Data e sotme shënjon Ditën Ndërkombëtare kundër dhunës ndaj gazetarëve. UNESCO raporton se midis viteve 2006 dhe 2017 rreth 1.000 gazetarë janë vrarë për shkak të investigimeve që kanë bërë, ose e përkthyer ndryshe: një gazetar vritet çdo 4 ditë.
Mesatarisht nga 10 rastet e vrasjeve, në 9 prej tyre agresori/ vrasësi nuk procedohet penalisht, shprehen ekspertët e OKB. Duke parë e reflektuar mbi gjendjen alarmante, një rezolutë e posaçme për këtë problem është hartuar. Rezoluta garanton sigurinë e gazetarëve dhe është miratuar nga Këshilli për të Drejtat e Njeriut në shtator. Ekspertët pranë OKB i bëjnë apel liderëve botërorë që të implementojnë këtë rezolutë dhe të moderojnë gjuhën e tyre kundrejt medias.
Në kuadër të kësaj dite, UNESCO ka publikuar një fushatë nën sloganin “TruthNeverDies”, për të ndërgjegjësuar rreth situatës si dhe i bën apel partnerëve në fushën e medias për të publikuar punimet investigative të të gjithë gazetarëve të vrarë.
Këtu mund të gjeni dhe një manual të publikuar nga UNESCO për mediat rreth sigurisë së gazetarëve./k.m/
Burimi: UN News
Trending Now
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.