Bazuar në publikimet e deritanishme të Komisionit Qendror të Zgjedhjeve
Qarku Kukës
Qarku Lezhë
Qarku Shkodër
Qarku Tiranë
Qarku Vlorë
Qarku Berat
Qarku Dibër
Qarku Durrës
Qarku Elbasan
Qarku Fier
Qarku Gjirokastër
Qarku Korçë
Në 25 vjet pluralizëm nuk kishte ndodhur asnjëherë, ndërsa dje ndodhi në Laç.
Në zgjedhjet që u zhvilluan dje, Kurbini ishte më i veçanti, pasi aty votohej vetëm për një kandidat. Ndonëse në fletën e votimit për kryetar bashkie ndodheshin të dy emrat, ai i Altin Bibës i APPD dhe Artur Bardhit të ASHE, votë e vlefshme ishte vetëm ajo për kandidatin e koalicionit të majtë.
Kjo pasi Biba ishte tërhequr dhe KQZ nuk miratoi kandidimin e Ilir Pjetrës që u propozua nga Partia Demokratike.
E ndonëse pritej që për shkak të këtij problemi situata mund të ishte e tensionuar, asgjë e tillë nuk ka ndodhur në asnjë prej 76 qendrave të votimit të Kurbinit. Qytetarët kanë shkuar për të votuar normalisht, edhe pse përqindja e votuesve rezultoi të ishte shumë e ulët, vetëm 26.83 për qind. Megjithatë, komisionerët, edhe pse mes tyre nuk kishte asnjë përfaqësues të opozitës, e kishin një justifikim edhe për këtë shifër të ulët.
Sipas tyre, banorët nuk kanë qenë të informuar si duhej, madje u ishte krijuar bindja që në Laç nuk do të votohej. “Vetëm kur panë që në Kurbin po votohej në 76 qendrat e votimit, atëherë filluan të paraqiteshin nëpër QV. Në pjesën e parë të ditës numri i votuesve ishte shumë i ulët, ndërsa pasdite nisi të rritej, kur kuptuan që në fakt nuk ishte anuluar procesi”, tregon njëri nga komisionerët në KZAZ e Laçit.
“TRAKTET” POSHTE DERES
Mëngjesi i djeshëm ka qenë paksa i çuditshëm për banorët e Laçit, kur kanë gjetur poshtë derës një fletë, ku shkruhej që të mos merrnin pjesë në votim.
“Traktet” ishin shpërndarë gjatë natës duke gdhirë dita e djeshme nga persona ende të paidentifikuar. Njoftimi është fotografuar nga një qytetar i Laçit, i cili e ka denoncuar atë në Komisariatin Dixhital dhe Policia është vënë menjëherë në lëvizje për të zbuluar autorët.
“Njoftojmë të gjithë banorët e qytetit Laç të mos marrin pjesë në zgjedhjet vendore që zhvillohen më datë 21 qershor 2015, për shkak të një gare jo të drejtë dhe të barabartë.
Të gjithë qytetarët, intelektualët, ishtë përndjekurit politikë, njoftohen se është shpallur bojkot për këto zgjedhje për arsye të moszhvillimit të një gare të barabartë për kryetar të Bashkisë Kurbin”, thuhet në njoftimin që u është shpërndarë banorëve. Ndërsa më poshtë, autorët e “traktit” shprehen se dyshja Rama – Meta po u kujtojnë kohën e komunizmit ku ishte vetëm një kandidaturë. “Ata vendosën që ta lënë Kurbinin me një kandidat të vetëm, me kandidatin e Partisë Socialistë, z. Artur Bardhi, i cili mbetet kryetari i Bashkisë më i dështuar në 25 vjet, pasi për 4 vite nën drejtimin e tij në qytetin e Laçit nuk bëri asgjë (përveçse arriti të mbjellë 12 rrënjë pemë dhe këto të dhuruara nga Ëorld Vision)”, mbyllet thirrja për të mos votuar.
/Panorama
Pak orë pas mbylljes së qendrave të votimit duket se nuk ka pothuajse asnjë gjë të re për tu theksuar përveç dy fakteve: LSI vazhdon të shtojë elektoratin e saj ndërsa shumica e shqiptarëve nuk besojnë më se mund t’i ndryshojnë gjërat përmes votës.
Nëse më pak se gjysma e shqiptarëve del të votojë (pa numëruar këtu ato vota që janë nxjerrë të pavlefshme me ndërgjegje e duke u tallur me sistemin apo dhe votat e protestës që mund të kenë shkuar tek të pavarurit si Bojaxhi) kjo nuk tregon vetëm se këtë herë ka patur më pak emigrantë që kanë ardhur të votojnë apo se kjo është tendenca e zgjedhjeve vendore.
Kjo tregon asgjë më shumë e asgjë më pak se qytetarët sot janë të lodhur nga politika dhe nuk besojnë se mund ta ndryshojnë realitetin e tyre duke dalë në votime.
Eshtë interesant edhe fakti që ndonëse për një muaj rresht partia më e madhe, PS, e bazoi fushatën e saj duke inkurajuar dhe ftuar gratë e vajzat të votojnë, sërish përqindja e vajzave dhe grave që votuan ishte më pak se 40 %. Do të thotë që 3 ose 4 gra nga 10, dolën sot për të votuar! Kush ka dështuar për këtë rezultat? Unë nuk besoj se ka dështuar vetëm PS që e bazoi si asnjëherë tjetër më parë gjithë vëmendjen gjatë fushatës te fuqia e gruas. Besoj se ka dështuar i gjithë sistemi dhe e gjithë klasa politike.
Fakti tjetër që LSI vazhdon të shtojë shifrat e saj, edhe pse opinioni e lidh atë parti më shumë se çdo parti tjetër me korrupsionin, tregon gjithashtu se shqiptarët nuk u besojnë premtimeve apo programeve. Kur mundin, ata votojnë thjesht për pragmatizëm (një ofertë për punë, një shans për t’u afruar pranë mekanizmit të shpërblimit të votës cilido qoftë ky mekanizëm, etj).
Kristi Pinderi
Ora 17:00 Tension në Dibër, ndërpritet proçesi i numërimit
Gara më e fortë në këto zgjedhje duket se është ajo për Bashkinë e Dibrës, ku dy kandidatët, Shukri Xhelili n e ASHE-së dhe Ilir Krosin e APPD-së, i ndan nga njëri-tjetri një grusht votash, pas 73 kutive të numëruara.
Që në mëngjes dy kandidatët e kanë parë veten herë njëri dhe herë tjetri në avantazh.
