Parlamenti i Portugalisë ka miratuar mocionin e paraqitur nga qeveria për njohjen e Palestinës si shtet i pavarur dhe sovran. Mocioni është mbështetur nga opozita socialiste duke i hapur rrugë me konsensus këtij hapi të rëndësishëm në politikën e jashtme. Portugalia pason Britaninë e Madhe, Francën, Irlandën dhe Spanjën, vende, parlamentet e të cilave kanë marrë një vendim të ngjashëm. Suedia nga ana e vet, ka vendosur njohjen me një akt të qeverisë. s.z
Marrë nga ResPublica.al
Të martën Komiteti i Shërbimeve Sekrete të Senatit të Shteteve të Bashkuara publikoi një përmbledhje të shumëpritur të raportit të vet me 6,700 faqe mbi burgjet sekrete të CIA-s dhe torturat pas sulmeve të 11 shtatorit 2011 kundër Shteteve të Bashkuara. Shqipëria duhet të mbajë shënim.
Përmbledhja 525 faqëshe ofron analizën më të detajuar deri më sot të abuzimeve që ndodhën. Duke përdorur vetë dokumentet e CIA-s (por jo videokasetat e 92 seancave të marrjeve në pyetje të cilat CIA i shkatërroi), ai përshkruan se si CIA detyroi disa të burgosur të qëndrojnë në këmbë ndërsa i kishin këmbët e thyera, i përplasi pas mureve pa rroba në qeli të ftohta, dhe i vendosi ato nën “përmbytje,” një formë ekzekutimi të rremë. Disa të burgosur vuajtën praktikën acaruese të quajtur “ushqim me supostë,” një sulm seksual analog me përdhunimin me një objekt.
Në mënyrë domethënëse, raporti doli në konkluzionin se kjo torturë nuk ia doli të prodhojë të dhëna të vlefshme të cilat hetuesit mund t’i nxirrnin edhe përmes mjeteve të ligjshme. Në të vërtetë, disa nga viktimat e tyre po jepnin informacione të vlefshme para se tortura të fillonte.
Vetë dokumentet e CIA-s bëjnë të qartë se zyrtarët më të lartë amerikanë planifikuan dhe autorizuan torturimin dhe pastaj orkestruan një fushatë për ta fshehur atë. Agjencia gënjeu mbi programin te zyrtarët e tjerë, duke trumbetuar në mënyrë të rreme suksesin e programit.
Kur hyri në zyrë, Presidenti Barack Obama e ndaloi menjëherë përdorimin e të ashtuquajturave “teknika hetimore të shtuara” dhe së fundmi deklaroi publikisht se SHBA-të kanë “torturuar disa njerëz”. Por ai ka refuzuar të autorizojë një hetim gjithëpërfshirës mbi përdorimin e torturës nga CIA, aq më pak të përndjekë përgjegjësit. Dy hetime të vogla, asnjëra prej të cilave nuk përfshiu komunikimin me viktimat, rezultuan pa aktakuza.
Për rrjedhojë, asnjë zyrtar i lartë i Shteteve të Bashkuara nuk është mbajtur përgjegjës për akuzat e shumta dhe të mirëdokumentuara për përdorim torture, keqtrajtim dhe transferimet e paligjshme gjatë administratës së George Ë. Bush. Për të gjitha këto krime, pandëshkueshmëria sundon.
Shqipëria pati një rol, megjithëse të vogël, në programin e diskretituar prej kohësh të burgjeve “në zona të zeza”. Në një rast ajo shërbeu si vend hedhjeje për një të burgosur të liruar i cili qe ndaluar në mënyrë false. Në një rast tjetër dukshëm qe një pikë tranzit mes burgjeve sekrete.
Në rastin e parë, më 28 maj 2004, CIA dërgoi aty një nënshtetas të Gjermanisë me prejardhje libaneze me emrin Khaled el-Masri, të cilin e pati rrëmbyer gabimisht në Maqedoni në bazë të një programi anti-terrorizmi, nga Kabuli në bazën ushtarake të Kuçovës. Sipas raportit të Senatit, pasi el-Masri mbërriti në Shqipëri “oficerët e liruan atë dhe e dërguan drejt një pike kufitare të rreme, ku oficerë të tjerë i thanë atij se do të riatdhesohej në Gjermani për shkak se kishte hyrë ilegalisht.” El-Masri udhëtoi për në Gjermani një ditë më pas.
Më 2012, Gjykata Europiane për të Drejtat e Njeriut vendosi që Maqedonia ka dhunuar ndalimin e torturës në lidhje me rolin e saj në rrëmbimin e el-Masrit dhe në transferimin e tij të paligjshëm.
Në rastin tjetër, Shqipëria dukej se qe një pikë tranzit për të burgosurit që lëviznin mes burgjeve të ndryshme sekrete të CIA-s në Rumani dhe Lituani. Sipas Parlamentit Europian dhe të tjerëve, më 5 tetor 2005 CIA fluturoi një avion çarter Gulfstream IV me numër N308AB nga Bukureshti në Tiranë, dukshëm me së paku një “të ndaluar me vlerë të lartë.” Shpejt pas kësaj, një avion tjetër çarter i CIA-s, një Boeing 737 me numër N787ËH, la Tiranën dhe u nis për në Vilnius. (Në raportin e Senatit, Rumania është identifikuar si “Vendi i Ndalimit i Zi” dhe Lituania si “Vendi i Ndalimit Vjollcë.”) Se sa të burgosur kanë kaluar tranzit në Shqipëri mbetet e paqartë.
Shqipëria duhet të thotë të vërtetën mbi rolin e saj në këto punë të pista. Edhe nëse askush nuk është torturuar në tokën shqiptare si pjesë e programit të transferimit të të burgosurve, vendi ndihmoi në transferimin e paligjshëm të së paku një personi për te ose nga një burg sekret.
