Një tjetër cikël fotosh nga jeta në Tiranë, na vjen nga Kreshnik Gjoleka në kuadër të Konkursit të Fotografisë “Historia Ime”.
Për të marrë pjesë në konkurs, dërgojini fotot në adresën e emailit [email protected] në formën e mëposhtme:
Emër:
Mbiemër:
Qyteti:
Titulli i fotos:
Për tu informuar më shumë rreth konkursit, ju ftojmë të lexoni këtu.
Rrufe horizontale mbi Tiranë
Rrufe mbi Tiranë
Shi bie ne Tiranë
Vetëvrasja – Një zgjidhje e përhershme e problemeve të përkohshme
Gjykata për Krimet e Rënda po gjykon një person të akuzuar për një histori shfrytëzimi prostitucioni në kufijtë e të pabesueshmes. I pandehuri Mark Vathaj dyshohet të jetë autor i shfrytëzimit me dhunë si prostitutë për disa muaj i kushërirës së tij të parë në Shqipëri, Itali dhe Zvicër.
Sikur të mos mjaftonte shfrytëzimi, sipas Prokurorisë për Krimet e Rënda, i akuzuari dyshohet se gjatë kësaj kohe e ka dhunuar fizikisht dhe seksualisht të afërmen e tij, duke e lënë tetë herë shtatzënë dhe detyruar më pas të abortonte. Sipas Prokurorisë, gjatë gjithë kohës ai ka kërcënuar me jetë vetë të dëmtuarën dhe familjen e saj.
HISTORIA
Nga hetimi ka rezultuar se historia e shfrytëzimit ka nisur pak ditë pasi vëllai i të dëmtuarës kishte ndërruar jetë në rrethana të dyshimta në zonën e Lezhës. Gjatë kohës që prindërit e saj kishin hapur dyert e mortit për vdekjen e djalit të tyre, i pandehuri Mark Vathaj ka shkuar dhe ka marrë kushërirën e tij, kushërirë e parë, me pretendimin se do të shkonin të merreshin me procedurat e çregjistrimit nga gjendja civile të vëllait të saj të ndjerë. Sipas Prokurorisë, nga ai moment ai nuk e ka kthyer më kushërirën në shtëpi për rreth gjashtë muaj.
SHFRYTËZIMI
Gjatë kësaj kohe, në vitin 2013 dhe 2014, i pandehuri, me anën e forcës dhe kërcënimeve për vrasjen e familjarëve, e ka shfrytëzuar të dëmtuarën për qëllime prostitucioni. Fillimisht ai e ka shfrytëzuar të dëmtuarën në zonën e Shëngjinit. Për çdo klient që kryente marrëdhënie intime me të, i pandehuri Vathaj merrte 5 mijë lekë të rinj. Këto para i mbante të gjitha i pandehuri. Sipas hetimit, rezulton se në Lezhë ka pasur raste kur e dëmtuara ka kryer 4 5 herë raporte seksuale me klientë të ndryshëm në natë.
SHFRYTËZIMI JASHTË VENDIT
Referuar të dhënave të siguruara nga hetimi i këtij rasti, pasi kanë qëndruar për disa muaj në Shëngjin, i pandehuri, gjithnjë nëpërmjet kërcënimeve, e ka detyruar të dëmtuarën që të shkojnë së bashku në Itali. Pasi kanë mbërritur në këtë vend, ata kanë qëndruar në një hotel të dorës së dytë. Gjatë kësaj periudhe, e dëmtuara është detyruar të punojë çdo natë me klientë të ndryshëm. Sipas Prokurorisë, ka pasur raste që e dëmtuara ka kryer deri në 8 herë raporte seksuale në natë. Për çdo raport seksual me të dëmtuarën, i akuzuari merrte 50 euro për person.
Pas një qëndrimi disajavor në Itali, i pandehuri ka krijuar bindjen të ndërronin sërish shtet. Sipas Prokurorisë, i pandehuri Vathaj e ka detyruar të dëmtuarën që të niseshin drejt Zvicrës. Në këtë shtet ata kanë qëndruar në një shtëpi me qira në qytetin e Lucernës. Qëndrimi i të pandehurit dhe kushërirës së tij të dëmtuar në këtë vend ka zgjatur rreth 2 muaj. Gjatë gjithë kësaj kohe ai ka ushtruar presion dhe dhunë ndaj të dëmtuarës, duke e detyruar atë të prostituojë.
Ashtu si më herët, të gjitha paratë e fituara nga puna e saj në rrugë përvetësoheshin nga i pandehuri. Referuar të dhënave të hetimit, ka rezultuar se gjatë qëndrimit në Zvicër, për çdo raport seksual e dëmtuara është paguar me nga 100 franga nga ana e klientëve.
TETE HERË SHTATZËNË
Sipas konkluzioneve të akuzës, përveç dhunës fizike, i pandehuri Vathaj nuk ka kursyer edhe dhunën seksuale ndaj të afërmes së tij. Kështu, në një nga këto raporte, e dëmtuara ka mbetur shtatzënë. Pikërisht ky ka qenë shkaku që, pas dy muajsh qëndrim në Zvicër, Vathaj ka kthyer në Shqipëri të dëmtuarën me qëllim ndërprerjen e shtatzënisë.
Pas kthimit në Shqipëri, e detyruar nga i pandehuri ajo ka abortuar fetusin në trupin e saj. Në vijim, ajo është kërcënuar prej të pandehurit për të vijuar ushtrimin e prostitucionit. Sipas Prokurorisë, kjo ka qenë vetëm një nga shtatzënitë, pasi në total dyshohet se e dëmtuara ka mbetur tetë herë shtatzënë nga dhuna seksuale e kushëririt të saj.
“Gjatë gjykimit rezultoi e provuar se e dëmtuara, veç të tjerave, është detyruar të abortojë 8 herë, për shkak të shtatzënive me të akuzuarin, i cili kryente marrëdhënie seksuale me dhunë pa masa mbrojtëse, ndërsa me klientët e tjerë ka kryer raporte seksuale gjithnjë me masa mbrojtëse”, thuhej në dosjen e organit të akuzës.
KËRCËNIMET
Pas kthimit në Shqipëri, e dëmtuara u ka treguar familjarëve të saj mbi gjithçka që i kishte ndodhur. Vënia në dijeni e familjes së të afërmve të tij nuk e ka cenuar qëllimin e të pandehurit. Sipas Prokurorisë, ai i ka kërcënuar se, nëse nuk e lejonin vajzën e tyre të vijojë “bashkëpunimin” me të, do t’i vriste të gjithë.
“Ka pasur raste kur i pandehuri, në sy të motrës së mitur (nën 18 vjeç) të së dëmtuarës, e ka detyruar të kryejë marrëdhënie seksuale”, thuhej në dosjen e Prokurorisë. Familja e të dëmtuarës ka qenë gjatë gjithë kohës nën presionin dhe kërcënimin e të pandehurit.