Rezultati i ngushtë ka sjellë tensionimin e situatës në KZAZ-në e kësaj bashkie, ku është kërkuar ndërhyrja e policisë, për largimin e të gjithë personave pa mjet identifikimi.
Procesi i numërimit është ndërprerë pa afat, deri kur të qetësohet situate.
Aktualisht, kandidati i APPD-së ka përmbysur disavantazhin e 31 votave dhe e sheh veten në avantazh me 27 vota.
Socialistët fajësojnë demokratët për tensionimin e situatës.
“Ka pasur momente tensioni të krijuara nga numëruesit e PD me pretendime të paqena për të bërë vota të pavlefshme edhe aty ku nuk ishin”, deklaroi deputeti socialist, Ulsi Manja.
Por demokratët kanë një tjetër version. Sipas tyre, situata u tensionua nga jashtë grupeve të numërimit.
“Një nga vëzhguesit këtu në panelin e numërimit, u sul për të kapur një fletë votimi dhe krijoi një rrëmujë në procesin e numërimit. PD është në avantazh dhe nuk lejon që të manipulohet rezultati. Rrëmuja erdhi nga jashtë rrethit të numërimit. Numëruesit e PD kërkojnë korrektësi. Jemi në avantazh dhe vazhdojmë ta thellojmë këtë avantazh”, tha Sherefedin Shehu, deputet i Partisë Demokratike.
1.Në QV nr. 1691/1, tek Shkolla Nëntëvjecare “Ali Demi”, ZAZ nr. 31, Bashkia Tiranë, nga KQV nuk është administruar Vërejtja me shkrim e Vëzhgueses së KShH dhe është tentuar që ajo të nxirret jashtë nga QV edhe pse është konstatuar që një person ka votuar për dy zgjedhës të tjerë njëkohësisht, në kundërshtim me nenin 106, të Kodit Zgjedhor. Pengimi i Vëzhguesit për të kryer detyrën e tij është në kundërshtim me nenin 7, germa b), të Kodit Zgjedhor. Ky person nuk ka bërë Deklaratë në Librin e Protokollit të Mbledhjeve të KQV, në kundërshtim me Nenin 108, Pika 3, të Kodit Zgjedhor
2-Në QV nr. 1883, 1883/1, 1910, 19101, 1911, 1911/1, 1912, 1912/1, 19122, 1914, 1914/1, 1915, 1915/1, 1916 dhe 1916/1 është konstatuar një praktikë e kundraligjshme. Pasi jepej Fleta e votimit Votuesit, Kryetari i KQV bërtistë me zë të lartë emrin, mbiemrin e votuesit si dhe nr rendor në listë. Pas Pyetjes tonë, na u tha se kjo bëhej me qëllim vënien në dijeni të vëzhguesve të subjekteve zgjedhore dhe se kështu ishin udhëzuar nga KQZ. Kjo praktikë është në kundërshtim me nenet 105 dhe 106, të KZ lidhur me paraqitjen e zgjedhësit në QV si dhe procedurën e votimit
3-Në QV nr. 1883/1 është konstatuar se dhoma e fshehtë e votimit është vendosur në mënyrë të tillë që mund të dallohej nga hyrja në QV shënimi në Fletën e Votimit, duke cënuar fshehtësinë e votës, në kundërshtim në kundërshtim me Pikën 1, të Nenit 109, të KZ.
KShH e gjykon të nevojshme të njoftojë Komisionin Qendror të Zgjedhjeve si organin më të lartë shtetëror për administrimin e zgjedhjeve, me qëllim të ndërhyjë për parandalimin e përsëritjes së shkeljeve të mësipërme.
Më kuadër të Ditës Ndërkombëtare të Regugjatëve, rrjeti UNITED ( të bashkuar kundër vdekjeve të refugjatëve), i cili përbëhet nga më shumë se 550 organizata nga 48 shtete Europiane, ka publikuar Listën e Vdekjeve të refugjatëve, një website të ri dhe një hartë interaktive të vdekjeve të refugjatëve në botë.
Lista e Vdekjeve, e publikuar nga UNITED, pasqyron 22.394 vdekje të dokumentuara të azilkërkuesve dhe refugjatëve për shkak të politikave kufizuese të ushtruara nga Europa.
KLIKO MË POSHTË PËR TË PARË LISTËN E PLOTË:
Muajt e fundit, historitë e vdekjeve të mijëra njerëzve në detin Mesdhe, kanë tronditur shumë njerëz në gjithë botën. Kjo ka bërë që çështje e refugjatëve të jetë ndër më të diskutuarat në aspektin mediatik dhe politik. Por megjithë vëmendjen, përfaqësuesit e BE duket se e kanë të pamundur të bien dakort në ndarjen e valëve migratore, duke e dominuar diskutimin me interesat nacionaliste të secilit shtet. Ndërkohë emigrimi vazhdon, megjithë rrezikun e madh që ka udhëtimi nga deti emigrantët nuk duken të dekurajuar.
Në 20 qershor, Ditën Ndërkombëtare të Refugjatëve, UNITED ka publikuar një hartë interaktive e cila tregon se problem i regugjatëve nuk kufizohet vetëm Detin Mesdhe dhe në kufijtë jugorë Europian. Harta tregon se ky është një problem i shtrirë në mbarë Europën, dhe zgjidhja e tij duhet të vijë nga një reagim gjithpërfshirës i shteteve Europiane.
HARTA INTERAKTIVE E VDEKJEVE TË REFUGJATËVE NË EUROPË:
http://unitedagainstrefugeedeaths.eu/map/
Në Ditën Botërore të Refugjatëve, Sekretari i Përgjithshëm i OKB-së Ban Ki-moon ka dhënë një mesazh sensibilizimi në një kohë kur konfliktet në shtete që ndodhen në krizë, e kanë rritur në shifra alarmante numrin e personave që braktistin vendin.
“Në kohë si këto, është thelbësore që qeveritë dhe shoqëritë në mbarë botën të përkushtohen për të siguruar strehim dhe siguri për ata që kanë humbur gjithçka në konflikt apo persekutim. Me 86 për qind të të gjithë refugjatëve që jetojnë në botën në zhvillim, dhe me sistemin e përgjigjes humanitare gjithnjë e më të mbingarkuar, solidariteti ndërkombëtar dhe shpërndarja e barrës e ngarkesës janë vendimtare në plotësimin e nevojave të komuniteteve të zhvendosura si dhe të pritësve të tyre”, – thotë Ban Ki-moon në mesazhin e tij.
“Refugjatët janë njerëz si gjithë të tjerët,- thotë Ban Ki-moon, ndaj shton ai, -“në këtë Ditë Botërore të Refugjatëve, le të kujtojmë humanizmin tonë të përbashkët, të festojmë tolerancën dhe diversitetin dhe të hapim zemrat tona për refugjatët kudo”.
