t’i thoni?
Nga Kristi Pinderi (Photo Credit Entela Resuli)
Me apo pa dashje peticioni i “intelektualëve” na fton në një debat shumë të rëndësishëm: atë për familjen.
Kush e shkatërron familjen?
Unë mendoj kështu:
Fëmijët nuk rrihen. Nuk u bërtitet. Ata dëgjohen dhe nuk neglizhohen. U qëndron pranë teksa zbulojnë veten edhe botën.
Kur i shikon të braktisur në rrugë, që lypin, që abuzohen, që masakrohen, që rrëmbehen, që përdhunohen apo që vriten, ulesh dhe minimalisht mendon: ore, mos janë këta të LGBT që bëjnë të tilla gjëra?!
Fëmijët nuk duhet të braktisen.
Por kur kjo ndodh ata kanë të gjithë të drejtën të gjejnë lumturi në një familje tjetër.
Te familja tjetër fëmijët do të duhet të rriten të lumtur, ndaj duhet të pyesësh: ka rëndësi dashuria dhe përkushtimi ndaj tyre apo orientimi seksual i familjarëve?
Fëmijët kanë nevojë për dashuri, qofshin këta fëmijë biologjikë apo qofshin ata të adoptuar pra. Vetëm për dashuri dhe për vëmendje.
Prindërit respektohen.
Nuk vriten!
Nuk vidhen!
Nuk u merret pasuria me dhunë!
Nuk përjashtohen.
Nuk lihen të vdesin të vetëm!
Partnerët mund të mos e duan më njëri tjetrin në një moment të caktuar. Por nuk mund të detyrohen të kalojnë një jetë torturuese.
Mund të ndihmohen që secili të gjejë veten sërish, që secili të jetojë sërish e që secili, të vazhdojë të ndajë të njëjtat përgjegjësi për fëmijët e tyre.
Kjo do të ishte shumë më mirë edhe për fëmijët të cilët nuk i kanë borxh askujt, as mamit dhe babit të tyre që të jetojnë dhe ata një jetë torturuese.
Gruaja nuk rrihet!
Gruaja nuk rrihet për as edhe një arsye!
Gruaja nuk kërcënohet, nuk mbahet nën presion.
Gruaja, edhe në familjet me partnerë meshkuj gej është shtylla: është nëna e secilit prej atyre të dyve!
Burri, ose përkushtohet ndaj gruas ose jo. Por kur mban edhe dashnore (me gjithë konotacionin e kësaj fjale), minimalisht nuk duhet të ketë guximin patetik të shënojë emrin në një peticion për familjen!
Motra dhe vëllai janë mbështetje dhe jo barrë!
Pasuria materiale është instrument, ndonjëherë edhe fat. Ajo mund te ndahet por nuk duhet te ndaje as motren me motren, as vellain me vellain, as vellain me motren. Si vëllai, si motra apo qe të dy së bashku janë pasuri që as nuk blihen, as nuk shiten e as nuk tjetërsohen.
Partneri apo partnerja është personi që ne zgjedhim ta vendosim në qendër të jetës sonë.
E zgjedhim ne, jo bota për ne!
Lidhja mes dy personave bazohet te dashuria.
Vetëm te dashuria.
Dashuria është ajo që pastaj na motivon të përkushtohemi.
Dashuria, jo Zoti! Se Zoti vetë është dashuri dhe jo imponim!
Dashuria, jo Frrok Cupi.
As Adem Demaci.
As Ermali.
E as Jonida! Madje as Luljeta! Dhe as Cipa!
Nga Kristi Pinderi (Photo Credit Entela Resuli)
Me apo pa dashje peticioni i “intelektualëve” na fton në një debat shumë të rëndësishëm: atë për familjen.
Kush e shkatërron familjen?
ProLGBT dhe Aleanca Kundër Diskriminimit janë njohur me një të ashtuquajtur peticion të “intelektualëve” kundër homoseksualëve dhe “pro familjes”.
Like last year, for me, the International Day Against Homophobia and Transphobia (IDAHOT) started with a bike ride in Albania, gay activists, the international community, progressive straight allies, and a bit of trepidation about potential violence. In the end, only Mother Nature was bombarding us – in the form of cold rain.
Nga Entila Cuka
Jemi më shumë se dhjetë të rinj heteroseksual. Ecim në drejtim të kafe “Florës” dhe presim të takojmë një lesbike. Rrugës jemi kujdesur të kemi një dukje normale, as të qeshur as të vrenjtur. Secili i ka veshur fytyrës një buzëqeshje. Nuk kaluan as 5 minuta nga momenti që qëndruam pa e ditur ku të shkojmë, dhe Xheni vjen.
Nga Phumzile Mlambo-Ngcuka, Drejtore Ekzekutive e UN Women
Gati 20 vjet më parë, bota u mblodh në Pekin në Konferencën e Katërt Botërore për Gratë. Aty të, 189 qeveritë e pranishme miratuan një udhërrëfyes largpamës për barazinë gjinore:
Ministri Erion Veliaj, publikoi sot një studim kombëtar mbi fëmijët në situatë rruge, të cilat do të përdoren për të ofruar shërbime më të mira për fëmijët dhe familjet në nevojë.
Ministri Erion Veliaj, publikoi sot një studim kombëtar mbi fëmijët në situatë rruge, të cilat do të përdoren për të ofruar shërbime më të mira për fëmijët dhe familjet në nevojë.
Studimi i kryer në periudhën Maj 2013 – Shkurt 2014, është ndërmarrë në kuadër të reformës së Shërbimeve Sociale nga MMSR, Zyra e Bashkëpunimit Zviceran në Shqipëri, Arsis dhe GFK, mbështetur nga UNICEF dhe Save the Children.
Rreth 200 vetë mbushën të shtunën, si asnjëherë më parë sallën prej 130 vendesh të kinema “Agimi” për të ndjekur premierën e dokumentarit “Ska Ndal” si dhe ndarjen e cmimeve nga LGBT për Aleatët e vitit.
“Unë nuk e di se si ndihesh kur të ngacmojnë se je homoseksual, por e di se çfarë do të thotë të rritesh me ndjesinë se shpeshherë nuk i përket shoqërisë.” – Shihni mesazhin e Presidentit Barack Obama për rininë LGBT. (Marre nga faqja ne Facebook e Ambasades Amerikane ne Tirane)
“I don’t know what it‘s like to be picked on for being gay, but I do know what it’s like to grow up feeling that sometimes you don’t belong.” – Watch President Obama’s message to #LGBT youth. #HumanRights #IDAHO
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