Përpos këtij fakti, e ëma e vajzës së trafikuar ka bërë një kallëzim në polici në vitin 2014. Por, sipas Prokurorisë, të gjendur nën presionin e një hakmarrjeje të të akuzuarit, ajo është detyruar të tërheqë kallëzimin për kanosje. Pas tërheqjes së saj, i pandehuri, pas një muaji qëndrim në qeli ka fituar lirinë. Edhe pasi doli nga paraburgimi, i pandehuri Mark Vathaj vijoi të kërcënonte vajzën dhe familjen e saj, me qëllimin për ta marrë sërish të ushtronte prostitucion. /Panorama.com.al
Dylan Roof u arrestua si i dyshuari kryesor për vrasjen e 9 personave në një kishë në Charleston.
Ai kishte muaj që e planifikonte këtë sulm ksenofob.
Roof, në delirin e tij racist, tregon se ishte i bindur që Amerika kishte rënë në dorën e njerëzve me ngjyrë, atyre që përdhunonin gratë e bardha.
Dylan Roof lindi më 3 prill 1994.
Shkllën e kreu në gjimnazin “Ëhite Knoll”, një shkollë e cila thotë se misioni i saj është të diplomojë studentë “që posedojnë qëndrimin dhe karakterin e nevojshëm për të qenë qytetarë produktiv”.
Shumë nga miqtë e tij në Facebook ishin me ngjyrë. Ai jetonte me nënën e tij në shtetin e Columbias.
Xhaxhai i tij, Carson Coëels jetonte gjithashtu në Columbia.
Një ish- shok i tij i klasës tha se Roof “ përdorte droga shumë të rënda” dhe ishte i interesuar në historinë e Konfederatës Jugore.
“Ai bënte shumë batuta raciste, por askush nuk ja merrte seriozisht”, ka thënë shoku i tij John Mullins.
Jeta e Dylan Roof
Ai u arrestua për shkelje të pronës private në 26 prill të këtij viti, por nuk u dënua për këtë akt.
Roof u dënua me burg më 1 Mars, nën akuzat për përdorim droge.
Xhaxhai i tij, Carson Coëels, ka thënë për Reuters se nipi i tij ishte një fëmijë i qetë dhe i urtë.
Roof mori një pistoletë si dhuratë për ditëlindjen e tij të 21-të, dhe mendohet se e ka përdorur atë në masakrën që kreu në kishë.
Ideologjia e Dylan Roof
Fotografitë e tij tregojnë një interes të fortë për idelogjitë e ekstremit të djathrë, pavarsisht nga venddodhja e tyre gjeografike.
Në foton e tij të profilit në Facebook, ai duket se ka veshur një xhaketë me flamujt e periudhës së aparteidit në Afrikën e Jugut, dhe Rodhezisë ku drejton minoriteti i bardhë.
Nga Dorina Pojani
Ndërsa kryeqyteti shqiptar zgjeron rrugët për të lehtësuar qarkullimin e automjeteve dhe policia jonë rrugore mbyll sytë para makinave të parkuara falas mbi korsitë e bicikletave apo trotuaret publike, shumë qytete evropiane janë duke bërë të kundërtën: po krijojnë mjedise haptazi armiqësore për makinat. Metodat e përdorura ndryshojnë nga qyteti në qytet, por misioni i përbashkët është i qartë – përdoruesit e automjeteve duhet të paguajnë shtrenjtë (në kuptim të drejtpërdrejtë dhe figurativ) që të binden për të përdorur forma transporti më miqësore ndaj mjedisit.
Motoja evropiane sot është: “T’i bëjmë qytetet më të jetueshme për njerëzit, t’i çlirojmë qytetet nga makinat!” Këmbësori dhe çiklisti ka më shumë vlerë se makina në Evropë. Vjena dhe Kopenhageni i kanë kthyer qendrat në zona të gjera këmbësore. Barcelona dhe Parisi kanë reduktuar korsitë e automjeteve në favor të korsive të suksesshme për biçikleta. Shoferët në Londër dhe Stokholm paguajnë tarifa të kripura për të patur akses në zemër të qytetit. Gjatë dy viteve të fundit, dhjetra qytete gjermane janë bashkuar në një rrjet kombëtar “zonash mjedisore”, ku mund të hyjnë vetëm biçikletat dhe automjetet jo-ndotëse (p.sh. ato elektrike ose hibride).
Këto ndërhyrje përparimtare janë një risi për kontinentin. Dikur, e varfëruar dhe e lodhur nga lufta, edhe Evropa Perëndimore ndiqte një trajektore të njëjtë me Shqipërinë e sotme, me shumë njerëz të etur për makina private. Por dekada e fundit ka shënuar një ndryshim të ndërgjegjshëm në mendësinë e popullsisë dhe në politikat urbane të Evropës. Në shumë raste janë nevojitur masa ekstreme për të shkëputur njerëzit nga makinat e tyre – përmirësimi i transportit publik dhe rruget e bicikletave kanë qenë një hap i parë vendimtar. Efekti është i dukshëm tashmë. Në përgjithësi, qytetet e Evropës kanë patur arsye të forta për të ndryshuar qëndrim. Shumica të ndërtuara para mbërritjes së makinave, rrugët e tyra janë të ngushta dhe të paafta për të përballuar trafik të rëndë, ngjashëm me rrugët e Tiranës.
Transporti publik është përgjithësisht cilësor dhe karburanti shpesh kushton mbi €1.5/l duke shtuar së tepërmi shpenzimet e makinës. Për më tepër, pa pakësuar përdorimin e automjeteve, vendet e Bashkimit Evropian nuk mund të plotësojnë angazhimet e marra në Protokollin e Kiotos për uljen e ndotjes së ajrit (dioksidit të karbonit). Edhe Shqipëria e ka ratifikuar këtë pakt, por mjedisi është ende larg axhendës politike dhe shqetësimeve të përditshme të banorëve.
Qytetet evropiane gjithashtu kanë kuptuar se, n.q.s. lejojnë makinat të mbretërojnë, nuk do të mund të plotësojnë normat gjithnjë e më të rrepta të Organizatës Botërore të Shëndetit për ndotjen e ajrit. Tirana ka nivele grimcash të ngurta në ajër, shumë të dëmshme për mushkëritë, disa herë mbi normën e rekomanduar nga OBSH-ja dhe mesatarene qyteteve evropiano-perëndimore. Ky fakt këtu anashkalohet si diçka pa rëndësi përballë problemeve të tjera të vendit.
Urbanistët evropianë në përgjithësi janë në një mendje se një rritje e përdorimit të makinave në zona urbane nuk është e dëshirueshme askund – aq më pak në qytete si Tirana ku familjet me automjete nuk përbëjnë shumicën. Mirëplanifikimi urban mund të sjellë ndryshime të vlefshme kulturore. Nga ana tjetër, zbatimi i politikave urbane përparimtare kërkon vullnet politik, frymë komunitare, dhe besim tek qeverisja vendore, karakteristika këto që i mungojnë – dhe jo pa arsye – popullsisë individualiste të Tiranës së sotme. Por, duhet të kuptojmë se rikompozimi i qytetit në bazë të parimeve “anti-makinë” dhe “pro-njeriut” është jo vetëm i pranueshëm sot, por do të përbëjë një çlirim të vërtetë fizik dhe mendor nga pushtimi i automjeteve.
Lideri i AAK-së Ramush Haradinaj nga Lubjana ka thënë se janë 7 milionë shqiptarë në Ballkan gjë që duhet ta dijë edhe Sllovenia dhe ta ndalë talljen me shqiptarët, njofton Zëri.
