“Liria, përparimi, diversiteti, respekti.” Këto janë qëllimet që fotografja Claudia Gonzalez ka shprehur për The Huffington Post. Ato shërbejnë si shpresat ambicioze që qëndrojnë pas projektit të saj fotografik “Ricaktim”. Fotot e mrekullueshme para dhe pas, të individëve që kanë marrë konfirmim për ndryshimin e gjinisë në Kubë, dhe duke bërë këtë, kthejnë në të pavdekshëm një identitet që shumë shpesh është i mohuar. (më tepër…)
Të martën në datën 9 dhjetor ora 11.30 në hollin kryesor te Ministrisë së Kulturës do të mbahet ceremonia e dhënies së çmimeve letrare për vitin që shkoi. Pas një viti të mirë të zbatimit të politikave të Ministrisë së Kulturës në përkrahje të kulturës së librit dhe të përkthimit, të cilët janë mbështetur fuqishëm me projekte konkrete, vijnë natyrshëm në këtë fund viti vlerësimet e krijimtarisë dhe përkthimit më të mirë.
ÇMIMET
Dy janë çmimet e shpallura nga Ministria e kulturës për vitin 2013 :
1.Çmimi I ‘Veprës më të mirë letrare për vitin 2013’ me vlerën 500 000 Lekë
2.Çmimi i ‘Veprës më të mirë të përkthyer për vitin 2013’ me vlerë 300 000 Lekë
JURIA e përbërë nga Brikena Çabej, Saverina Pasho, Rita Petro, Ridvan Dibra, Ben Andoni, emra të njohur të botës akademike, të botimeve, të gazetarisë dhe të botës së përkthimit, e ka nisur procesin e shqyrtimit të veprave që në fillim të muajit qershor të vitit 2014. Janë lexuar dhe është debatuar në juri për të gjitha zhanret letrare në fokus – tregimi, romani, poezia, novela, sikundër edhe prurjet më të rëndësishme në përkthimin letrar.
VEPRA LETRARE NË NJË VIT
Afro 450 vepra ne prozë dhe poezi si dhe vepra të përkthyera në prozë dhe poezi janë veprat e vitit 2013 të shqyrtuara nga juria. Ministria e Kulturës beson se ka një detyrë dhe mision për të dhënë kontributin e saj në nxitjen por edhe vlerësimin e vet të përvitshëm të arritjeve më të rëndësishme letrare dhe përkthimore në vend. Mekanizmi i çmimeve letrare mbetet një nxitës dhe vlerësues i pamohueshëm, për më tepër në një vend si yni ku tregu i librit është modest krahasimisht me atë të vendeve të tjera evropiane dhe nga ana tjetër, ende shkëmbimet letrare me këto vende duhen të intensifikohen në dobi të cilësisë artistike dhe bashkëkohësisë së të menduarit artistik.
Përveç çmimit të madh letrar, i cili u bë me dije që në ceremoninë e çmimeve të vitit të kaluar nga ministrja Kumbaro, nuk mund të lihej jashtë vëmendjes së ministrisë edhe përkthimi letar me një traditë të shkëlqyer tashmë, por edhe me një vijimësi po aq të suksesshme.
TË NOMINUARIT PËR PËRKTHIMIN MË TË MIRË:
ARBEN Dedja- William Blake “Këngët e pafajësisë dhe të përvojës” poezi të zgjedhura
ALKET ÇANI – Saint John Perse, “Poezi të zgjedhura”
ILJAZ SPAHIU – Mo Yan “Bretkosa” , roman
GUILJEM DEDA – Ludovico Ariosto, “Orlando i çmendur” , poemë (në dy vëllime)
SOKOL ZEKAJ – Yves Bonnefoy , “Poezi të zgjedhura”
TË NOMINUARIT NË LËTERSINË SHQIPE:
ALBANA SHALA – “Ngarkesa e fëmijës”- tregime
AZEM QAZIMI i- “Për dhuntinë e mahnitjes” -poezi
FLUTURA ACKA – “Kukullat nuk kanë atdhe”- roman
SHKËLQIM ÇELA – “Ishulli Ruzvelt” – dy novela
THANAS MEDI- “Fjala e fundit e Sokrat Bubës” – roman
Kosova ka më në fund qeverinë e vet. Pas muajsh të tëra negociatash dhe lëvizjesh politike, Kuvendi i Kosovës, ka miratuar sot kabinetin qeveritar. Kryeministër është zgjedhur Isa Mustafa, ndërsa Hashim Thaçi mban funksionin e zv.kryeministrit dhe ministrit të Jashtëm. Hajredin Kuçi, një tjetër emër i njohur do të jetë ministër i Drejtësisë, ndërsa pakica serbe përfaqësohet me ministrin e Administrimit të Pushtetit Lokal, që do të jetë Aleksandër Jablanoviç. Më poshtë qeveria e Kosovës:
Isa Mustafa, kryeministër
Hashim Thaçi- zv.kryeministër
Kujtim Shala- zv. kryeministër
Ministër i Punëve të Jashtme – Hashim Thaçi
Ministria e Financave – Avdulla Hoti
Ministria e Infrastrukturës- Lutfi Zharku
Ministria e Drejtësisë – Hajredin Kuci
Ministria e Zhvillimit Ekonomik- Blerand Stavileci
Ministria e Bujqësisë- Memli Krasniqi
Ministria e Diasporës- Valon Murati
Ministria e Arsimit, Shkencës dhe Teknologjisë – Arsim Bajrami
Ministria e Integrimit Evropian – Bekim Qollaku
Ministria e Mjedisit- Ferid Agani
Ministria e Punëve të Brendshme – Skender Hyseni
Ministria e Shëndetësisë – Imer Rrahmani
Ministria e Tregtisë dhe Industrisë – Hikmete Bajrami
Ministria e Forcës së Sigurisë së Kosovës – Haki Demolli
Ministria e Kulturës, Rinisë dhe Sportit – Kujtim Shala
Ministria e Punës dhe Mirëqenies Sociale – Arban Abrashi
Ministria e Administrimit të Pushtetit Lokal – Aleksandër Jablanovic
Ministri pa Portofol- Edita Tahiri dhe Arsim Demiri.