Shqipëria e ka ratifikuar Konventën e OKB-së kundër Torturës, si dhe Konventën Europiane të të Drejtave të Njeriut. Këto kërkojnë që vendi të hetojë në mënyrë tërësore dhe të paanshme të gjitha akuzat për dhunime të rënda të të drejtave të njeriut dhe t’i mbajë dhunuesit përgjegjës.
Sa për fillim, qeveria duhet të ndjekë rrugën e Senatit të SHBA-së dhe të informojë publikun mbi rolin që luajti në programin e paligjshëm të CIA-s. Shqiptarët e dinë nga eksperienca e tyre e hidhur se burgjet sekrete dhe tortura janë ligjërisht dhe moralisht të gabuara.
Ministri i Shëndetësisë Ilir Beqaj, la lëshuar kritika të hapura kundër mjekëve të parësorit në lidhje me paraqitjen e tyre në punë para dhe brenda orarit. Gjatë një konference me temë “Mbulimi universal dhe kujdesi shëndetësor”, Beqaj ka pranuar boshllëqet në sistemin shëndetësor, por premtoi se ky sistem do të shkojë drejt përmirësimit.
“Mjekët duhet të jenë në vendet e punës për t’u shërbyer qytetarëve shqiptarë. Mjekët, edhe kur kanë mbledhje me mua, nuk e respektojnë orarin, – theksoi Beqaj. – Me mua le të mos vijnë, por të paktën të respektojnë orarin me qytetarët, sepse me ata e kanë kontratën. Është e domosdoshme që mjeku duhet të jetë 10 minuta para se të fillojë orari i punës për kontrollin bazë”.Po ashtu, Beqaj ka pasur vërejtje edhe për shërbimin e urgjencës, ku vuri në dukje se qytetarët paraqiten vetë kur kanë probleme shëndetësore në qendrat mjekësore pranë lagjeve të tyre.
“Urgjenca mjekësore është falas, por nga të qenit në letër dhe ajo në terren, rezulton ndryshe, – vazhdon Beqaj. – Ka shumë raste që qytetarët vijnë vetë në urgjencë dhe jo anasjellas. Kjo tregon që duhet ta rithemelojmë dhe ta fuqizojmë flotën e autoambulancës. Duhet të kemi një trup që të kryejmë këtë shërbim dhe kapacitete pritëse në spitalet tona”.
Ministri i Shëndetësisë ka pranuar edhe mungesën e mjekëve specialistë jashtë Tiranës dhe tha se ky problem do të zgjidhet në dy vitet e ardhshme: “Jashtë Tiranës na mungojnë 300 mjekë specialistë, por në dy vitet e ardhshme ky numër do të na rritet, ndaj ne vendosëm që në këtë ditë, përveç kësaj pjese të përgjithshme të diskutojmë për zhvillimet e ardhshme për trupën mjekësore, që nis që nga procesi i formimit”.
Shpresa Mezini për Gazetën Shqip
Pas tre vitesh bllokim, çelja e ciklit të specializimeve ishte lajmi më i mirë që mund të mësonin kandidatët në pritje prej kaq kohësh. Por, mesa duket, gjithë ky gëzim “po u del sërish nga hundët”. Kjo, pasi aplikantët, të cilët në përputhje me udhëzimin e Ministrisë së Arsimit janë paraqitur dje për t’u regjistruar në Universitetin e Mjekësisë, janë kthyer mbrapsht, për shkak të mospërmbushjes së një prej kritereve, që është niveli i gjuhës angleze. “Shkova në sekretarinë e universitetit që në mëngjes herët, që të mos prisja në radhë. Hyra brenda dhe i thashë sekretares që isha kandidat për specializante te mjekësia dhe se kisha shkuar për të dorëzuar dosjen me dokumentet përkatëse. Më pyeti me radhë për të gjitha dokumentet, por kur më kërkoi diplomën e mbrojtjes së gjuhës angleze, kuptova që diçka nuk shkonte. Më kërkoi nivelin C2 të një prej testeve ndërkombëtare si TOEFL apo TOIC, në një kohë që unë kam mbrojtur nivelin B2, sepse ky na është kërkuar nga universiteti. Madje, edhe studentët e këtij cikli, përpara se të bllokoheshin studimet, janë diplomuar po me këtë nivel B2. Nuk e dimë nga doli C2. Askush nuk na ka lajmëruar. Përderisa kjo pikë është ndryshuar në rregulloren e re të Ministrisë së Arsimit dhe të Shëndetësisë, duhet të ishim njoftuar që të merrnim masat. Unë do ta kisha mbrojtur diplomën me këtë nivel të gjuhës dhe sot (dje) do ta dorëzoja. Pse u dashka të ndëshkohem unë? Çfarë do me thënë kjo? Pas tre vitesh pritje, sot po na përjashtojnë fare”, tregon një prej aplikantëve të ciklit të specializimeve. Pretendimi i vajzës përkon edhe me shumë të tjerë. Pothuajse pjesa më e madhe e të interesuarve kanë në dosjet e tyre dëshminë e mbrojtjes së anglishtes në nivelin B2, çka i përjashton ata kategorikisht nga konkurrimi. Ka edhe nga ata të rinj që thonë se as Ministria e Arsimit dhe as ajo e Shëndetësisë nuk kanë marrë parasysh kohën që u duhet atyre për t’u përgatitur për konkurrim. Sipas tyre, afati nga 12 dhjetori, që është data e fundit e regjistrimeve deri më 19 dhjetor, kur zhvillohet konkursi është i pamjaftueshëm për t’u përgatitur për pyetjet e provimit. Ndërkohë, të pyetur nga gazeta “Shqip”, burime zyrtare në Ministrinë e Arsimit bëjnë me dije se çështja është disi e komplikuar dhe se problemi nuk qëndron as në MAS as në MSH, por në Universitetin e Tiranës, pasi në vitet e kaluara janë lëshuar diploma specializimesh, me dëshmi anglishteje në nivelin B2, jo teste ndërkombëtare, në shkelje flagrante të ligjit të ri të arsimit të lartë.