Në një intervistë për RTK-në Haradinaj tha se kjo ‘lojë e ndytë’ duhet të ndalet menjëherë.
Ramush Haradinaj thotë se ka një tendencë në Ballkan të talljes me shqiptarët, por se po harrohet se janë 7 milionë të tillë.
“Është një lojë e ndytë e tyre, është një praktikë e talljes me shqiptarë e që duhet ta dinë të gjithë se edhe shqiptarët jemi 7 milionë në Ballkan e të paktën këta që kanë qenë në ish-Jugosllavi nuk mujnë me u tallë me ne”, tha Haradinaj.
Tha se ndalimi i tij është një lojë e ndytë e cila duhet të ndalet menjëherë.
“Është një lojë e ndytë e shtetit slloven, e autoriteteve të këtushme. Ata që po bëjnë lojë të ndytë le ta ndalin lojën e ndytë, qoftë autoritetet sllovene qoftë kushdo qoftë edhe në Kosovë në qoftë se është pjesë e kësaj loje të ndytë”, tha ai.
Haradinaj komentoi edhe rezolutën e nxjerr sot nga Kuvendi i Kosovës.
“Kuvendi ynë ka kry detyrën e vetë. Deputetët kanë kry detyrën e vetë. Për këto raporte Slloveni-Kosovë përgjegjësinë e mbanë Lubjana me veprimet e veta të paskrupullta që janë idioteske që thirret në një fletëarrestë të Interpolit të Beogradit”, tha Haradinaj.
Ai tha se nuk e di se kur do të kthehet në Kosovë.
“Kur të ma japin dokumentin e udhëtimit në bazë të procedurave vi në Kosovë”, tha Haradinaj.
Ish-inspektori në Këshillin e Lartë të Drejtësisë, Kudret Kapo, ka nisur dje një protestë të pazakontë para KLD-së, njofton gazeta DITA.
Siç mund ta shikoni në këtë foto ai është ngujuar që dje në mëngjes para hyrjes së godinës dhe nuk lëviz, pasi kërkon të kthehet në detyrë.
Kapo është shkarkuar nga detyra, por ai thotë se Gjykata Kushtetuese ka vendosur që të rikthehet në detyrë.
“Unë do të ri ditë e natë këtu. Më kanë poshtëruar dhe më kanë denigruar. Unë nuk vajta të godas apo shava njeri. Do ta ndjek këtë çështje deri në Strasburg”, thotë ai, i cituar nga DITA.
Por, KLD thotë se është dëmshpërblyer me 5.2 milion lekë deri në përfundimin e mandatit si inspector, në vitin 2012./DITA/k.p./
Përgjatë këtyre ditëve, agjencia e lajmeve “Deutsche Welle” i ka kushtuar disa artikuj rrezikut që i kanoset Ballkanit prej xhihadistëve, por më i fundit prej tyre analizon mundësinë e një kthimi të rajonit në portë sulmi për ISIS.
Historia ballkanike e 100vjeçarit të fundit është një kronologji e vetme e shtypjes së myslimanëve, citohet të kenë thënë eksponentë të lartë të grupit më të dhunshëm ekstremist të momentit.
Sipas tyre, rrugëdalja e vetme në luftën kundër komunistëve, të ashtuquajturve “kryqëzorë” ose “hebrej”, vetëkuptohet që është xhihadi.
Në një video të prodhuar me kujdes, myslimanëve të BosnjëHercegovinës, Serbisë, Kosovës, Shqipërisë dhe Maqedonisë u bëhet thirrje të vrasin fqinjin “e pafe”.
“Vendosni lëndë shpërthyese nën automjetet dhe shtëpitë e tyre. Hidhni helm në ushqimin e tyre, lërini të ngordhin”, thërriste një i ri me mjekër në gjuhën boshnjake.
Terroristëve në video madje u kishin vënë edhe nofka, të cilat kanë të bëjnë me origjinën e tyre si: AlBosni, AlAlbani, AlKosovi.
Por, paralajmërimet e tyre janë teprime apo realiste? – shtron pyetjen “DW”. Për çdo rast, një objektiv të parë propaganda e Shtetit Islamik e arriti. Për ditë të tëra, mediat rajonale raportuan të gjitha se ISIS e ka vendosur Ballkanin në shënjestër.
Të tilla raportime kritikohen nga eksperti boshnjak i terrorizmit, Vlado Azinoviç, i cili pretendon se ato janë të dobishme për ekstremistët.
“Vetëm në Twitter, ISIS publikon çdo javë mbi 200 mijë lajme të shkurtra. Të gjitha përmbajnë kërcënime të tilla në gjuhë të ndryshme. Prandaj është gabim të besosh se ISIS e ka mendjen thjesht në Ballkan”, citohet ai.
Teorinë se pikërisht Ballkani paraqet një portë invazioni për xhihadistët, eksperti i terrorizmit e shikon si produkt mediatik dhe shprehje të “histerisë”.
Raporti më i fundit i Bankës Botërore lidhur me Moshën e plakjes, tregon se Shqipëria konsiderohet si një ndër shoqëritë që mosha e plakjes është rritur. Sipas të gjithë komponentëve si rritja e moshës së plakjes, ulja e fertilitetit, norma e pabarazisë për pagesa mes moshave, shpenzimet në rritje për moshën, rritja e emigrantëve në vendet e tjera, e rendit vendin tonë si i 3-ti në Evropë, pas Moldavisë dhe Bosnje Hercegovines, për përkeqësimin e këtyre elementeve…
Rritja e moshës së plakjes ka ndodhur për disa arsye kryesore, sipas raportit të BB:
– Ulja drastike e fertilitetit. Vendi ynë brenda 34 vitesh ka normën e fertilitetit 1.5 nga mbi 5 fëmijë për grua, rënie e cila “tremb” të gjitha parashikimet.
– Emigracioni luan rol të rëndësishëm në balancimin e moshës së plakjes, duke konsideruar që pjesa më e madhe e emigrantëve janë të rinj (mesatarisht). Por, kjo nuk ndodh me vendin tonë, ne nuk jemi vend “pritës” i emigrantëve, përkundrazi, popullsia jonë është reduktuar për shkak të këtij fenomeni.
– Rritja e moshës së plakjes rrit shpenzimet për pensione dhe kujdese mjekësore. Sipas këtij raporti, shpenzimet e kujdesit shëndetësor kanë të ngjarë të rriten më shpejt me përmirësimin e teknologjisë mjekesore që do sjellë rritje kostosh.
Emigracioni dhe plakja
Potencialisht, emigracioni mund të zbusë, edhe pse jo të kompensojë, plakjen në shoqëri, pasi emigrantët janë kryesisht të rinj. Megjithatë, në shumë vende (për shembull, si Shqipëria, Armenia, vendet baltike, Bullgaria, Gjeorgjia, Republika e Kirgistanit, ish-Republika Jugosllave e Maqedonisë, dhe Moldavia), emigrimi ka trende negative demografike. Ndërsa të gjitha këto çrregullime të tranzicionit demografik paraqesin plakjen në një shkallë relativisht më serioze krahasuar me rajonet e tjera, Evropa dhe Azia Qendrore ka qenë e jashtëzakonshme, sepse plakja ka qenë e nxitur nga rënia e shkallës së fertilitetit, më shumë se sa nga ulja e moshës së vdekshmërisë, situatë e cila duket se vlen edhe për vendin tonë.