Marrë nga ResPublica.al
Qëndrimi i Kishës Katolike ndaj të drejtave LGBT vazhdon të jetë një burim konfuzioni, ndërkohë që pranimi zyrtar i njerëzve LGBT sa vjen e shfaqet si më vendosur.
Gjatë sinodit të fundit, Papa Françesku foli sërisht për homoseksualët- duke thënë se Kisha Katolike duhet ti ndihmojë prindërit për të qëndruar përkrah fëmijëve të tyre gej.
Por në të njëjtën kohë ai i qëndroi besimit se martesat gej nuk ishin ende në axhendën e Kishës.
Deklaratat në dukje kontradiktore erdhën në një intervistë të publikuar një ditë pasi Papa i bëri thirrje teologëve më në zë të kishës për të dëgjuar se ç’thonë katolikët e zakonshëm dhe ti kushtojnë vëmendje ‘shenjave të kohës’.
Për më shumë, klikoni këtu
Propozimi për amendimin e dy neneve në Kodin e Familjes, për t’i hapur rrugë bashkëjetesës së çifteve homoseksualë, ka hasur shumë kritika, jo vetëm nga njerëzit e thjeshtë, por edhe nga politikanët. Gjatë diskutimit të raportit të Avokatit të Popullit për të drejtat e personave LGBT, përfaqësuesit e qeverisë dhe deputetët e Komisionit për të Drejtat e Njeriut shprehën angazhimin e tyre, për të bërë përmirësime në legjislacion, për të drejtat e këtij komuniteti. Ky propozim është parë me sy kritik, pasi është interpretuar si cenim i vlerave të familjes. Në një intervistë për gazetën “Shekulli”, Xheni Karaj, drejtoreshë Ekzekutive e Aleancës Kundër Diskriminimit LGBT, u shpreh se bashkëjetesa mes personave me të njëjtin seks është një e drejtë që u takon, pasi orientimi i tyre seksual nuk duhet të bëhet motiv që këta persona të kenë më pak të drejta së të tjerët. Ajo shprehet se, vlerat e familjes nuk prishen nga dy qenie të së njëjtës gjini që jetojnë bashkë, por nga krimi dhe dhuna në familje. Sipas saj, legjislacioni në Shqipëri për komunitetin LGBT është më i mirë se në shumë vende të BE-së, por mungon implementimi i tyre në realitet. Pjesën kritike, e cila vjen nga radhët e politikës, ajo e quan të padrejtë, pasi kjo nuk është rruga e duhur drejt BE-së. Sipas saj, nuk ka integrim evropian pa respektimin e të drejtave të komunitetit LGBT.
Xheni, sipas mendimit tuaj, nëse ligji për bashkëjetesën mes personave të së njëjtës gjini kalon në parlament. Realisht sa do të ndikojë te personat e komunitetit të LGBT-së? A do të ketë çifte të guximshëm për të jetuar bashkë edhe ligjërisht?