“Në vitin 2010, në ligjin e ri të arsimit të lartë, thuhet që studenti që të diplomohet në ciklin e dytë të studimeve, master shkencor apo profesional, duhet të zotërojë diplomën e një prej testeve ndërkombëtare të anglishtes, si TOEFL apo TOEIC. Në vitin 2011, në një udhëzim të Ministrisë së Arsimit përcaktohen qartazi institucionet ku duhet të zhvillohet provimi i TOEFL apo TOIC, ku shtohej se niveli duhet të ishte mbi B1, përkatësisht C1, C2. pavarësisht ekzistencës së udhëzimit apo asaj që parashikon ligji që është taksativ për të gjithë, Universiteti i Mjekësisë ka pranuar studentë me diplomë nga fakulteti i Gjuhëve të Huaja, niveli B2, një nivel më poshtë nga ai që parashikon udhëzimi i arsimit në vitin 2011, por edhe diplomë të një testi që nuk është ndërkombëtar. Si në ligj, si në udhëzim, kërkohet shprehimisht që testi i anglishtes të jetë ndërkombëtar, ndërsa Universiteti i Tiranës, Fakulteti i Gjuhëve të Huaja ka lëshuar diploma, duke e ditur fare mirë këtë fakt. Duke e ditur që dëshmia që lëshohet nga ky institucion nuk njihet ndërkombëtarisht, por vetëm brenda për brenda vendit”, sqarojnë burime zyrtare në Ministrinë e Arsimit. Sipas tyre, rregullorja e Ministrisë së Arsimit dhe asaj të Shëndetësisë bazohet në ligj, ndërsa përpara se të publikohej është miratuar edhe nga këshilli edhe nga senati. “Rregullorja është publikuar më datë 5 dhjetor në faqen zyrtare të Ministrisë së Arsimit, por edhe në atë të Universitetit të Mjekësisë. Studentët duhet të ishin njohur me të përpara se të dorëzonin dokumentet”, shtojnë të njëjtat burime. Mirëpo, përballë këtij fakti, studentët thonë se edhe nëse do të njiheshin më datë 5 dhjetor me këtë ndryshim në rregullore nuk do të kishin kohë për të zhvilluar provimin dhe për t’ia bashkëngjitur dosjes dëshminë deri më datë 10 dhjetor, kur nisi zyrtarisht procesi i regjistrimit. Sipas të dhënave që disponon gazeta “Shqip”, ajo që është edhe më e rëndë në gjithë këtë situatë është se në qershor të këtij viti, senati i Universitetit të Mjekësisë ka miratuar një vendim, ku thuhet se studentët duhet të zotërojnë nivelin B2 të anglishtes të mbrojtur në Universitetin e Tiranës. Ky fakt dyshohet se mund të jetë bërë shkak për këtë ngatërresë, që nuk dihet se ç’drejtim do të marrë. “Për studentët e mjekësisë që do ta zhvillojnë të hënën provimin e shtetit, do të ketë tolerime. Të rinjtë mund ta dorëzojnë dosjen në sekretari deri më 12 dhjetor, ndërsa rezultatin e testit mund ta bashkëngjisin në vazhdim. Ndërsa nuk dihet ende se cila do të jetë zgjidhja që do t’i japë Universiteti i Mjekësisë, Ministria e Shëndetësisë apo ajo e Arsimit, studentët do të enden dyerve të rektoratit të mjekësisë dhe të këtyre të fundit, me shpresën se do të ketë një alternativë edhe për ta.
Tirane, DECEMBER 2014
The first residential shelter for LGBTI who are left homeless, suffer domestic violence because of their sexual orientation or gender identity, or live in a non safe environment was open in Tirana, marking a milestone for the human rights movement in Albania. Through this temporary housing, beneficiaries will be offered different services including life skills training, vocational training opportunities and psycho-social support.
Two Albanian organizations, “Aleanca LGBT” and “ProLGBT”, have come together in their efforts to offer this unique service. Streha, meaning “the Shelter”, is the first shelter for LGBT individuals in the Balkan region and one of the first in Eastern Europe.
Upon opening, Streha was visited by the Minister of Social Welfare and Youth, Mr. Erion Veliaj; the British Ambassador in Tirana, Mr. Nicholas Cannon OBE; Deputy chief of Mission at the US Embassy in Tirana, Mr. Henry V. Jardine; Program Director at USAID/Albania, Ms. Clare Masson; Executive Director of State Agency for Supporting Civil Society organizations, Mr. Andi Kananaj; and Executive Director of Assist Impact, Mrs. Matty Timm.
Xheni Karaj and Kristi Pinderi guided the guests through the newly renovated facilities of the shelter and shared with them the challenges this service might face.
Karaj said that “this is a concrete service we are offering for those people of the community who should not feel anymore obligated to live under threats and violence of their own families and their communities. Now they have a new solution for whenever they feel in risk”.
While Pinderi stressed that, “the violence against LGBT people is not necessary shown daily at the streets. That violence is a hidden and systematic one inside family environment, schools and other spaces, so for this reason “STREHA” is above all a service for the LGBTI victims of domestic violence”.