Raporti tregon se jetëgjatësia është rritur pak në disa vende, dhe shkalla e vdekshmërisë në grupmoshat më të vjetra janë rritur edhe në dekadat e fundit. Sipas tabelës, Shqipëria ka një rritje të moshës mesatare jetësore në vitet e fundit, por njëkohësisht ulja e normës së fertilitetit e bën këtë thuajse të papërfillshme.
Zhvillimi ekonomik, çfarë sjell plakja?
Nga një perspektivë demografike, a është plakja një perspektivë ekonomike, për të sjellë një zhvillim shumë pozitiv, me mundësi premtuese? Raporti i Bankës Botërore tregon se Shoqëritë e plakjes janë seriozisht të shqetësuara në lidhje me ngadalësimin e rritjes ekonomike, me rritjen e shpenzimeve të kujdesit shëndetësor për të moshuarit, sistemet e pensioneve të falimentuara, pabarazi të mëdha në mesin e njerëzve të vjetër, si dhe mungesa e dinamizmit në tregun e punës. Të rinjtë, popullata me rritje të shpejtë, kanë qenë tejet të suksesshëm në gjenerimin e rritjes së lartë të produktit të brendshëm bruto (PBB) në dekadat e fundit.
Fertiliteti, rënie drastike në Shqipëri
Shkalla e përgjithshme e fertilitetit ka rënë në shumë vende të rajonit , sidomos në Shqipëri. Ndërsa koha, intensiteti, dhe këmbëngulja e rënies së fertilitetit ndryshojnë, në shumë vende rënia ka qenë dramatike dhe ka ndodhur shpejt. Për shembull, kalimi nga një normë mesatare fertilitetit prej më shumë se pesë fëmijë për grua i mori dy shekuj Francës, por vetëm 34 vite vendit tonë. Aktualisht, në Shqipëri norma e fertilitetit është nga mbi 5 ka shkuar në 1.5 fëmijë. Sipas tabelës, vendi ynë renditet i pari në Evropë me rënie kaq të theksuar, ndjekur më pas nga Armenia dhe Maqedonia.
Plakja dhe varfëria
Ndër shoqëritë e vjetra, ata me sistem progresiv të pensioneve, të tilla si Shqipëria, Armenia, Bjellorusia, Bosnja dhe Hercegovina, Gjeorgjia, Hungaria, Maqedonia, Moldavia dhe Rusia, kanë një rrezik më të ulët të rritjes së pabarazisë. Raporti shton se primet e tyre të pagave nuk ndryshojnë shumë në mesin e punëtorëve të rinj dhe atyre të vjetër. Vendet me sistemet më pak progresive të pensioneve do të ketë një rrezik më të lartë të rritjes së pabarazisë. Këto janë Kroacia, Republika Çeke, Estonia, Mali i Zi, Polonia, Serbia, Republika Sllovake, Sllovenia, dhe Ukraina. Këto trende, sipas raportit, janë të rëndësishme për t’u marrë në konsideratë, pasi ata mund të ulin pabarazinë mes grupeve më të vjetra në moshë, e cila pastaj mund të kalojë në brezat e rinj. Sipas raportit, Shqipëria e ka nivelin e varfërisë 47.5 %, nivel i lartë në rajon.
Nga Peter Eavis
Është skenari aktual i “fundit të botës” për Evropën. Bisedimet për shpëtimin e Greqisë dështojnë, dhe vendi shpall falimentin. Autoritetet evropiane heqin mbështetjen jetike ndaj sektorit bankar të Greqisë, duke e detyruar vendin të ndërmarrë hapa drastike, për të frenuar largimin e kapitalit.
Greqia vendos të dalë nga eurozona. Kjo ngjarje, dërgon valë tronditëse tek tregjet globale. Investitorët dhe politikëbërësit, duhet në mënyrë urgjente të vlerësojnë nëse stuhia do të kalojë apo po mbledh forcat, për të goditur më fort se më parë.
Ndonëse Evropa ndodhet në një pozicion më të mirë, për të përballuar një tjetër krizë, sikurse ishte ajo e disa viteve më parë, kur Greqisë iu lëkundën themelet, thjesht nuk ka një precedent të mëhershëm, kur një vend ka braktisur eurozonën.
Dhe testi i madh, mund të jetë vetëm disa javë larg. Marrëdhëniet ndërmjet Greqisë dhe huadhënësve të saj, kanë zbritur në pikën e tyre më të ulët. Ngërçi ka rritur shanset, që Greqia dhe kreditorët e saj të dështojnë në arritjen e një marrëveshje deri në fund të muajit, kur është edhe koha për të paguar një tjetër këst të borxhit, dhe paketës aktuale të shpëtimit që i skadon afati.
Shumë vetë në Evropë, besojnë ende se një lloj marrëveshjeje, do të arrihet në momentin e fundit, duke zhbllokuar një ndihmë të freskët për vendin e ngarkuar me borxhe, dhe parandaluar kësisoj një falimentim të dhimbshëm.
Por lufta e fjalëve – dhe distanca e dukshme në pozicionet e të dyja palëve – ka zvogëluar ndjeshëm shpresat, për ndonjë suprizë të çasteve të fundit. Në vend të kësaj, kompanitë globale financiare dhe politikëbërësit po pyesin, se çfarë tjetër mund të ndodhë nëse Greqia do të dalë nga eurozona.
Të mërkurën, Banka Qëndrore e Greqisë tha se “një krizë e menaxhueshme e borxhit” do të “shndërrohet në një krizë të pakontrollueshme, me rreziqe të mëdha për sistemin bankar dhe stabilitetin financiar” të vendit.
Shumë analistë bien dakord se një shok grek, për disa ditë me rradhë do të shkaktojë një lloj konfuzioni dhe frike, që mund t’i detyrojë investitorët të tërheqin stoqet e kapitaleve dhe obligacioneve me risk, dhe t’i grupojnë në asete që ata i shohin si një strehë e sigurtë.
“Thesari i SHBAsë do të shpërthejë në çmime të larta, ndërsa njerëzit do të shkojnë aty për më shumë siguri”tha John M. De Clue, një zyrtari i lartë e investimeve në Bankën e SHBAsë. “Do të jetë rreziku më i madh për tregtinë, që kemi parë prej një kohë të gjatë”.
Vendi u bë epiqendra e krizës së borxheve të Evropës, pasi kriza goditi në fillim Uoll Stritin në vitin 2008. Tanimë, ajo po lufton për të paguar borxhet e saj, dhe qytetarët e kreditorët kanë një shqetësim në rritje. Presidenti i Parlamentit Evropian, Martin Shulc, tha se një tërheqje nga eurozona do të ketë pasoja drastike si për Greqinë, ashtu edhe për BE-në.
Evropës i kërkohet të përgatitet për falimentimin e Greqisë, në një kohë që po pret si do venë punët. Në fund të këtij muaji, Greqia duhet të përgatisë 1.2 miliardë euro, për të kryer pagesat e pensioneve dhe punonjësve në sektorin publik.
