Shtatë vende anëtarë të BE i kanë bërë thirrje Komisionit Evropian të përpunojë deri në janar 2020 propozime konkrete për mënyra për të përmirësuar efektivitetin e procesit të pranimit, si një instrument për të mbështetur reformat dhe përpjekjet e integrimit në rajon.
Në një letër drejtuar presidentit të KE-së Jean Claude Juncker, këto vende theksojnë se pa pranimin e vendeve të Ballkanit Perëndimor, duke përmendur arritjet e e Maqedonisë së Veriut dhe Shqipërisë Evropa nuk do ishte e plotë.
Nuk ka dyshime thuhet në letër, se stabiliteti dhe siguria dhe progresi i reformave në rajon arrihet më mirë përmes integrimit në BE. Më tej këto vende shprehin mbështetjen e tyre për ecurinë e procesit të hapjes së negociatave për vendet e Ballkanit Perëndimor.
Letra është shkruar nga ministrat e Jashtëm të shtatë vendeve të BE, përkatësisht Austrisë, Kroacisë, Çekisë, Italisë, Polonisë, Sllovakisë dhe Sllovenisë.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.