Minister Veliaj said that the “National Social Services will get enriched with this independent newly service for LGBTI people”, because according to him, “there is no difference if someone is being persecuted after being trafficked for sexual exploitation, there is no difference if someone is persecuted by a violent family member, and there is no difference if someone is being abused because of his or her sexual orientation or gender identity! And because there is no difference when human rights are violated we also don’t see any difference in the way we should serve to those people whom human rights are violated”. “A European Albania”, he added, “is a country where everyone is represented”.
USAID is the main supporter of this pilot project through its implementing partner “Assist Impact”. Assist Impact, an Albanian NGO, focuses on building the organizational capacity of Albanian NGOs, associations, and even government agencies. Over the past year, Assist Impact has worked with both ProLGBT and Aleanca LGBT to become more efficient in managing complex projects like the shelter.
At USAID, supporting the LGBT community is not only a matter of human rights, but also critical to holistic, comprehensive, and inclusive development. USAID/Albania is proud to support the development of LGBT rights organizations as they launch this innovative and critical service.
AMSHC (State Agency for Supporting Civil Society) is also a co-founder of the project while the British Embassy has facilitated a set of trainings from the “Albert Kennedy Trust”, a foundation running LGBTI shelters in UK since 1989.
British Ambassador said: “This service is part of the lives of particular people who are in their journey of discovering themselves and get fully integrated, so for that reason this project will be a huge achievement which we fully support”.
Mr. Jardine congratulated the Albanian NGOs ProLGBT and Aleanca LGBT in their efforts to make possible this service. He said: “We are very glad as US Embassy that our USAID office working with Assist Impact can cooperate with the Ministry here and UK Embassy in helping the two organizations that are trying to provide shelter for LGBTI in Albania which is clearly a community that need support”.
The primary service offered by “STREHA” will be the housing of LGBTI people for a maximum period of 6 months, including medical assistance when needed. Based on individual plans the shelter will draft and implement a daily and periodic program for each beneficiary that will include vocational and life skill trainings, social and cultural activities, etc. The shelter will also negotiate with state and private institutions to provide employment for beneficiaries. With 12 professional staff members the shelter has a capacity of 8 beds (four for men and four for women) and estimates providing more than 2000 bed-nights for people in need.
For more information please visit www.strehalgbt.al
Tirane, Dhjetor 2014
Qendra e parë rezidenciale për këdo nga komuniteti LGBTI që braktiset, ose që vuan nga dhuna familjare dhe e ambientit ku jeton, për shkak të orientimit seksual apo identitetit gjinor, u hap në Tiranë, duke shënuar një gur kilometrik për lëvizjen e të drejtave të njeriut në Shqipëri. Përfituesit do të kenë një vend ku mund të strehohen për një periudhë tranzitore dhe të nisin një jetë të re, përmes programeve individuale që do ti aftësojnë të gjejnë punë e strehim të mëtejshëm.
Dy organizatat shqiptare “Aleanca LGBT” dhe “ProLGBT” janë bërë bashkë në përpjekjet e tyre për të ofruar këtë shërbim unikal në të gjithë Ballkanin dhe, ndër shërbimet e para të këtij lloji, në të gjithë Europën Lindore.
Ministri i Mirëqënies Sociale dhe Rinisë z. Erion Veliaj, Ambasadori britanik në Shqipëri z. Nicholas Cannon OBE, zv.Ambasadori i SHBA z.Henry V. Jardine, drejtoresha në zyrën e programeve në USAID, znj. Clare Masson, drejtori ekzekutiv i Agjencisë për Mbështetjen e Shoqërisë Civile (AMSHC) z. Andi Kananaj, drejtoresha e “Assist Impact” znj. Mathy Timm dhe të tjerë miq, ishin vizitorët e parë të këtij ambienti.
Dy drejtuesit e kësaj strehe dhe aktivistë për të drejtat e LGBTI, Xheni Karaj dhe Kristi Pinderi i udhëhoqën miqtë në ambientet e rinovuara dhe, bashkë me stafin, u shpjeguan atyre sfidat me të cilat ky shërbim mund të përballet. Karaj tha se: “Ky është një shërbim konkret që ne po japim për t’u ardhur në ndihmë atyre pjesëtarëve të komunitetit që të mos jenë më të detyruar të durojnë dhunën dhe presionin brenda familjeve dhe shoqërive ku jetojnë por të kenë një mundësi më shumë në ato momente kur ndjejnë rrezik”. Ndërsa Pinderi nënvizoi se: “Dhunën ndaj komunitetit LGBTI në Shqipëri jo detyrimisht ne e shikojmë çdo ditë nëpër rrugë! Ajo është një dhunë sistematike që ndodh brenda familjes dhe në shkollë apo në ambientet e tjera publike, ndaj STREHA është mbi të gjitha një shërbim për viktimat LGBT të dhunës në familje”.
Ministri Veliaj u shpreh se: “Shërbimi Social në Shqipëri me këtë strehëz të pavarur për LGBT do të pasurohet”, pasi sipas tij: “nuk ka asnjë dallim nëse dikush përndiqet ose persekuptohet sepse shfrytëzohet nga trafikantët, nuk ka asnjë dallim nëse dikush përndiqet sepse ka një familjar të dhunshëm dhe nuk ka asnjë dallim në qoftë se dikush përndiqet ose dhunohet pse ka një orientim të ndryshëm seksual në familjen ose në komunitetin e vet”. “Kështuqë”, shtoi ministri, “duke qenë se nuk shikojmë asnjë dallim kur shkelen të drejtat e njeriut, nuk shohim asnjë dallim as në mënyrën se si u shërbehet atyre që u shkelin të drejtat, them se ky është një moment që na bën krenarë”.
“Një shqipëri europiane”, tha ai, “është një Shqipëri ku përfaqësohen të gjithë”.