Ndërkohë, mesazh sensibilizimi ka dhënë edhe komisionieri për refugjatët në OKB, Antonio Guterres
Mesazhi sensibilizues i ban Ki-moon
Në këtë Ditë Botërore të Refugjatëve, le të kujtojmë gjendjen e miliona njerëzve në mbarë botën të cilët kanë qenë të detyruar të largohen nga shtëpitë e tyre si pasojë e konfliktit dhe persekutimit. Në fund të vitit 2014, 59.500.000 persona – shifra më e lartë e regjistruar – u zhvendosën me dhunë në gjithë globin. Kjo do të thotë se sot një në çdo 122 qenie njerëzore është ose refugjat, person i zhvendosur brenda vendit apo azil kërkues.
Konflikti i vazhdueshëm në Siri, si dhe kriza në Irak, Ukrainë, Sudanin e Jugut, Republikën Qendrore Afrikane, Nigerinë Verilindore si dhe pjesë të Pakistanit, kanë çuar në një rritje tronditëse dhe përshpejtim të zhvendosjes globale të detyruar.
Në vitin 2014, 42.500 njerëz u bënë refugjatë, azilkërkues ose zhvendosur brenda vendit çdo ditë të vetme – një normë kjo që është katërfishuar në vetëm katër vjet. Në të njëjtën kohë, shumë konflikte të kahershme mbetën të pazgjidhura, dhe numri i refugjatëve të cilët ishin në gjendje të ktheheshin në shtëpi vitin e kaluar ishte më i ulëti në tri dhjetëvjeçarë. Situatat e zgjatura të azilit tani zgjasin në një mesatare prej 25 vjetësh.
Një valë në rritje e njerëzve të shpërngulur është duke kërkuar mbrojtje nga persekutimi dhe dhuna. Shumë prej tyre nuk kanë zgjidhje tjetër, por të përpiqen dhe të arrijnë sigurinë duke përdorur mjete të rrezikshme, të tilla siç edhe është provuar nga rritja e shpejtë e lëvizjeve të parregullta me varka e anije të vogla në Mesdhe, Azinë Juglindore dhe gjetkë.
Në kohë si këto, është thelbësore që qeveritë dhe shoqëritë në mbarë botën të përkushtohen për të siguruar strehim dhe siguri për ata që kanë humbur gjithçka në konflikt apo persekutim. Me 86 për qind të të gjithë refugjatëve që jetojnë në botën në zhvillim, dhe me sistemin e përgjigjes humanitare gjithnjë e më të mbingarkuar, solidariteti ndërkombëtar dhe shpërndarja e barrës e ngarkesës janë vendimtare në plotësimin e nevojave të komuniteteve të zhvendosura si dhe të pritësve të tyre.
Refugjatët janë njerëz si gjithë të tjerët, si ju dhe unë. Ata kanë jetuar një jetë të zakonshme para se të bëheshin të zhvendosur, dhe ëndrra e tyre më e madhe është që të mund të jetojnë normalisht përsëri. Në këtë Ditë Botërore të Refugjatëve, le të kujtojmë humanizmin tonë të përbashkët, të festojmë tolerancën dhe diversitetin dhe të hapim zemrat tona për refugjatët kudo.
Deklarata nga Antonio Guterres në ditën botërore të refugjatëve
Pesëmbëdhjetë vjet në një mijëvjeçar që shumë prej nesh shpresonin se do të shihnin një fund të luftrave, një valë dhunë është përhapur globalisht e ka ardhur për të kërcënuar themelet e sistemit tonë ndërkombëtar.
Sipas të dhënave tona më shumë njerëz u larguan vitin e kaluar se sa në çdo kohë tjetër Në të gjithë botën, pothuajse 60 milion njerëz janë zhvendosur nga konflikti dhe persekutimi. Gati 20 milionë prej tyre janë refugjatë, dhe më shumë se gjysma janë fëmijë. Numrat e tyre janë në rritje dhe përshpejtim në çdo ditë të vetme, në çdo kontinent të botës.
Në vitin 2014, një mesatare prej 42,500 njerëzish në ditë u bënë refugjatë, azilkërkues apo personat të zhvendosur brenda vendit, – një shifër që është katër herë më shumë se 4 vjet më parë. Këta njerëz mbështeten tek ne për mbijetesën dhe shpresën e tyre. Ata do të mbajnë mend atë që ne bëjmë.
Megjithatë, edhe pasi kjo tragjedi shpaloset, disa nga vendet më në gjendje për të ndihmuar kanë mbyllur dyert e tyre për njerëzit që kërkojnë azil. Kufijtë janë mbyllur, kthimet janë në rritje, dhe armiqësia është në rritje. Rrugët për ikje të ligjshme janë duke u venitur. Dhe organizatat humanitare si e imja drejtohen mbi buxhete të shtrënguara, duke mos qenë në gjëndje të përmbushin nevojat spirale të një popullsie masive të viktimave.
Ne kemi arritur në një moment të së vërtetës. Stabiliteti botëror është copëtuar duke lënë pasojën e zhvendosjes në një shkallë të paparë. Fuqitë botërore janë bërë ose thjesht vëzhgues pasivë ose lojtarë të largët në konfliktet duke lejuar që shumë civilë të pafajshëm të largohen nga shtëpitë e tyre.
Në këtë botë në luftë, ku marrëdhëniet e pushtetit janë të paqarta, dhe pa-parashikueshmëria dhe mosndëshkimi janë bërë emri i lojës, tani është urgjente për të gjithë ata që janë më të avantazhuar mbi palët e këtyre konflikteve, të lënë mënjanë mosmarrëveshjet e tyre dhe të mblidhen së bashku për të krijuar kushtet për përfundimin e gjakderdhjes.
Por, ndërkohë, bota duhet ose të mbajë mbi shpatulla kolektivisht barrën për të ndihmuar viktimat e luftës, ose të rrezikojnë duke qëndruar mënjanë pasi vendet dhe komunitetet më pak të pasura – të cilat strehojnë 86 për qind të refugjatëve të botës – bëhen të mbingarkuara dhe të paqëndrueshme.
Që nga fillimet e qytetërimit, ne kemi trajtuar refugjatët si meritues të mbrojtjes sonë. Pavarësisht nga dallimet tona, ne kemi njohur një detyrim human themelor për strehim e atyre që kanë ikur nga lufta dhe persekutimi.
Megjithatë, sot, disa prej të pasurve mes nesh janë duke e sfiduar këtë parim të lashtë, duke etiketuar refugjatët si konfliktues, emigrantë ekonomikë në kërkim të një pune dhe terroristë. Kjo është një qasje tejet pa vizion, e rrezikshme dhe moralisht e gabuar – e në disa raste edhe në kundërshtim me parimet e të drejtës ndërkombëtare.