Por ka më pak konsensus, mbi mënyrën sesi mund të marrin gjërat për keq. Analistët optimistë, pretendojnë se tregjet do të fitojnë shpejt qëndrueshmëri, pas tronditjes fillestare të daljes së Greqisë jashtë euros. Ata thonë se shumë gjera kanë ndryshuar që nga vitet 2011 2012, kur problemet e Greqisë u përhapën edhe në vende të tjera. Atëherë, frika rreth borxhit grek bëri që bonot qeveritare në vende si Italia dhe Spanja, të zhvlerësoheshin ndjeshëm dhe humbur më shumë se 2000 mijë pikë në Dow Jones për disa muaj me rradhë.
Problemet e Evropës, kontribuan edhe edhe në rrëzimin e “MF Global”, një kompani financiare në Shteteve të Bashkuara. “Tashmë është më e menaxhueshme” thotë Frank Oland Hansen, shef i strategjisë në bankën një bankës private Danske. “Unë nuk jam aq i shqetësuar, se do të kemi pasoja direkte në tregun e bonove”.
Dhe ka disa arsye për një besim të tillë. Investitorët privatë dhe bankat, nuk kanë më kapitale të mëdha të borxhit të qeverisë greke, që do të thotë se humbjet e tyre do të jenë minimale nëse vendi shpall falimentin. Përkundrazi, ai i Greqisë tanimë është një borxh kryesisht ndaj qeverive të tjera dhe subjekteve zyrtare.
Analistët gjithashtu theksojnë se në krahasim me vitin 2011, bankat e Evropës ndodhen në një terren më të qëndrueshëm, pas testeve rregullatore të stresit të vitit të shkuar, dhe përpjekjeve për të shtuar kapitalin e tyre. Në gjendjen e tyre të fortë, bankat kanë më shumë gjasa për të vazhduar kreditimin, përmes llojit të stresit që mund të pasojë një ngjarje si Grexit.
Ndoshta dallimi më i madh ndërmjet krizës së fundit greke dhe asaj aktuale, është qëndrimi i Bankës Qendrore Evropiane. Ajo ka një program të madh të blerjes së obligacioneve, që duket se po nxit rritjen ekonomike në të gjithë kontinentin. Kreu i BQE, Mario Dragi, tha të hënën se ishte i gatshëm të ndërhynte menjëherë, në rast se rënia e çmimeve të obligacioneve do të rrezikojë të minojë programin gjigand të bankës, për stimulimin e ekonomive të eurozonës.
Në dhjetor 2009, agjensitë e rejtingut ndërkombëtar e skualifikuan Greqinë, nga frika se ajo mund të zgjidhte të falimentonte para shlyerjes së borxheve. Në maj të vitit 2010, Evropa dhe Greqia arritën një marrëveshje, për një pakete shpëtimi prej 146 miliardë dollarësh, të kushtëzuar nga masat shtrënguese.
Disa ekonomistë, paralajmëruan se shkurtimet e kërkuara, mund të vrisnin pacientin. Në tetor 2011, bankat ranë dakord për të pranuar një humbje prej 50 përqind në vlerë nominale të borxhit të tyre që u kishte Greqia. Në korrik 2012, stoqet ‘fluturuan’ pasi kreu i BQEsë u shpreh se se hartuesit e politikave do të bënin “gjithçka që duhet”, për të shpëtuar zonën e euros.
Në janar 2015, qytetarët grekë zgjodhën të parën një parti kundër masave shtrënguese. Aleksis Cipras bëhet kryeministër. Në maj të këtij viti, Maj 2015 Greqia vrau frikën e një falimenti të afërt, duke autorizuar pagesën e një pjesë madhe të kredisë ndaj FMNnë qershor 2015. Greqia, shtyu një seri pagesash të borxhit deri në fund të këtij muaji.
Nuk është e qartë sesa gjatë Athina mund ta vazhdojë këtë lojë. “Ne po vëzhgojmë nga afër kushtet, për të zbuluar shenjat e një shtrëngimi të pajustifikuar ndaj vendit tonë, për të cilën ne do të duhet të reagojmë” tha Cipras . Megjithatë, dobësitë qëndrojnë tek sistemi.
Vitet e normave të interesit super të ulëta, shkaktuan një kaos në tregun e aksioneve, çka ndihmoi në rritjen e çmimit të aksioneve dhe obligacioneve në vitet e fundit. Në këto nivele, tregjet janë më të ndjeshme ndaj një ngjarje të paparashikueshme, si dalja e Greqisë nga eurozona. Protestat e ashpra, nuk kanë ndodhur vetëm tek vendet e tregjeve të bonove qeveritare si Spanja, Portugalia dhe Italia. Ato kanë ndodhur edhe për asetet spekulative në Shtetet e Bashkuara, dhe ka pasur edhe një rigjallërim në tregun e aksioneve në Rusi, që është rritur me 24 përqind këtë vit, në termat e dollarit.
“Në momente të caktuara në tregjet financiare, kur gjërat kanë qenë të mira, katalizatorët e vegjël kanë rëndësi” tha Stiven Viting, shefi i strategjisë në kompanisë e investimit “Citigroup”. Disa bono evropiane, kanë treguar shenja stresi në ditët e fundit.
Bonot 10vjeçare të Italisë, të cili lëvizin në një drejtim të kundërt nga çmimit i saj, tashmë është në nivelin 2.33 për qind, në mënyrë të konsiderueshme më e lartë sesa 1.79 përqind që ishte një muaj më parë. Por rendimenti i tyre i fundit, është ende shumë më poshtë niveleve që u rritën në periudhën e fundit të stresit të madh në Evropë.
Disa analistë, po shohin përtej pasojave financiare të menjëhershme, nga largimi i Greqisë nga zona e euros. Shqetësimi i tyre më i madh, është se një Grexit mund të shkaktojë një lloj infektimi të ngadaltë që gërryen nga brenda. Nëse Greqia do të dalë jashtë eurozonës, kjo do të krijojë një precedent të rrezikshëm – dhe dëshmojnë se euro është në fakt vetëm për shtete të caktuara.
Ashvin Bulçandani, zyrtari i lartë në kompaninë e investimeve “MatlinPatterson”, e mendon këtë çështje në këtë mënyrë: “Kishte një bashkim monetar të qëndrueshëm, por tashmë është shndërruar në një klub të çuditshëm”. Ai thotë se nuk do të habitej nëse një largim i Athinës nga eurozona, do të nxiste investitorët të pyesnin nëse edhe vendet e tjera, kanë forcën e mjaftueshme për të qëndruar në kursin e euros.
Nëse një presion i tillë shkakton një rënie të qëndrueshme në tregjet e vendeve të caktuara, Banka Qëndrore Evropiane pa dyshim do të të përpiqet të ndërhyjë në mbrojtje. Por edhe atëherë, stresi mund të frenojë rimëkëmbjen paraprake ekonomike, që po ndodh në vendet periferike të Evropës. Dhe është mjaft e mundur që vendet në borxhe të Evropës, Portugalia dhe Italia përfshirë, mund të vuajnë nga rritja e zbehtë për vitet që do të vijnë.