USAID është mbështetësi kryesor i këtij projekti përmes organizatës “Assist Impact” që mundi të asistojë dy organizatat për t’i aftësuar ato në menaxhimin e projekteve komplekse, si kjo strehë. AMSHC është bashkëfinancues, ndërsa Ambasada Britanike ka lehtësuar një seri trainimesh për stafin, bazuar në përvojën e një strehe të ngjashme në Britaninë e Madhe, “Albert Kennedy Trust” (AKT), që funksionon që nga viti 1989 në disa qytete britanike.
USAID ndihet krenar të mbështesë organizatat LGBT teksa ofrojnë këtë shërbim. Për USAID mbështetja ka rëndësi jo vetëm sepse është cështje e të drejtave të njeriut, por edhe sepse është kritike të ketë një zhvillim gjithpërfshirës.
Ambasadori britanik tha se “kjo strehë kontribuon në jetët e atyre njerëzve, të cilët mund të ndodhen në proçesin e zbulimit të vetes dhe në proçesin e integrimit të tyre dhe për këtë arsye mendoj se ky shërbim do të jetë një arritje e madhe për vendin, ndaj ne e mbështesim atë”.
Jardine përgëzoi “ProLGBT” dhe “Aleanca LGBT” për përpjekjet e tyre për ta mundësuar këtë shërbim. Ai tha se: “është e rëndësishme të jemi pjesë e kësaj përpjekje të përbashkët në mënyrë që ky komunitet të ketë një hapësirë të sigurt e të ndihmohet të jetë pjesë e barabartë e kësaj shoqërie”.
Shërbimi primar i “STREHES” është ai i strehimit për një periudhë që mund të zgjasë deri në 6 muaj, periudhë që përfshin edhe ofrimin e asistencës mjekësore. “STREHA”, bazuar në planet individuale për secilin përfitues harton dhe zbaton një axhendë të plotë ditore dhe periodike që përfshin kurse profesionale, kurse të tjera bazike (life skills), aktivitete social kulturore, etj, si dhe, ndërmjetëson për sigurimin sa më shpejtë të alternativave për strehim dhe punësim. Ka një staf prej 12 vetësh profesionistë, një kapacitet prej 8 shtretërish cdo natë (4 për vajzat dhe 4 për djemtë) dhe synon që të jetë një shërbim dhe një ndihmë me të paktën mbi 2000 shtretër-netë për vitin 2015.
strehalbgt.al
Vaginat janë një burim i padrejtë, shumë i përhapur konfuzioni dhe sikleti. Shumë prej nesh nuk dinë se si funksionojnë ato apo se ç’pamje kanë. Por nuk është vetëm kultura popullore që i keqkupton vaginat. Mendjet shkencore dhe mjekësore e kanë keqkuptuar gjatë anatominë femërore. Ne nuk dinim plotësisht se si funksiononte klitori deri në vitin 2009, dhe madje edhe sot, shumë tekste shkollore e paraqesin ndryshe anatominë seksual femërore.
Sigurisht, ne jemi më mirë se gratë në shekujt e kaluar, kur mizogjinia zhurmëmadhe i dha formë të kuptuarit të përgjithshëm kulturor dhe shëndetësor të trupave femëror. Shpjegimet e hershme maskiliste për trupat e grave, janë përdorur për të vërtetuar politikat ligjore seksiste:” ti mbajmë gratë larg shkollës dhe në përgjithësi ta bëjmë njerëzimin e brishtë në lidhje me formën femërore.” Këtu janë disa nga mitet më të çmendura të historisë rreth vaginave: (më tepër…)
Pas Romela Begajt edhe kampioni i botës Daniel Godelli ka rezultuar pozitiv në testin A antidoping. Peshëngritësi shqiptar që fitoi medaljen e artë në dygarësh gjatë kampionatit botëror që u zhvillua në Kazakistan dyshohet se ka përdorur substance të ndaluara.
Pozitiv ka dalë edhe peshëngritësi tjetër Hysen Pulaku, medalist në kampionatin Europian të të rinjve. Nëse dhe testi B antidoping do t’i nxjerrë peshëngritësist shqiptarë pozitiv atëherë Federata Shqiptare e Peshëngritjes rrezikon përjashtimin nga aktivitetet ndërkombëtare.
Kjo nuk është hera e parë që peshëngritësit shqiptarë rezultojnë pozitiv ne testet antidoping. Kujtojmë rastet e Arbër Cerçizit, Fetije Kasës dhe Erkand Qerimajt që rezultoi të kishin përdorur substanca të ndaluara gjatë pjesëmarrjes në aktivitetet ndërkombëtare. Shpalljen e Godellit dhe Romela Begajt si kampionë të Botës, kryeministri dhe ministrja Nikolla e quajtën rilindje të sportit, por tashmë ky etiketim ka rënë bashkë me lavdinë e “kampionëve” të peshëngritjes.
Për të treguar se qeveria e ka marrë seriozisht vlerësimin për sportistët, kampionët Godelli e Begaj u përzgjodhën për të ngritur flamurin në Vlorë në ceremoninë zyrtare për festimet e 102 vjetorit të Pavarësisë.
Marrë nga ResPublica.al
Prokuroria ka kërkuar 55 vjet burg për 10 të pandehurit të cilët akuzohen për vjedhjen e Bankës së Shqipërisë.
Prokuroria ka kërkuar nga 6 vite burg për Dorian Çollakun, Bashkim Xhilagën, Myzejen Belbën, Lavdim Canin dhe Liljana Tushën, ndërsa ka parqaqitur konkluzionet e hetimeve.
Ndërkohë ka kërkuar 5 vjet burg për Bahri Allushin, Gentjan Jahjën, Fatbardha Gurthin, Mehdi Markun dhe Dhimitër Davidhin.
Vendimi për të pandehurit pritet të jepet më 26 dhjetor.