Ka ardhur koha të mos fshihemi prapa fjalëve. Kombet më të pasura duhet të njohin refugjatët për aq viktima sa ata janë,njerëz që ikin nga luftrat të cilat ata janë të pamundur t’i parandalojnë apo ti eleminojnë. E ndërkaq po këto kombe të pasura duhet tashmë të vendosin nëse duhet të ndajnë në mënyrë të drejtë barrën e peshës për t’i ndihmuar këta njerëz apo të fshihen pas mureve të territoreve të tyre duke lënë anarshinë të shpërndahet në pjesën tjetër të botës.
Toka ka hyrë në një periudhë të re shfarosjeje, dhe njerëzimi mund të jetë ndër speciet e para që do ta pësojë.
Në këtë përfundim kanë mbërritur studiuesit amerikanë të tre universiteteve. Shkencëtarët e Universitetit të Stenford, atij të Princeton dhe të Berklit thonë se vertebrorët (organizmat me shtyllë kurrizore) po zhduken me një shpejtësi prej 114 herë më shumë se normalja.
Njëri prej autorëve të studimit thotë se po hyjmë në atë që në komunitetin e shkencëtarëve njihet si “zhdukja e gjashtë e madhe”. E fundit, pra e pesta, besohet se ka ndodhur rreth 65 milionë vite më parë, kur nga Toka, siç mbështesin shumë studime, u zhdukën dinosaurët nga meteorët.
“Nëse Toka do të jetë në gjendje ta mirëpresë, formave jetësore do t’u duhen miliona vite për ta rimarrë veten dhe ne me shumë gjasa do të jemi duke u zhdukur ngadalë”, thotë Gerardo Ceballos, udhëheqësi i studimit.
Nga vëzhgimet e grupit të shkencëtarëve, u gjet se vertebrorët po zhduken mbi 100 herë më shpejt se sa periudha normale në historinë e Tokës. Që prej viteve 1900, thonë ata, janë zhdukur më shumë se 400 vertebrorë. Një humbje e tillë, shton raporti, do të duhej të ndjehet në më shumë se 10 mijë vite.
Studimi i publikuar nga revistën “Science Advances” citon ndryshimet klimatike, ndotjen dhe shpyllëzimin si faktorët kryesorë të kësaj zhdukjeje.
Ekosistemet po shkatërrohen, thuhet në raport, ku si shembull jepet pjalmimi i bimëve të ndryshme nga bleta, një fenomen që mund të zhduket brenda tre brezave njerëzore.
Profesor Paul Ehrlich, pjesëmarrës në hulumtim thotë se ka plot shembuj speciesh, që konsiderohen të zhdukura tashmë, ndërsa Unioni Ndërkombëtar për Ruajtjen e Natyrës deklaron se çdo vit 50 kafshë i afrohen më shumë shfarosjes.
“Rreth 41 për qind e amfibëve dhe 25 për qind e mamalëve janë të kërcënuar nga zhdukja”, thotë ky Union, duke sjellë si shembull tipik lemurin, që mund të zhduket brenda pak viteve.
Në një rezultat të përafërt kishin mbërritur një vit më parë edhe studiuesit e “Duke University”.
Rritje e papunësisë, shtim i familjeve me ndihmë sociale, më shumë varësi nga të ardhurat e emigrantëve do të jenë “dhuratat” për kryebashkiakun e ri të Tiranës. Si ndarja e re territoriale sjell automatikisht një përkeqësim të treguesve të varfërisë të kryeqytetit.
Kushdo që do të zgjidhet kryebashkiak i Tiranës në zgjedhjet lokale do të ketë një detyrë më të vështirë se paraardhësi. Ndarja e re territoriale, që i shton Bashkisë së Tiranës 13 komuna, sjell automatikisht përkeqësim të treguesve të varfërisë të kryeqytetit dhe rritje të papunësisë, duke e vënë drejtuesin e ri të Tiranës përpara një sfide të madhe.
INSTAT, bazuar në ndarjen e re territoriale-administrative, me 61 bashki, ka publikuar online në portalin www.instatgis.gov.al, të dhënat e Censusit të Popullsisë dhe Banesave 2011. Nga këto të dhëna rezulton se me ndarjen e re, Bashkia e Tiranës do të përballet me më shumë të papunë, si meshkuj ashtu dhe femra, rritje të familjeve që marrin ndihmë sociale, varësi më e lartë nga të ardhurat e emigrantëve, popullsi më pak të arsimuar etj.
Me ndarjen e re administrative, sipërfaqja e Bashkisë së Tiranës rritet ndjeshëm nga 40km2 në 1110 km2, por popullsia rritet me ritme shumë më të ulëta, nga rreth 420 mijë në 660 mijë, apo 33% më shumë, sipas Censusit 2011.
Shtohet papunësia
Ndërsa premtimet nga të gjitha kampet nuk mungojnë për potencialet e kryeqytetit dhe programet për nxitjen e punësimit, në Tiranën e zgjeruar, papunësia në total do të rritet me 1.8 pikë përqindjeje, për të arritur në 24.3%.
Do të ketë më shumë të papunë, si femra ashtu dhe meshkuj, por edhe të rinj, që janë në kërkim të një pune. Norma e papunësisë tek femra, p.sh. do të arrijë në 25.6% me ndarjen e re territoriale.
Megjithatë, në tërësi, papunësia në kryeqytet do të vijojë të mbetet më e ulët se mesatarja e Shqipërisë.
Rritet pesha e bujqësisë në punësim
Futja e 13 komunave në Bashkinë e Tiranës shton në listë më shumë të punësuar nga sektori bujqësor. Nga 0.6% që ishin të punësuar gjithsej në bujqësi, tashmë kjo peshë do të rritet në 3.4%. Megjithatë, në kryeqytet, dominojnë shërbimet ku punësohen rreth 80% e banorëve, një peshë kjo më e lartë se mesatarja e popullsisë, prej 53.5%.
Rritet numri i banesave bosh
Ndërsa ndërtimet e pafundme në zonën e Kasharit nuk figuronin zyrtarisht në hartën e Tiranës, tashmë ato do t’i shtohen bashkisë së re. Sipas të dhënave të INSTAT, përqindja e ndërtesave të pabanuara ndaj totalit të banesave rritet në gati 20%, nga 15% që ishin më parë. Këto banesa kanë mbetur në pjesën më të madhe të pashitura, për shkak të rënies së fuqisë blerëse, mungesës së kredisë nga bankat, infrastrukturës së papërshtatshme, apo dhe ofertës më të lartë sesa kërkesa.