Çdoherë një ndonjë prej këtyre vendeve do të ketë telashe fiskale, kujtimet e problemeve të tmerrshme të Greqisë do të rishfaqen, dhe investitorët do të spekulojnë në lidhje me aftësinë e tyre për të qëndruar në eurozonë. “Natyrisht, Portugalia është një objektiv i hapur nëse ka një Grexit”tha Eduard Hjuxh, economist dhe autor i librit “A ka përfunduar vërtetë kriza në eurozonë?”, duke përdorur një term që përshkruan një Grexit. “Kjo mund të mos ndodhë në një ose dy vjet, por në pesë vjet, ata mund të detyrojnë Portugalinë të largohet nga euro”.
“New York Times”/ Bota.al
Studimi – Dje u publikua në Londër “Indeksi Global i Paqes” nga “Institute for Economics and Peace” për vitin 2015. Surpriza është se Greqia ka njohur përmirësim, pavarësisht krizës ekonomike. Thuajse 1% e popullsisë botërore tashmë janë refugjatë, niveli më i lartë i shënuar që nga viti 1945 dhe shifrat pritet të rriten edhe më tej
Distanca mes vendeve më të paqta dhe atyre të prekura prej konflikteve, sipas një studimi më të fundit, rezulton të jetë edhe më e madhe.
Lajmi i mirë në këtë mes është se ka rënie të përqindjeve të vetëvrasjeve dhe rënie të buxhetit për ndërhyrje ushtarake, që u kanë shkaktuar disa vendeve vlera rekord në shkallën e paqes, thuhet në të ashtuquajturin Global Peace Index, të bërë publik dje në Londër, ku janë renditur 162 vende në shkallë botërore.
Europa vijon të qëndrojë rajoni më i paqtë në botë, megjithëse terrori në Danimarkë dhe para së gjithash, ai i shkurtit 2015 në Paris, ka ndikuar në vlerësimin e këtyre shteteve. Tri vendet më të paqta janë nga Europa: Islanda, Danimarka dhe Austria, ndërsa Gjermania për shembull, gjendet në vendin e 16. Ndër 20 vendet më të mira në shkallë botërore, 15 janë europiane.
Greqia duket se ka bërë hapin më të madh në rajon në këtë pikëpamje, pavarësisht krizës ekonomike që e ka mbërthyer. Ajo gjendet në vendin e 61 të renditjes botërore, dhe kjo falë uljes së numrit të krimeve me dhunë. Sidoqoftë, ajo është më poshtë se Shqipëria, e cila zë vendin e 52-të, ndër 162 vende të testuara.
Ukraina në “Indeksin Global të Paqes” nuk renditet në rajonin e Europës, por në atë të Rusisë e Euroazisë. Aneksimi i gadishullit ukrainas të Krimesë dhe lufta në rajonin e Donbasit, e kanë rrëzuar shumë vende poshtë këtë vend. “Gara mes Rusisë dhe Perëndimit e rrit kësisoj mundësinë e konflikteve të tjera në rajon në vitet në vijim”, shkruajnë ekspertët në raportin e tyre me këtë rast.
Lindja e Mesme dhe Afrika e Veriut kanë dalë më keq në renditje, duke shënuar shumë rënie që nga viti 2008. Renditjen botërore e mbyll sigurisht vendi që po vuan prej vitesh nga lufta civile me përmasa apokaliptike, Siria, e cila në vitin e kaluar ra në vendin e fundit dhe tashmë ndodhet pas Irakut e Afganistanit. Lindja e Mesme dhe Afrika e Veriut janë sërish rajonet më të prekura nga tensionet dhe dhuna. Përkeqësimin më të dukshëm e ka pësuar Libia dhe sipas autorëve të studimit, atje, në vitin e kaluar, situata është bërë tejet e rrezikshme, për shkak të luftimeve mes grupeve rivale e atyre islamike e nacionaliste.
Më tej raporti detajon se:
Shumë vende të OECD-së (Organizata për Zhvillimin dhe Bashkëpunimin Ekonomik) kanë arritur nivele historikisht të larta të paqes, duke shënuar ulje të përqindjeve të vrasjeve, shpenzimeve ushtarake dhe angazhimeve të tjera të natyrës ushtarake.
Intensiteti i konflikteve të armatosura u rrit ndjeshëm me numrin e njerëzve të vrarë në konfliktet globale, deri në 3.5 herë, nga 49,000 që ishte në 2010 në 180,000 në 2014. Vdekjet totale nga terrorizmi në 2014-n u rritën me 9%, duke kapur shifrën e 20,000 vetëve.
Thuajse 1% e popullsisë botërore tashmë janë refugjatë apo është dashur të zhvendosen brenda vendit (IDPs), niveli më i lartë i shënuar që nga viti 1945 dhe shifrat pritet të rriten edhe më tej.
Impakti i dhunës në ekonominë globale arriti në 14.3 trilionë dollarë ose 13.4% e PBB-së globale në vitin e kaluar, thuajse ekuivalent me ekonomitë e kombinuara të Brazilit, Kanadasë, Francës, Gjermanisë, Spanjës dhe Britanisë së Madhe.
Steve Killelea, themeluesi dhe kreu ekzekutiv i IEP vëren se, “reduktimi i konflikteve është një pikë kryesore në sigurimin e rimëkëmbjes ekonomike botërore. Nëse dhuna globale ka pësuar ulje në 10% në uniformitet, një shtesë prej 1.43 trilionë dollarësh do të shtohej efektivisht në ekonominë botërore. E parë në perspektivë, kjo përbën më shumë se gjashtë herë të vlerës totale të borxhit grek dhe kreditë e dhëna prej Fondit Monetar Ndërkombëtar, Bankës Qendrore Europiane dhe vendeve të tjera të Eurozonës në mënyrë të kombinuar”.
Në përgjithësi, nivelet globale të paqes qëndruan stabël në vitin 2014; por janë më të ulëta se sa ato të vitit 2008. Që nga viti i kaluar, 81 vende e përmirësuan nivelin e tyre të paqes ndërsa 78 pësuan rënie.
Shumë popuj europianë tashmë po hasin nivele me përqindje të ulëta vetëvrasjesh dhe po ashtu, me ulje të buxheteve ushtarake dhe një tërheqje të forcave nga Iraku dhe Afganistani. Në kontrast me to, vende tipike problematike, si Republika e Afrikës Qendrore, kanë njohur edhe më tej rënie.
Katër rajone, Europa, Amerika e Veriut, Afrika Subsahariane dhe Amerika Qendrore kanë njohur përmirësim gjatë vitit të kaluar
“Indeksi Botëror i Paqes” publikohet çdo vit nga “Institute for Economics and Peace” në Londër. Ai mat indikatorë të rëndësishëm si buxheti ushtarak, apo ndërhyrjet e armatosura, shpenzimet për misionet e OKB-së, sulmet terroriste, përqindjet e vrasjeve dhe sigurinë sociale.
/GazetaShqip.com
Xhuliano, një student shqiptar i cili jetonte prej 4 vitesh në Bruksel është masakruar në mënyrë makabre, teksa trupi i tij i pajetë është gjetur i gjymtuar dhe pa kokë në periferi i hedhur në një kosh mbeturinash pranë parkut të Vemel.
Trupi i 22-vjeçarit, student për Drejtësi dhe Kriminalistikë në një universitet në Bruskel, u zbulua më 9 qershor nga disa punonjës të bashkisë Jette i mbështjellë në një çantë të zezë në kosh. Trupit të të riut shqiptar i mungonte koka, parakrahu dhe pjesa e poshtme e këmbëve, ndërsa identifikimi i tij u bë të mërkurën nga familjarët të cilët mbërritën në Bruksel pas ngjarjes tragjike.