Ish-zyrtarët e lartë të Bankës së Shqipërisë akuzohen për shpërdorim detyre, lidhur me ngjarjen e rëndë të ndodhur në Thesarin e Shtetit, ku u vodhën 713 milionë lekësh.
Ish-guvernatori i BSH-së, Ardian Fullani, ndërkohë është duke u hetuar më vete, së bashku me ish-inspektoren Elivar Golemi./b.l
Marrë nga gazetatema.net
Ndiqni fjalën e Komisionerit të Lartë të Kombeve të Bashkuara për të Drejtat e Njeriut me rastin e Ditës Ndërkombëtare të së Drejtave të Njeriut.
Korrupsioni është një krim i cili na prek të gjithëve, duke vënë në rrezik zhvillimin ekonomik dhe social në të gjitha shoqëritë.
E Marta, 9 dhjetor ishte Dita Ndërkombëtare Kundra Korrupsionit me tematikën “Thyeje zinxhirin e korrupsionit”
Çdo vit 1trillion dollarë paguhet si rryshfet ndërkohë që rreth 2.6 trilion vidhen vit për vit përmes korrupsionit- shifra të cilat arrijnë 5% të GPS-së globale, sipas një raporti të zyrës së OKB për Drogën dhe Krimin dhe UNDP.
Rreth 35 euro për të blerë një skllave seksuale që është mes moshës 40 dhe 50 vjeçe, ndërsa për të blerë një fëmijë që është jo më shumë se 9 vjeçe, duhen 130 euro.
Është çmimi i mijëra vajzave dhe grave që kanë rënë në duart e terroristëve të ISIS-it në Siri dhe Irak. Terroristëve që bëhen padronë të një skllave seksuale, krerët e Shtetit Islamik, i kanë dorëzuar një manual për mënyrën e trajtimit të këtyre grave. (më tepër…)
Dje në Tetovë u mbajt eventi i parë publik LGBT i organizuar nga LGBT Junajted Tetovë.
Në event morën pjesë mbi 50 persona nga të cilët 20 ishin pjesëtarë të vetë komunitetit LGBT. (më tepër…)
Kryeministri i ri kosovar, Isa Mustafa nga ish-kryeministri Hashim Thaçi dallon edhe në një aspekt rrënjësor – Mutafa është biznesmen dhe aksionet e tij i ka me emrin e tij e të të bijve, gjë që nuk e kishte Hashim Thaçi. Zyrtarisht, Thaçi nuk ka pasur kurrë biznese.
Por, cilat janë fijet biznesore të Isa Mustfaës e të bijve të tij, njëri nga të cilët u përball me drejtësinë në gjykatë ditën kur babai po i shugurohej për kryeministër nën një seancë që e udhëhiqte ish-shefi i Shërbimit Informativ të Kosovës (SHIK), Kadri Veseli. Isa Mustafa, një profesor ekonomie në Universitetin Publik dhe anëtarë i Akademisë edhe tash del se ka aksione dhe është person i autorizuar në një sërë biznesesh, shkruan gazeta Express.
Skuadra e futbollit të kryeqytetit është një klub ku ka aksione kryeministri Mustafa dhe disa përfitues të rregullt nga aktivitetet e prokurimit të Komunës së Prishtinës – komunë që e drejtoi për dy mandate Mustafa dhe ia mori nga duart Shpend Ahmeti i Vetëvendosjes. Mustafës, sa e drejtoi Komunën e Prishtinës, shpesh i dëftohej SHIK’u, e sidomos kur ndodhnin arrestime për korrupsion e tenderë në komunën e tij.
“KF Prishtina” bashkon Isa Mustafën me Ragip Mustafën e Ahmet Kurtollin – përfitues nga tenderët e monopolet në kryeqytet, por degëzimi biznesor i kryetarit të Komunës së Prishtinës nuk mbaron me kaq. Ai ka një rrjet të tërë njerëzish me lidhje biznesore e familjare, të cilët kanë përfituar nga buxheti dhe asetet e tjera të komunës.
Kryeministri i ri kosovar dhe kryetari i Lidhjes Demokratike të Kosovës (LDK), Isa Mustafa ka qenë i lidhur me një licencë taksie, me monopolin e krijuar tash e më shumë se një dekadë në fushën e reklamave publike dhe me tenderët milionësh të dhënë për biznesmenin e “papërgjegjshëm”, ndaj vetë Komunës së Prishtinës, Ragip Mustafa.
Djemtë i ngjajnë babës
Salloni i veturave “Makcar”, gjendet në magjistralen Prishtinë-Shkup, në kilometrin e tretë. Kjo kompani, në pronësi të dy djemve të Kryeministrit Mustafa, Arbenit e Besnikut, është diler i BMW’së.
BMW-ja është kompani nga Gjermania, vend ky ku Isa Mustafa në vitin 2009 kishte pasur një sërë udhëtimesh zyrtare – me buxhetin e shtetit.
Përveç në kompaninë “Makcar”, që në deklarimin e parë të pasurisë, më 2010, Isa Mustafa pati thënë se ka 49% të aksioneve, ai po atë vit ka deklaruar se i ka edhe tri biznese të tjera. Mustafa është bashkëpronar me 20 % të aksioneve në “Universitetin Riinvest”, me 1.6 % të aksioneve në Klubin Futbollistik “Prishtina”, si dhe me 5 % të aksioneve në “Intereuropa Kosova L.L.C.”. Në këtë kompani ai ishte në ortakëri me Hazbi Hasanin dhe “Intereuropa D.D.”, kurse si person i autorizuar në biznes, pos djalit të tij, Arben Mustafa, ishte edhe Andrej Karish, shkruan Express.