Më shumë familje do duan ndihmë sociale, më pak makina për 1000 banorë
Më pak të arsimuar, shtim i familjeve të varfra, që e shtyjnë muajin me asistencë sociale, apo që varen nga paratë që u sjellin të afërmit, një numër më i lartë të kthyerish nga emigracioni, më pak familje me një makinë, është rezultati “i padukshëm” i ndarjes së re.
Të dhënat nga harta e INSTAT tregojnë p.sh. se gati 5% e familjeve do marrin asistencë, nga 4.5% që ishte më parë.
Edhe numri i makinave për 1000 banorë zbret nga 112.6 në 104.6, por gjithsesi duke qenë shumë më i lartë se mesatarja prej 71.1 e gjithë vendit. (për më shumë informacione shiko tabelën: Tregues të Bashkisë së Tiranës me ndarjen e re dhe të vjetër territoriale).
Tirana, zemra ekonomike e Shqipërisë
Tirana është jo vetëm kryeqyteti i vendit, por dhe i ekonomisë. Infrastruktura e përshtatshme, pozicionimi në qendër të Shqipërisë, afërsia me portin dhe aeroportin e kanë bërë Tiranën vendin më të preferuar për të bërë biznes.
Statistikat e INSTAT konfirmojnë se Qarku i Tiranës (ku qyteti i Tiranës mban peshën kryesore) kontribuon në 38% të Prodhimit të Brendshëm Bruto.
Po aq i rëndësishëm është dhe për punësimin, me rreth 50% të totalit.
Në Tiranë ushtrojnë aktivitetin e tyre rreth 50 mijë ndërmarrje, me numrin e tyre që ka ardhur në rritje vit pas viti. Pjesa më e madhe e tyre ushtrojnë aktivitetin në tregti dhe shërbim ushqimor e akomodim. Kryeqyteti vijon të sjellë prurje të reja, me 40% të ndërmarrjeve të reja të hapura në 2014, që zgjodhën pikërisht Tiranën.
Ndërtimi ka qenë një sektor i rëndësishëm, me Tiranën që kontribuon me 56% të këtij sektori në të gjithë vendin.
Tirana është dhe kryeqyteti i emancipimit, me përqindjen më të lartë të pronareve femra ndaj totalit.
/Monitor.al
Zgjedhjet vendore të 21 qershorit që mbahen të dielën në Shqipëri konsiderohen mjaft të rëndësishme për reformimin e qeverisjes vendore dhe ecurinë e procesit të integrimit. Këto janë zgjedhjet e shtata lokale që mbahen në vend, që nga viti 1991.
Më poshtë vijojnë të dhëna zyrtare për zgjedhjet e së dielës:
– Qytetarët shqiptarë votojnë të dielën për kryetarët e rinj të 61 bashkive dhe për 1595 vende në këshillat bashkiakë.
– 62 subjekte politike janë regjistruar zyrtarisht në KQZ për të konkuruar në garën elektorale, 57 nga të cilat janë grupuar në dy koalicione.
– Koalicioni i majtë “Aleanca për Shqipërinë Europiane”, i drejtuar nga Partia Socialiste, grupon 37 parti, ndërsa koalicioni i djathtë “Alenca Popullore për Punë dhe Dinjitet”, i drejtuar nga Partia Demokratike, grupon 15 parti.
– Nga kandidatët e regjistruar në shkallë vendi për kryebashkiakë vetëm 15 prej tyre janë femra.
– Të regjistruar në listat e votuesve figurojnë 3.382.295 zgjedhës
– Ditën e votimeve do të funksionojnë 5299 qendra votimi.
– Dokumenti që do të përdoret nga zgjedhësit ditën e zgjedhjeve është pasaporta biometrike ose letërnjoftimi elektronik.
– 90 Komisione Zonale të Administrimit Zgjedhor do të administrojnë procesin
– Në total janë prodhuar 6.876.366 fletë votimi, ku 3.437.683 janë fletë votimi për kryetarët e bashkive, ndërsa
3.438.683 të tjera janë për anëtarët e këshillave bashkiakë.
– Në zgjedhjet e këtij viti janë mbi 143 mijë të rinj që do të votojnë për herë të parë.
https://www.youtube.com/watch?v=bdz7H0ttQFA
Një tjetër cikël fotosh nga jeta në Tiranë, na vjen nga Kreshnik Gjoleka në kuadër të Konkursit të Fotografisë “Historia Ime”.
Për të marrë pjesë në konkurs, dërgojini fotot në adresën e emailit [email protected] në formën e mëposhtme:
Emër:
Mbiemër:
Qyteti:
Titulli i fotos:
Për tu informuar më shumë rreth konkursit, ju ftojmë të lexoni këtu.
Rrufe horizontale mbi Tiranë
Rrufe mbi Tiranë
Shi bie ne Tiranë
Vetëvrasja – Një zgjidhje e përhershme e problemeve të përkohshme
Gjykata për Krimet e Rënda po gjykon një person të akuzuar për një histori shfrytëzimi prostitucioni në kufijtë e të pabesueshmes. I pandehuri Mark Vathaj dyshohet të jetë autor i shfrytëzimit me dhunë si prostitutë për disa muaj i kushërirës së tij të parë në Shqipëri, Itali dhe Zvicër.
Sikur të mos mjaftonte shfrytëzimi, sipas Prokurorisë për Krimet e Rënda, i akuzuari dyshohet se gjatë kësaj kohe e ka dhunuar fizikisht dhe seksualisht të afërmen e tij, duke e lënë tetë herë shtatzënë dhe detyruar më pas të abortonte. Sipas Prokurorisë, gjatë gjithë kohës ai ka kërcënuar me jetë vetë të dëmtuarën dhe familjen e saj.
HISTORIA
Nga hetimi ka rezultuar se historia e shfrytëzimit ka nisur pak ditë pasi vëllai i të dëmtuarës kishte ndërruar jetë në rrethana të dyshimta në zonën e Lezhës. Gjatë kohës që prindërit e saj kishin hapur dyert e mortit për vdekjen e djalit të tyre, i pandehuri Mark Vathaj ka shkuar dhe ka marrë kushërirën e tij, kushërirë e parë, me pretendimin se do të shkonin të merreshin me procedurat e çregjistrimit nga gjendja civile të vëllait të saj të ndjerë. Sipas Prokurorisë, nga ai moment ai nuk e ka kthyer më kushërirën në shtëpi për rreth gjashtë muaj.
