Dhjetëra mijëra vetë në paradën e Stokholmit. I gjithë qyteti në festë

Kristi Pinderi Posted On 01/08/2015

Disa dhjetëra mijëra vetë marshuan sot në rrugët e Stokholmit gjatë paradës së komunitetit LGBTI.

Në këtë event marrin pjesë edhe aktivistë nga Shqipëria të mbështetur nga Civil Rights Defenders. Erjon Tela raporton nga Suedia për “Historia Ime” se i gjithë qyteti “ngjante si në një festë madhështore”.

Ashtu sic mund të shikohet nga këto foto, në paradë marrin pjesë njerëz nga mosha dhe prejardhje të ndryshme, përfshirë edhe fëmijë me prindërit e tyre.

Kjo është një ndër paradat më të mëdha në të gjithë Europën dhe ajo është përshëndetur nga politikanë të të gjitha krahëve.

Gjatë gjithë javës janë zhvilluar koncerte të ndryshme dhe aktivitete edukuese ku kanë marrë pjesë mijëra njerëz.

Foto për “Historia Ime” nga Erjon Tela

- Advertisement -

Author

Kristi Pinderi

Mbrojtës i palodhur për të drejtat e LGBT+ është bashkëthemelues i ProLGBT dhe I Aleancës Kundër Diskriminimit, të dyja organizatat kryesore për mbrojtjen e personave LGBT+ në Shqipëri. Në dhjetor të 2014 ai ishte ndër themeluesit e STREHA, shelterit të parë për personat LGBT+ në të gjithë Europën Juglindore. Kristi ka kryer studimetbachelor për Histori dhe Arkeologji në Universitetin e Tiranës dhe ka kryer edhe një sezon kërkimor në fushën e komunikimit të trashëgimisë kulturore në Universitetin e Bolonjës. Karrierën e ka filluar në vitin 2000 si gazetar dhe ka një përvojë të gjate në gazetari, duke qenë se ka punuar si gazetar dhe drejtues për media të rëndësishme si Kult, ATSH, Mapo, Shekulli, etj. Ka qenë gjithashtu Drejtor i Komunikimit të Lëvizjes MJAFT! dhe ka qenë I përfshirë në draftimin dhe implementimin e shumë fushatave mediatike kombëtare dhe ndërkombëtare mediatike, sidomos në lidhje me të drejtat e njeriut. Nga viti 2017 jeton me partnerin e tij në Kanada ku punon për organizatën Community Builders Group, në një projekt pilot strehimi për personat vulnerabël ne Vankuver. Ai vazhdon të angazhohet në aktivizëm për të drejtat e LGBT+ në Kanada ku kontribuon me shkrime per Daily Xtra ndërsa ndjek me vëmendje ecurinë e lëvizjes në Shqipëri, ku është anëtar i Bordit të Drejtorëve të Pro LGBT.