Gazeta belge “La Capitale”, raporton se familjarët fillimisht refuzuan të pranojnë vdekjen e djalit të tyre duke thënë se Xhuliano është parë i gjallë edhe pas ngjarjes. Por, hetuesit besojnë se tatuazhi që djali kishte në trup është shenjë identifikuese.
Ende nuk ka autor të arrestuar për këtë ngjarje apo një pistë konkrete hetimi, por hetuesit belg flasin se Xhuliano nuk ishte i panjohur për drejtësinë ku ishte dënuar me 30 muaj burg. Kjo pasi kur ishte 18 vjeç ka goditur një nga shokët e klasës me shkop bejsbolli, ndërsa në vitin 2014 është arrestuar për trafikim të lëndës narkotike. /Shqiptarja.com
https://www.youtube.com/watch?v=s_rIPtWspy0
Këtë sezon, modelja Australiane, personaliteti televiziv, aktorja dhe muzikantja Ruby Rose do ti bashkohet kastit të Orange Is the New Black në rolin e Stelës, një e huaj misterioze dhe seksi për të cilën thuhet se do të krijojë një trekëndësh dashurie me çiftin përherë të trazuar Piper dhe Alex. Rose, 29 vjeç, i mori audicionet shumë seriozisht për të marrë pjesë tek një nga shfaqjet e saj më të preferuara. “Sidomos për dikë të komunitetit LGBT, unë nuk besoj se ka patur ndonjë show tjetër që të jetë aq i vërtetë në lidhje me përvojën e të qënit gej, lezbike ose transgjinore. Ky show po ndihmon shumë njerëz të zbulojnë se kush janë në të vërtetë dhe mendoj se kjo është magjike -. Në TV nuk e gjen dhe aq shumë këtë gjë.”
Duke folur me Rose për historinë tonë të kopertinës për sezonin e ri të Orange, ne i bëmë shumë pyetje në lidhje me atë kuotën e diskutueshme të “dështimit”, përfitimet e terapisë dhe se si asaj “i ka rënë në kokë për çdo person në shfaqje.”
Ka pasur disa raportime online që keni pasur shqetësime në lidhje me Orange në fillim.
Më vjen keq sa herë që e shoh atë kuotë; ajo është nxjerrë krejtësisht jashtë kontekstit. [Duke folur për Sunday Style Magazine, Rose citohet të ketë thënë “Shfaqja është padyshim e shkëlqyer, por ajo ka regjizore, shkrimtare dhe producente gra; është në lidhje me gratë në burg. Çdo gjë në lidhje me të ka fjalën ‘dështim’ të shkruar mbi të”] Ajo çfarë unë po thosha ishte se në industrinë e filmit në përgjithësi dhe duke parë se çfarë po na ofrohet në TV dhe në film, jeta e grave në burg nuk është diçka që diskutohet ose portretizohet zakonisht . Dhe mbi gjithë këtë, personazhet kryesore janë të gjitha protagoniste femra, është e shkruar nga shumë gra dhe luhet nga femra – çdo gjë në lidhje me të është e mahnitshme.
Pra, ju ishin fanse e show-t?
Isha një fanse e vërtetë e dy sezoneve të para. Unë isha pak vonë për ta parë sezonin e parë, sepse nuk isha këtu; thjesht pashë se si ishte bërë viral në mediat sociale. Kështu që hapa televizorin një të premte, dhe tri ditë më vonë, unë kisha parë vetëm një sezon të tërë të një programi televiziv; Po thosha me vete, “Duhet të kem diçka të gabuar.” Unë kurrë nuk kisha parë me qejf TV para Orange.
Ju thjesht nuk do të mendonit se do të kishte ndonjë vlerë në të. Ju nuk do ta shikonit atë dhe të mendonit se, “Ky show do të bëhet një hit.” Ju e mendoni këtë me filmat me superheronj. Ka diçka në atë show që mund ta lidhësh me këdo. Kjo është arsyeja pse është kaq i suksesshëm.
Tek cili karakter e gjen më shumë veten?
Mund ta gjeja tek të gjithë në një farë mënyre. Jeta ime ka pak ngjashmëri me Alex dhe Piper – edhe pse ndoshta më shumë me Alex. Kam arrogancën e Nicky-t, por jam një romantike e pashpresë si Lorna. Gjeta ngjashmëri me Poussey [luajtur nga Samira Wiley]. Por karakteri im, Stella, është aq e ngjashme nga sjelljet e saj me mua, dhe ajo është shumë androgjene. Më përshtatet në mënyrë të përsosur./www.rollingstone.com
A janë të gjithë shefat të sëmurë seksualë ?
Shumë vajza të reja shkruajnë në konfidencë që në vendet e tyre të punës, në shtet apo te privati, kanë ngacmime seksuale.
Më çudisin përmasat.
A thua të jetë i vërtetë ky fenomen social kaq i gjerë???
Si nuk flet njeri në media a në publik???
Si nuk flasin femrat që janë personazhe publike???
Apo???
Mirë të tjerat, që punonjësi te ne është pa mbrojtje juridike dhe sociale, që puna është si grimcë floriri në një plazh rëre, çka sjell këto pasoja, por mirë mo, mirë, po edhe kaq të sëmurë seksualë të jenë shefat!!!
Nuk e di, nuk e di…
Vartëset femra ngacmojnë vetë ato shefin …??? !!!
Me dhjetra më shkruajnë se nuk janë shefat që ngacmojnë seksualisht vartëset e tyre apo femrat që i kanë në dorë profesionalisht, por janë shpesh femrat vartëse që provokojnë shefat për karrierë.
Edhe mundet, edhe mundet, por kjo nuk ndryshon asgjë…
Përse?
Sepse “i sëmuri seksual” i vërtetë, ai më i përpunuari, e bën “mizën” të bjerë vetë në rrjetë, nuk e sulmon si tigri gomaricën. Dhuna seksuale dhe abuzimi seksual është kur viktima kujton se shkon drejt abuzimit me dëshirën e vet.
Edhe nëse vartëset kanë tendencë për t’i pëlqyer shefave, edhe kjo vjen sepse kemi një sistem ku shefi të bën gjëmën, pra “xhelati” është përsëri shefi.
Pastaj ka edhe raste kur shefi punëson dikë jo se bën punën, por sepse e pëlqen si femër. Në këtë rast për atë që punësohet, puna e vërtetë është t’i pëlqejë shefit, çfarë të bëjë tjetër…
Por, gjithësesi, unë mendoj se nuk mund të përgjithësohet.
Në çfarë kuptimi?
Edhe pse të gjithë shefat mund të supozohen si të sëmurë seksualë, poashtu ka pa fund femra vartëse dinjitoze që dinë t’u tregojnë vendin, ose të kenë aq shumë dinjitet, sa edhe shefi më patologjik nuk guxon t’u afrohet, por i sheh nga larg, ose ëndërron për to, pa mundur dot asgjë./www.javanews.al
Shkruan nga Athina, Kristi Pinderi
Më poshtë galeria e fotove. Fotot nga Getty Images, Athens Pride, ProLGBT, dhe blogje të ndryshme greke
Në aeroportin e Tiranës munda të ble me nxitim, në momentin e fundit para se të hipja në avion një flamur shqiptar për ta valëvitur në kioskën (periptero) që ProLGBT kishte marrë në paradën gej në Athinë, javën e kaluar.