SHFRYTËZIMI
Gjatë kësaj kohe, në vitin 2013 dhe 2014, i pandehuri, me anën e forcës dhe kërcënimeve për vrasjen e familjarëve, e ka shfrytëzuar të dëmtuarën për qëllime prostitucioni. Fillimisht ai e ka shfrytëzuar të dëmtuarën në zonën e Shëngjinit. Për çdo klient që kryente marrëdhënie intime me të, i pandehuri Vathaj merrte 5 mijë lekë të rinj. Këto para i mbante të gjitha i pandehuri. Sipas hetimit, rezulton se në Lezhë ka pasur raste kur e dëmtuara ka kryer 4 5 herë raporte seksuale me klientë të ndryshëm në natë.
SHFRYTËZIMI JASHTË VENDIT
Referuar të dhënave të siguruara nga hetimi i këtij rasti, pasi kanë qëndruar për disa muaj në Shëngjin, i pandehuri, gjithnjë nëpërmjet kërcënimeve, e ka detyruar të dëmtuarën që të shkojnë së bashku në Itali. Pasi kanë mbërritur në këtë vend, ata kanë qëndruar në një hotel të dorës së dytë. Gjatë kësaj periudhe, e dëmtuara është detyruar të punojë çdo natë me klientë të ndryshëm. Sipas Prokurorisë, ka pasur raste që e dëmtuara ka kryer deri në 8 herë raporte seksuale në natë. Për çdo raport seksual me të dëmtuarën, i akuzuari merrte 50 euro për person.
Pas një qëndrimi disajavor në Itali, i pandehuri ka krijuar bindjen të ndërronin sërish shtet. Sipas Prokurorisë, i pandehuri Vathaj e ka detyruar të dëmtuarën që të niseshin drejt Zvicrës. Në këtë shtet ata kanë qëndruar në një shtëpi me qira në qytetin e Lucernës. Qëndrimi i të pandehurit dhe kushërirës së tij të dëmtuar në këtë vend ka zgjatur rreth 2 muaj. Gjatë gjithë kësaj kohe ai ka ushtruar presion dhe dhunë ndaj të dëmtuarës, duke e detyruar atë të prostituojë.
Ashtu si më herët, të gjitha paratë e fituara nga puna e saj në rrugë përvetësoheshin nga i pandehuri. Referuar të dhënave të hetimit, ka rezultuar se gjatë qëndrimit në Zvicër, për çdo raport seksual e dëmtuara është paguar me nga 100 franga nga ana e klientëve.
TETE HERË SHTATZËNË
Sipas konkluzioneve të akuzës, përveç dhunës fizike, i pandehuri Vathaj nuk ka kursyer edhe dhunën seksuale ndaj të afërmes së tij. Kështu, në një nga këto raporte, e dëmtuara ka mbetur shtatzënë. Pikërisht ky ka qenë shkaku që, pas dy muajsh qëndrim në Zvicër, Vathaj ka kthyer në Shqipëri të dëmtuarën me qëllim ndërprerjen e shtatzënisë.
Pas kthimit në Shqipëri, e detyruar nga i pandehuri ajo ka abortuar fetusin në trupin e saj. Në vijim, ajo është kërcënuar prej të pandehurit për të vijuar ushtrimin e prostitucionit. Sipas Prokurorisë, kjo ka qenë vetëm një nga shtatzënitë, pasi në total dyshohet se e dëmtuara ka mbetur tetë herë shtatzënë nga dhuna seksuale e kushëririt të saj.
“Gjatë gjykimit rezultoi e provuar se e dëmtuara, veç të tjerave, është detyruar të abortojë 8 herë, për shkak të shtatzënive me të akuzuarin, i cili kryente marrëdhënie seksuale me dhunë pa masa mbrojtëse, ndërsa me klientët e tjerë ka kryer raporte seksuale gjithnjë me masa mbrojtëse”, thuhej në dosjen e organit të akuzës.
KËRCËNIMET
Pas kthimit në Shqipëri, e dëmtuara u ka treguar familjarëve të saj mbi gjithçka që i kishte ndodhur. Vënia në dijeni e familjes së të afërmve të tij nuk e ka cenuar qëllimin e të pandehurit. Sipas Prokurorisë, ai i ka kërcënuar se, nëse nuk e lejonin vajzën e tyre të vijojë “bashkëpunimin” me të, do t’i vriste të gjithë.
“Ka pasur raste kur i pandehuri, në sy të motrës së mitur (nën 18 vjeç) të së dëmtuarës, e ka detyruar të kryejë marrëdhënie seksuale”, thuhej në dosjen e Prokurorisë. Familja e të dëmtuarës ka qenë gjatë gjithë kohës nën presionin dhe kërcënimin e të pandehurit.
Përpos këtij fakti, e ëma e vajzës së trafikuar ka bërë një kallëzim në polici në vitin 2014. Por, sipas Prokurorisë, të gjendur nën presionin e një hakmarrjeje të të akuzuarit, ajo është detyruar të tërheqë kallëzimin për kanosje. Pas tërheqjes së saj, i pandehuri, pas një muaji qëndrim në qeli ka fituar lirinë. Edhe pasi doli nga paraburgimi, i pandehuri Mark Vathaj vijoi të kërcënonte vajzën dhe familjen e saj, me qëllimin për ta marrë sërish të ushtronte prostitucion. /Panorama.com.al
Dylan Roof u arrestua si i dyshuari kryesor për vrasjen e 9 personave në një kishë në Charleston.
Ai kishte muaj që e planifikonte këtë sulm ksenofob.
Roof, në delirin e tij racist, tregon se ishte i bindur që Amerika kishte rënë në dorën e njerëzve me ngjyrë, atyre që përdhunonin gratë e bardha.
Dylan Roof lindi më 3 prill 1994.
Shkllën e kreu në gjimnazin “Ëhite Knoll”, një shkollë e cila thotë se misioni i saj është të diplomojë studentë “që posedojnë qëndrimin dhe karakterin e nevojshëm për të qenë qytetarë produktiv”.
Shumë nga miqtë e tij në Facebook ishin me ngjyrë. Ai jetonte me nënën e tij në shtetin e Columbias.
Xhaxhai i tij, Carson Coëels jetonte gjithashtu në Columbia.
Një ish- shok i tij i klasës tha se Roof “ përdorte droga shumë të rënda” dhe ishte i interesuar në historinë e Konfederatës Jugore.
“Ai bënte shumë batuta raciste, por askush nuk ja merrte seriozisht”, ka thënë shoku i tij John Mullins.
Jeta e Dylan Roof
Ai u arrestua për shkelje të pronës private në 26 prill të këtij viti, por nuk u dënua për këtë akt.
Roof u dënua me burg më 1 Mars, nën akuzat për përdorim droge.
