Bashkimi Europian vendosi sot heqjen e Shqipërisë, së bashku me gjashtë vende të tjera të botës, nga “lista gri” e vendeve të konsideruara si parajsa fiskale.
Këshilli Europian ra sot dakord për heqjen e Emirateve të Bashkuara Arabe dhe Ishujt Marshall nga lista e BE-së për vendet jobashkëpunuese në çështje fiskale.
Në një deklaratë për shtyp, ministrat e Financave të bllokut të BE-së, thanë se Shqipëria, Kosta-Rika, Mauriciusi, Serbia dhe Zvicra kanë përmbushur angazhimet lidhur me bashkëpunimin për taksat.
“Shqipëria, Kosta-Rika, Mauriciusi, Serbia dhe Zvicra kanë zbatuar përpara afatit të gjitha reformat e nevojshme për të përmbushur politikën e qeverisjes së mirë për taksat sipas standardeve të BE-së”, thuhej në deklaratën për shtyp të krerëve të financave të bllokut.
“Lista gri” e BE-së është pjesë e përpjekjeve të vazhdueshme të bllokut për të parandaluar fenomene si shmangia e taksave, nxitja e parimeve të mirëqeverisjes si transparenca, taksimi i ndershëm, apo standardet ndërkombëtare kundër gërryerjes së bazës së taksimit dhe fshehjes së fitimit. / ATSH
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.