Në deklarimet e mëvonshme në vitet 2011 dhe 2012, Mustafa specifikonte se pos në “Riinvest”, në kompanitë tjera, aksionet i përfaqësonin të bijtë e tij, Arbeni e Besniku. Pasuria e Isa Mustafës, me aksionet dhe profitet e paragjykuara të bizneseve të të bijve, e deklaruar vullnetarisht në AKK, është mbi 700 mijë euro.
Besnikun e kryeministrit e çoi në gjyq biznesi me bileta
Besnik Mustafa, djali i vocërr i Kryeministrit, në vitin 2010 do të merrte guximin t’i futej edhe sektorit të transportit ku edhe themelon kompaninë “Prime Travel”, derisa fillimin e punës së saj e kishte bërë pa marrë licencën nga ish-MTPT-ja, e drejtuar atë botë nga Fatmir Limaj, tash drejtues i subjektit “Nisma për Kosovën”
Prokuroria Speciale e Kosovës akuzon dy zyrtarë të Ministrisë së Infrastrukturës, tre zyrtarë nga Banka për Biznes dhe dy biznesmenë, për gjashtë vepra penale të lidhura me anulimin e fluturimeve të më shumë se 1.600 udhëtarëve të mbetur në Aeroportin e Prishtinës në vitin 2009.
Njëri nga të akuzuarit është Besnik Mustafa, djali i kryeministrit të sapozgjedhur të Kosovës, Isa Mustafa, i cili në atë kohë punonte në BpB.
Për këtë akuzë ai u desh që të paraqitej në gjykatë pikërisht ditën kur babai po i zgjidhej Kryeministër.
Lidhje e LDK-së dhe e Mustafës me radio-taxit në kryeqytet
Që nga ardhja në krye të Prishtinës të Isa Mustafës, në vitin 2007, publikisht dihet që në tregun e radio-taksive ishin futur “London Taxi”, “City Taxi” dhe pak para se ta humbiste Prishtinën LDK’ja u licencua edhe “Golden Taxi”.
“London Taxi”, është kompani e lidhur me Fatmir Sejdiun, ish-kryetar i LDK-së të cilit në kohën kur iu dha licenca për këtë kompani, Isa Mustafa pos që e kishte shef partie, i shërbente edhe si këshilltar i tij për ekonomi.
Megjithëse Fatmir Sejdiu asnjëherë në deklarimin e pasurisë në Agjensionin Anti-Korrupsion nuk i deklaroi bizneset e djalit të tij, lidhja me familjen Abazi, më saktësisht me biznesmenin Meriton Abazi mik i Bardhyl Sejdiut, e nxjerrë të “zbuluar”, këtë licencë. Kjo licencë e dhënë në atë kohë për djalin e shefit të Isa Mustafës, i dha mundësinë familjes presidenciale të Sejdiut qasje në asetet publike. Meriton Abazi, ishte ortak në kompaninë “London Taxi”, e cila është në emër të Shqipo Sejdiut, djalit të ish-presidentit Sejdiu. Në këtë kompani aksione kishin edhe Muhamet Berisha, Etrit Zeneli e Luan Berisha.
Një vit më vonë, në vitin 2010, do të jepej edhe një licencë tjetër për radio-taksi.
Me këtë licencë për kompaninë “City taxi”, është i lidhur ngushtë Isa Mustafa. Ky biznes i licencuar për të operuarit si radio-taksi u themelua nga Gëzim Idrizi e Burim Hasani, të dy me lidhje me krerët e tanishëm ose të dikurshëm të LDK-së.
Gëzim Idrizi shërbeu shoferi personal i Isa Mustafës, kurse Burim Hasani është nga familja Fona, nga e cila vjen edhe Isa Mustafa, dhe nip i Hazbi Hasanit. Hazbi Hasani, ishte ortak me djalin e madh të Isa Mustafës, Arbenin, në kompaninë “Intereuropa Kosova L.L.C.”.
Mustafa dhe përfitimet e donatorëve të LDK’së me monopolin e reklamave në kryeqytet
Isa Mustafa është aksionar në Klubin Futbollistik “Prishtina”. Në Këtë klub aksionar është edhe Ahmet Kurtolli, i cili së bashku me biznesmenin tjetër, Gëzim Salihu janë ortak në kompaninë “AMM”, e cila mbanin deri vonë monopolin e hapësirave reklamuese në kryeqytet.
Kjo kompani që nga viti 2000 mbajti të drejtën ekskluzive për vendosjes së reklamave në billboarde në kryeqytet, derisa edhe kontrata mbi të cilën ajo punon nuk është publikuar ndonjëherë nga Komuna e Prishtinës nën drejtimin e Isa Mustafës.
Asnjëherë nuk u lejua qasje në këtë kontratë, përderisa e njëjta ishte vazhduar në vitin 2006 mbi një tender që ishte hapur për ndërtimin e kioskave ku do të kishte edhe hapësira reklamuese, shkruan gazeta Express.
Por, edhe në vitin 2006, Zyra e Auditorit të Përgjithshëm, gjeti parregullsi në kontratën me AMM-në. Auditorët që në vitin 2006 në mes tjerash gjetën se çmimet e kësaj kontrate, të lidhur mes komunës në fjalë dhe “AMM-së” janë për 50% ma të ulëta se tarifat komunale ekzistuese. Ndër shkeljet e tjera që ishin gjetur në këtë kontratë, ishte se në panot e ekspozuara reklamohet duhani dhe alkooli edhe përkundër asaj se në rregulloren komunale për taksa e tarifa është e ndaluar të reklamohen këta artikuj, se ishin lëshuar dy akt-vendime të kundërligjshme mbi këtë kontratë, njëra për vendosjen e posterit të Bill Klintonit, ndërsa tjetra për promovim të albumit muzikor. “Për asnjërën nuk janë përdorur procedura të prokurimit. Mos-respektimi i kushteve të kontratës për artikujt që dëmtojnë shëndetin, mungesën e transparencës dhe devijim nga rregullat për taksa dhe tarifa”, ishin disa nga gjetjet e ZAP për kontratën, deri tash sekrete, në mes të Komunës së Prishtinës dhe financuesve të LDK-së, Kurtolli e Salihu.