Xhaxhai i tij, Carson Coëels, ka thënë për Reuters se nipi i tij ishte një fëmijë i qetë dhe i urtë.
Roof mori një pistoletë si dhuratë për ditëlindjen e tij të 21-të, dhe mendohet se e ka përdorur atë në masakrën që kreu në kishë.
Ideologjia e Dylan Roof
Fotografitë e tij tregojnë një interes të fortë për idelogjitë e ekstremit të djathrë, pavarsisht nga venddodhja e tyre gjeografike.
Në foton e tij të profilit në Facebook, ai duket se ka veshur një xhaketë me flamujt e periudhës së aparteidit në Afrikën e Jugut, dhe Rodhezisë ku drejton minoriteti i bardhë.
Nga Dorina Pojani
Ndërsa kryeqyteti shqiptar zgjeron rrugët për të lehtësuar qarkullimin e automjeteve dhe policia jonë rrugore mbyll sytë para makinave të parkuara falas mbi korsitë e bicikletave apo trotuaret publike, shumë qytete evropiane janë duke bërë të kundërtën: po krijojnë mjedise haptazi armiqësore për makinat. Metodat e përdorura ndryshojnë nga qyteti në qytet, por misioni i përbashkët është i qartë – përdoruesit e automjeteve duhet të paguajnë shtrenjtë (në kuptim të drejtpërdrejtë dhe figurativ) që të binden për të përdorur forma transporti më miqësore ndaj mjedisit.
Motoja evropiane sot është: “T’i bëjmë qytetet më të jetueshme për njerëzit, t’i çlirojmë qytetet nga makinat!” Këmbësori dhe çiklisti ka më shumë vlerë se makina në Evropë. Vjena dhe Kopenhageni i kanë kthyer qendrat në zona të gjera këmbësore. Barcelona dhe Parisi kanë reduktuar korsitë e automjeteve në favor të korsive të suksesshme për biçikleta. Shoferët në Londër dhe Stokholm paguajnë tarifa të kripura për të patur akses në zemër të qytetit. Gjatë dy viteve të fundit, dhjetra qytete gjermane janë bashkuar në një rrjet kombëtar “zonash mjedisore”, ku mund të hyjnë vetëm biçikletat dhe automjetet jo-ndotëse (p.sh. ato elektrike ose hibride).
Këto ndërhyrje përparimtare janë një risi për kontinentin. Dikur, e varfëruar dhe e lodhur nga lufta, edhe Evropa Perëndimore ndiqte një trajektore të njëjtë me Shqipërinë e sotme, me shumë njerëz të etur për makina private. Por dekada e fundit ka shënuar një ndryshim të ndërgjegjshëm në mendësinë e popullsisë dhe në politikat urbane të Evropës. Në shumë raste janë nevojitur masa ekstreme për të shkëputur njerëzit nga makinat e tyre – përmirësimi i transportit publik dhe rruget e bicikletave kanë qenë një hap i parë vendimtar. Efekti është i dukshëm tashmë. Në përgjithësi, qytetet e Evropës kanë patur arsye të forta për të ndryshuar qëndrim. Shumica të ndërtuara para mbërritjes së makinave, rrugët e tyra janë të ngushta dhe të paafta për të përballuar trafik të rëndë, ngjashëm me rrugët e Tiranës.
Transporti publik është përgjithësisht cilësor dhe karburanti shpesh kushton mbi €1.5/l duke shtuar së tepërmi shpenzimet e makinës. Për më tepër, pa pakësuar përdorimin e automjeteve, vendet e Bashkimit Evropian nuk mund të plotësojnë angazhimet e marra në Protokollin e Kiotos për uljen e ndotjes së ajrit (dioksidit të karbonit). Edhe Shqipëria e ka ratifikuar këtë pakt, por mjedisi është ende larg axhendës politike dhe shqetësimeve të përditshme të banorëve.
Qytetet evropiane gjithashtu kanë kuptuar se, n.q.s. lejojnë makinat të mbretërojnë, nuk do të mund të plotësojnë normat gjithnjë e më të rrepta të Organizatës Botërore të Shëndetit për ndotjen e ajrit. Tirana ka nivele grimcash të ngurta në ajër, shumë të dëmshme për mushkëritë, disa herë mbi normën e rekomanduar nga OBSH-ja dhe mesatarene qyteteve evropiano-perëndimore. Ky fakt këtu anashkalohet si diçka pa rëndësi përballë problemeve të tjera të vendit.
Urbanistët evropianë në përgjithësi janë në një mendje se një rritje e përdorimit të makinave në zona urbane nuk është e dëshirueshme askund – aq më pak në qytete si Tirana ku familjet me automjete nuk përbëjnë shumicën. Mirëplanifikimi urban mund të sjellë ndryshime të vlefshme kulturore. Nga ana tjetër, zbatimi i politikave urbane përparimtare kërkon vullnet politik, frymë komunitare, dhe besim tek qeverisja vendore, karakteristika këto që i mungojnë – dhe jo pa arsye – popullsisë individualiste të Tiranës së sotme. Por, duhet të kuptojmë se rikompozimi i qytetit në bazë të parimeve “anti-makinë” dhe “pro-njeriut” është jo vetëm i pranueshëm sot, por do të përbëjë një çlirim të vërtetë fizik dhe mendor nga pushtimi i automjeteve.
Përgjatë këtyre ditëve, agjencia e lajmeve “Deutsche Welle” i ka kushtuar disa artikuj rrezikut që i kanoset Ballkanit prej xhihadistëve, por më i fundit prej tyre analizon mundësinë e një kthimi të rajonit në portë sulmi për ISIS.
Historia ballkanike e 100vjeçarit të fundit është një kronologji e vetme e shtypjes së myslimanëve, citohet të kenë thënë eksponentë të lartë të grupit më të dhunshëm ekstremist të momentit.
Sipas tyre, rrugëdalja e vetme në luftën kundër komunistëve, të ashtuquajturve “kryqëzorë” ose “hebrej”, vetëkuptohet që është xhihadi.
Në një video të prodhuar me kujdes, myslimanëve të BosnjëHercegovinës, Serbisë, Kosovës, Shqipërisë dhe Maqedonisë u bëhet thirrje të vrasin fqinjin “e pafe”.
“Vendosni lëndë shpërthyese nën automjetet dhe shtëpitë e tyre. Hidhni helm në ushqimin e tyre, lërini të ngordhin”, thërriste një i ri me mjekër në gjuhën boshnjake.
Terroristëve në video madje u kishin vënë edhe nofka, të cilat kanë të bëjnë me origjinën e tyre si: AlBosni, AlAlbani, AlKosovi.