Andrea Gilbert, drejtuese e “Athens Pride” organizata që zhvillon prej 11 vjetësh paradën gej në kryeqytetin helen përshpëriti e lehtësuar kur pa që flamuri nuk ishte shumë i madh. “Përndryshe, do dukej si një shfaqje nacionaliste”, nxitoi të më shpjegojë ajo.
Por kur në sheshin Klafthmonos në qëndër të Athinës nisën të grumbulloheshin mijëra vetë të cilët do të marshonin atë mbrëmje me ngjyrat e LGBTI, për shqiptarët ishte e pamundur të mos e dallonin atë flamur, sado i vogël të ishte, dhe ndonëse ishte vendosur në një “periptero” në cepin më të largët të sheshit ku ishte ngritur skena e fjalimeve para paradës. E si mund të ndaloje ato “shfaqje nacionaliste”?!
“Jeni shqiptarë? Keni ardhur posaçërisht për paradën nga Tirana?”, nisën të pyesnin disa të rinj të gëzuar dhe kuriozë me një shqipe të pastër. Ajo që të bënte përshtypje ishte dëshira e tyre për të bërë foto me flamurin dhe me aktivistët shqiptarë që ndodheshin në paradën greke.
Rita, 29 vjeçe nga një qytet në jug të Shqipërisë jetonte prej 8 vjetësh në Greqi. “Por kjo është hera e parë që munda të vi në paradë”, tregon ajo.
Parada gej e Athinës është një aktivitet madhor me përmbajtje të qartë politike. “Si asnjëherë tjetër kompania që menaxhon metronë, këtë vit pranoi të vendosë posterin zyrtar të paradës”, thotë Andrea Gilbert.
Në çdo stacion të metrosë mund të shikoje slloganin: Mbaj qëndrim (Take a stand), apo siç shkruhet në greqisht: “πάρει θέση”.
Të mësuar ta shikojmë Greqinë në lajme të këqija për shkak të situatës ekonomike dhe politike atje, eventi i fundit ishte padyshim një lajm i mirë për komunitetin LGBTI. Rreth 32 mijë vetë “mbajtën qëndrim”dhe morën pjesë në paradë, gati 12 mijë vetë më shumë se vitin e kaluar, ndonëse këtë vit mes organizatorëve dhe komunitetit transgjinor kishte patur jo pak kontradita.
Disa politikanë ishin të pranishëm në skenën nga ku u mbajtën fjalime dhe përshëndetje para nisjes së marshimit, mes tyre kryetari i bashkisë së Athinës, Guvernatorja e Atikës Rena Dourou, pjesëtare e komunitetit LGBTI, etj. Ndonëse në Greqi komuniteti LGBTI ka shumë më tepër hapësira, sfida e tyre e madhe qëndron te beteja që po zhvillojnë për të siguruar të njëjtën mbrojtje ligjore për familjet gej ashtu siç e kanë gjithë familjet e tjera. E në këtë pikë u vjen në ndihmë edhe një vendim i nëntorit të vitit 2013 nga Gjykata Europiane për të Drejtat e Njeriut që I kërkoi Greqisë të lejojë të gjithë personat të rregjistrojnë marrëdhënien e tyre përmes një kornize më fleksibël se ajo që parashikon ligji për martesat.
Kur rradha na erdhi neve, aktivistëve nga Shqipëria për ta përshëndetur atë skenë, emocionet ishin njësoj si përpara 4 vjetësh kur morëm guximin të pedalonim për herë të parë kundër homofobisë me biçikleta në bulevardin “Dëshmorët e Kombit”. Të them të vërtetën, në atë shesh mund të ishin me qindra shqiptarët LGBT që nuk kishin frikë të “mbanin qëndrim”. Një kombinim interesant apo jo? Edhe shqiptarë, edhe gej, edhe emigrantë…
“Janë shumica të rinj të lindur ose të rritur në Greqi. Ndoshta shumë prej tyre nuk do ta bënin këtë gjë në Tiranë”, më thotë Rita. E besoj, në fakt… Asaj vetë i janë dashur plot 8 vjet për të sfiduar frikën derisa më në fund mori pjesë në një paradë të tillë. Të mbash qëndrim kërkon vërtet kurajo.
Please view the gallery below. Photo Credit: Getty Images, Athens Pride, ProLGBT and various Greek blogs.
Kristi Pinderi reporting from Athens
I managed to buy an Albanian flag at the last moment at Tirana’s airport while running to catch my flight to Athens. I planned to show that flag on the Albanian “Periptero” that ProLGBT got last week at Athens Pride.
When Andrea Gilbert, leader of “Athens Pride” realized that the flag was not big enough she whispered some words in relief. “Otherwise it might be considered as a nationalistic expose”, she explained to me.
But when thousands of people started to gather at Klafthmonos, the Pride Square, it was impossible for the Albanians not to notice that flag, although it was not big enough and also it was placed in a far way corner from the main stage. How could you stop them having their “nationalistic exposure” than?
“Are you Albanians? Did you really come here from Tirana for the Pride?”, some of them started to ask with curiosity happiness and with a pure Albanian language.
What impressed us more was their demand to have a picture with the Albanian activists and the flag, that small flag…
Rita, 29 years old from a city in south Albania has been living in Greece for 8 years now. “But this is the first time I dare to come at the Pride”, she says to me.
“Athens Pride” is a major event with clear political substance. “As it has never happened before, this year the company that runs the city Metro accepted to put our poster inside the Metro”, says Andrea Gilbert.
You could actually see in every Metro station the official slogan of 11th edition of “Athens Pride”: Take a stand or as it says in Greece: “πάρει θέση”. We are used to see Greece recently in many negative news coverage because of the economic and political situation, but it is fair to say that this Pride was a good news from Greece for all the LGBTI community and not only.
Around 32,000 people participated this year in the Pride, around 12,000 more than the last year, although some disputes have been presents among the organizers and the Transgender community who didn’t appear at the march.
Some politicians were present as well at the main stage where they addressed short speeches to the participants, among them the mayor of Athens, the Governor of Attica herself a member of LGBTI, etc. Although the gay scene is much vibrant in Greece their main political challenge remains their fight towards equal rights for all families. A recent ruling of European Human Rights Court (November 2013) helps them in this regard. That ruling demands from Greece an official form of partnership, allowing the persons concerned to register their relationship within a more flexible legal framework than that provided by marriage.
When our turn to step on the stage came, the emotions were almost the same like those we had four years ago when we had the courage to take the bicycles and ride at the main boulevard of Tirana. And that was because, to tell the truth, you could see hundreds and hundreds of LGBTI Albanians who didn’t fear to “take a stand”. An interesting combination, isn’t it? Albanians, LGBTI, Emigrants…
“Most of them are young people who were either born or raised here. Most of them wouldn’t dare to do the same thing in Albania”, says Rita. I believe this. It took her almost 8 years to challenge her fear and take part at the Pride. You need courage to “take a stand”…
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