Kompania AMM më vonë u ekspozua si financuese e LDK-së, partia që tradicionalisht udhëheq me qeverinë lokale në Prishtinë.
Mustafa dhe me tenderët e biznesmenit të papërgjegjshëm, Ragip Mustafës
Isa Mustafa dhe biznesmeni Ragip Mustafa, ndonëse kanë të njëjtin mbiemër nuk janë kushërinj. I pari tash është Kryeministër, kurse i dyti kontraktor tradicional i komunës së Prishtinës që deri vjet u udhëhoq vetëm nga LDK’ja. Sa Isa Mustafa e drejtoi këtë komunë, megjithëse kompania Ragip Mustafës qe shpallur e papërgjegjshme dhe ka bërë ndërtime ilegale në këtë komunë, Isa Mustafa vazhdoi ta mbante afër në biznese e te tenderët publik këtë biznesmen.
Isë e Ragip Mustafën i lidh futbolli duke qenë se ata janë bashkaksionarë në Klubin Futbollistik “Prishtina”, por jo vetëm.
Në komunën e Prishtinës nën drejtimin e Mustafës, biznesmeni Ragip Mustafa, që është pronarë i kompanive “Beni Dona Plast” dhe “Olti Trasing”, me këto dy kompani, vetëm nga viti 2007 ka marrë tenderë dhe hise në tenderë, si pjesë e konzorciumeve, shuma që kapin vlerën prej 3.4 milionë eurove. Këtu përfshihen vetëm tenderët e mëdhenj dhe të mesëm, pa analizuar tenderët e tjerë, ku bizneset e Mustafës marrin hise që nga furnizimi i shkollave me xhama e deri te tenderët për organizimin e ndejave.
Kompania “Beni Dona Plast”, sipas gjetjeve të Auditorit (ZAP), ka qenë një kohë të gjatë e papërgjegjshme ndaj Komunës së Prishtinës, por megjithatë del që ajo është favorizuar duke iu vazhduar kontrata kundërligjshëm.
Kjo kompani bën edhe ndërtime kolektive pa leje. Ragip Mustafa, në lagjen Ulpiana, rruga “Imzot Nikë Prela”, ka ndërtuar objekt kolektiv pa leje ndërtimi. Ajo ndërtesë është shumë e dukshme, dhe mban mbishkrimin “Beni Dona”. Ky biznesmen, “rrugëtimin e favorizmit” nga Komuna e Prishtinës e kishte nisur që në vitin 2005, kur ishte kryetar Ismet Beqiri, tash kryetar gati tradicional i Grupit Parlamentar të LDK-së në Parlamentin e Kosovës.
ZAP në vitin 2006 gjeti se për parkingjet publike nëpër trotuare, Komuna e Prishtinës kishte kontraktuar kompanitë “Beni Dona Plast” dhe “LTG”. Këto dy kompani i mbetën borxh komunës në vlerë prej 164,480 eurosh. “Nga viti 2005, Komuna ka pasur kontratë me ndërmarrjen “Beni Dona”, për dhënien në shfrytëzim të vendeve për parkim publik në rrugët e qytetit. Kjo kontratë është vazhduar edhe njëherë deri me 30.06.2006. Nga zyrtarët përgjegjës në Drejtorinë e Shërbimeve Publike, është thëne se kontrata është vazhduar edhe për vitin 2007. Mirëpo, kjo nuk është ofruar si dëshmi ekipit të auditimit”, shkruajnë auditorët.
Bizneset, aksionet dhe lidhjet aktuale të Isa Mustafës
Në regjistrin e Bizneseve kosovare del që Isa Mustafa ende ka pronësi në: ,,Instituti Riinvest”, Klubi Futbollistik F.C. “PRISHTINA” dhe shoqërinë aksionare “BPrAL RIINVEST”. Në këtë të fundit pronarët janë edhe : Muhamet Mustafa, Sejdi Osmani, Ymer Havolli, Idriz Smaili, Driton Statovci, Lule Ahmedi, Yll Haxhimusa, Nysret Musliu, Arian Shala, Gent Beqiri, Lutfi Zharku , Hazir Gashi , Naim Hoxha , Lumir Abdixhiku, Artane Rizvanolli, Fadil Aliu, Alban Zogaj e Alban Hashani, kurse drejtorë janë shënuar Idriz Smaili, Sejdi Osmani , Gent Beqiri , Dukagjin Pupovci , Luan Shllaku , Naim Hoxha , Mimoza Godanci , Albina Kelmendi e Fatos Hamza.
Te Futbollistik F.C. “PRISHTINA” Kryeministri Mustafa ka si bashkë-aksionarë edhe këta biznesmenë: Hashim Deshishku, Ragip Mustafa, Sheqir Ejupi, Hakif Gashi, Fikret Maqastena , Fatos Hoxha , Ahmed Kurtolli, Remzi Ejupi, Sinan Vllasaliu, Ahmet Beselica, Beqir Çerkezi, Besim Morina, Afrim Muqiçi, Arbnor Morina , Ismet Begolli, Rahman Haradini e Naim Ejupi.
Mustafa del që në dhjetor 2014 është person i autorizuar edhe në “NLB – BANKA E RE E KOSOVËS”, ku persona fizik janë Albert Lumezi, Vullnet Latifi e Lavdim Koshutova, kurse drejtorë të bankës Borut Stanie, Remzi Ejupi, David Benedek e Alojz.
Gazeta Express
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