Por, paralajmërimet e tyre janë teprime apo realiste? – shtron pyetjen “DW”. Për çdo rast, një objektiv të parë propaganda e Shtetit Islamik e arriti. Për ditë të tëra, mediat rajonale raportuan të gjitha se ISIS e ka vendosur Ballkanin në shënjestër.
Të tilla raportime kritikohen nga eksperti boshnjak i terrorizmit, Vlado Azinoviç, i cili pretendon se ato janë të dobishme për ekstremistët.
“Vetëm në Twitter, ISIS publikon çdo javë mbi 200 mijë lajme të shkurtra. Të gjitha përmbajnë kërcënime të tilla në gjuhë të ndryshme. Prandaj është gabim të besosh se ISIS e ka mendjen thjesht në Ballkan”, citohet ai.
Teorinë se pikërisht Ballkani paraqet një portë invazioni për xhihadistët, eksperti i terrorizmit e shikon si produkt mediatik dhe shprehje të “histerisë”.
Raporti më i fundit i Bankës Botërore lidhur me Moshën e plakjes, tregon se Shqipëria konsiderohet si një ndër shoqëritë që mosha e plakjes është rritur. Sipas të gjithë komponentëve si rritja e moshës së plakjes, ulja e fertilitetit, norma e pabarazisë për pagesa mes moshave, shpenzimet në rritje për moshën, rritja e emigrantëve në vendet e tjera, e rendit vendin tonë si i 3-ti në Evropë, pas Moldavisë dhe Bosnje Hercegovines, për përkeqësimin e këtyre elementeve…
Rritja e moshës së plakjes ka ndodhur për disa arsye kryesore, sipas raportit të BB:
– Ulja drastike e fertilitetit. Vendi ynë brenda 34 vitesh ka normën e fertilitetit 1.5 nga mbi 5 fëmijë për grua, rënie e cila “tremb” të gjitha parashikimet.
– Emigracioni luan rol të rëndësishëm në balancimin e moshës së plakjes, duke konsideruar që pjesa më e madhe e emigrantëve janë të rinj (mesatarisht). Por, kjo nuk ndodh me vendin tonë, ne nuk jemi vend “pritës” i emigrantëve, përkundrazi, popullsia jonë është reduktuar për shkak të këtij fenomeni.
– Rritja e moshës së plakjes rrit shpenzimet për pensione dhe kujdese mjekësore. Sipas këtij raporti, shpenzimet e kujdesit shëndetësor kanë të ngjarë të rriten më shpejt me përmirësimin e teknologjisë mjekesore që do sjellë rritje kostosh.
Emigracioni dhe plakja
Potencialisht, emigracioni mund të zbusë, edhe pse jo të kompensojë, plakjen në shoqëri, pasi emigrantët janë kryesisht të rinj. Megjithatë, në shumë vende (për shembull, si Shqipëria, Armenia, vendet baltike, Bullgaria, Gjeorgjia, Republika e Kirgistanit, ish-Republika Jugosllave e Maqedonisë, dhe Moldavia), emigrimi ka trende negative demografike. Ndërsa të gjitha këto çrregullime të tranzicionit demografik paraqesin plakjen në një shkallë relativisht më serioze krahasuar me rajonet e tjera, Evropa dhe Azia Qendrore ka qenë e jashtëzakonshme, sepse plakja ka qenë e nxitur nga rënia e shkallës së fertilitetit, më shumë se sa nga ulja e moshës së vdekshmërisë, situatë e cila duket se vlen edhe për vendin tonë.
Raporti tregon se jetëgjatësia është rritur pak në disa vende, dhe shkalla e vdekshmërisë në grupmoshat më të vjetra janë rritur edhe në dekadat e fundit. Sipas tabelës, Shqipëria ka një rritje të moshës mesatare jetësore në vitet e fundit, por njëkohësisht ulja e normës së fertilitetit e bën këtë thuajse të papërfillshme.
Zhvillimi ekonomik, çfarë sjell plakja?
Nga një perspektivë demografike, a është plakja një perspektivë ekonomike, për të sjellë një zhvillim shumë pozitiv, me mundësi premtuese? Raporti i Bankës Botërore tregon se Shoqëritë e plakjes janë seriozisht të shqetësuara në lidhje me ngadalësimin e rritjes ekonomike, me rritjen e shpenzimeve të kujdesit shëndetësor për të moshuarit, sistemet e pensioneve të falimentuara, pabarazi të mëdha në mesin e njerëzve të vjetër, si dhe mungesa e dinamizmit në tregun e punës. Të rinjtë, popullata me rritje të shpejtë, kanë qenë tejet të suksesshëm në gjenerimin e rritjes së lartë të produktit të brendshëm bruto (PBB) në dekadat e fundit.
Fertiliteti, rënie drastike në Shqipëri
Shkalla e përgjithshme e fertilitetit ka rënë në shumë vende të rajonit , sidomos në Shqipëri. Ndërsa koha, intensiteti, dhe këmbëngulja e rënies së fertilitetit ndryshojnë, në shumë vende rënia ka qenë dramatike dhe ka ndodhur shpejt. Për shembull, kalimi nga një normë mesatare fertilitetit prej më shumë se pesë fëmijë për grua i mori dy shekuj Francës, por vetëm 34 vite vendit tonë. Aktualisht, në Shqipëri norma e fertilitetit është nga mbi 5 ka shkuar në 1.5 fëmijë. Sipas tabelës, vendi ynë renditet i pari në Evropë me rënie kaq të theksuar, ndjekur më pas nga Armenia dhe Maqedonia.
Plakja dhe varfëria
Ndër shoqëritë e vjetra, ata me sistem progresiv të pensioneve, të tilla si Shqipëria, Armenia, Bjellorusia, Bosnja dhe Hercegovina, Gjeorgjia, Hungaria, Maqedonia, Moldavia dhe Rusia, kanë një rrezik më të ulët të rritjes së pabarazisë. Raporti shton se primet e tyre të pagave nuk ndryshojnë shumë në mesin e punëtorëve të rinj dhe atyre të vjetër. Vendet me sistemet më pak progresive të pensioneve do të ketë një rrezik më të lartë të rritjes së pabarazisë. Këto janë Kroacia, Republika Çeke, Estonia, Mali i Zi, Polonia, Serbia, Republika Sllovake, Sllovenia, dhe Ukraina. Këto trende, sipas raportit, janë të rëndësishme për t’u marrë në konsideratë, pasi ata mund të ulin pabarazinë mes grupeve më të vjetra në moshë, e cila pastaj mund të kalojë në brezat e rinj. Sipas raportit, Shqipëria e ka nivelin e varfërisë 47.5 %, nivel i lartë në rajon.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