Duhet të sqarojmë se, ky nuk është një ligj i veçantë, që rregullon bashkëjetesën mes personave të së njëjtës gjini, por thjesht një amendim i dy neneve të Kodit të Familjes, që më parë e përcaktonin bashkëjetesën, si bashkim midis një burri dhe një gruaje. Ndërkohë që me ndryshimet e propozuara, bashkëjetesa do të përkufizohet si bashkim mes dy njerëzve, duke krijuar hapësirën ligjore për njohjen e bashkëjetesës dhe të personave LGBT. Çiftet gay dhe lesbike do të kenë mundësinë përmes këtyre ndryshimeve të shkojnë te një noter dhe të nënshkruajnë një kontratë, e cila nga aspekti ligjor e mbron gjithçka që ata kanë ndërtuar bashkërisht gjatë viteve të bashkëjetesës. Ky është një hap i parë, por jo një zgjidhje përfundimtare, pasi dhe përmes ndryshimit të këtyre dy neneve çiftet e LGBT-së nuk gëzojnë të njëjtat të drejta si çiftet heteroseksuale. Janë të shumta çiftet e gay dhe lesbike, që bashkëjetojnë dhe kanë ngritur një jetë dhe familje, së bashku gjatë viteve të fundit. Ka ardhur momenti që këto çifte mos të trajtohen më si qytetarë të dorës së tretë, por të gëzojnë të drejta të plota. Aty ku ekziston nevoja për të njohur ligjërisht një marrëdhënie, për të cilën ke investuar për vite të tëra, duke kaluar dhe shumë mundime, të cilat çiftet homoseksuale nuk kanë pse i kalojnë, pasi dashuria e tyre merret si e mirëqenë, sigurisht që gjendet edhe guximi.
Ndiqni intervistën e plotë këtu
“Unë jam feminist.” Kjo deklaratë ka shkaktuar shumë reagime kur vjen prej meje, një mashkulli.
Atëherë, pse jam feminist? Arsyet kryesore përfshijnë një dëshirë të zjarrtë e të thellë për drejtësi sociale dhe barazi, si dhe dëshirën për një shoqëri më pragmatike e cila i jep më prioritet meritës sesa dallimeve sipërfaqësore.
Por unë jam feminist nga perspektiva e fuqizimit mashkullor. Pyetjes së zakonshme dhe shumë konfrontuese “po meshkujt dhe të drejtat e tyre?”, sa herë që dikush flet për gjendjen e grave, mund ti përgjigjet shumë lehtë me “feminizmi është zgjidhja.”
Kështu që, unë jo vetëm që dua të jem feminist, por si mashkull, unë kam nevojë të jem feminist. (më tepër…)
Këngëtari i famshëm italian Mango, shumë i njohur në Shqipëri për këngën e tij “La Rondine”, ka ndërruar jetë në moshën 60 vjeçare ditën e dielë pas një infarkti në zemër.
Këngëtari pësoi infarkt gjatë një koncerti dhe humbi jetën rrugës për në spital.
Ndonëse në shumë rrugë të Shqipërisë sinjalistika rrugore mungon, ka të tilla ku për të treguar se duhet vazhduar të ecet drejt janë plot 3 tabela të vendosura pranjë njëra tjetrës. Rruga është me një drejtim dhe mund të ecet vetëm drejt por gjithsesi bashkia e ka parë të arsyeshme të vendosen 3 tabela për të të orientuar, edhe pse çdo tabelë është kosto.
Foto në kuadër të konkursit Historia Ime.
Tirana njihet si një qytet ku është shumë e vështirë të gjesh parkim, ku disa parkojnë dyshe e të tjerë parkojnë aty ku nuk lejohet të parkosh, por një parkim të tillë nuk të ndodh ta shohësh çdo ditë.
Foto në kuadër të konkursit Historia Ime.
Bashkia e Tiranës, me rastin e festave të fundvitit, ka zbukuruar sot sheshin Skëndërbej duke vendosur pemën e Krishtlindjes.
Pas njoftimit të qeverisë se debitorët të cilët do të paguajnë menjëherë (pa këste) faturat e energjisë do të përfitojnë ulje 80% të kamatvonesës, në zyrat e OSHEE në kryeqytet ka patur një fluks të madh debitorësh që dëshitojnë të paguajnë. Banorët e Tiranës kanë pritur për disa orë në rradhë edhe pse koha ishte me shi.
Drejtoria Rajonale e Kulturës Kombëtare Berat, vazhdon punimet restauruese në objektet e trashëgimisë kulturore. Përfunduan punime restauruese në Katedralen “Fjetja e Shën Marisë”, ku ndodhet fondi I Muzeut Ikonografik “Onufri” u realizua izolimi solid me materialin e plumbit i një segmenti tepër problematik. 
Gjithashtu u restaurua totalisht edhe mbulesa me çati e portës së madhe në anën perëndimore të Katedrales. Punime të pjesshme vazhdojnë të kryhen edhe në fasadën ballore në anën veriore të Muzeut Etnografik.
Intervista me Green Line Albania: https://soundcloud.com/radiostacionitirana/dita-nderkombetare-e-vullnetarizmit-intervista-greenline
– Intervista me vullnetaret e Institutit Ramazan Kabashi
https://soundcloud.com/radiostacionitirana/dita-nderkombetare-e-vullnetarizmit-ramazan-kabashi
– Intervista me vullnetaren e Organizates Pertej Barrierave:
https://soundcloud.com/radiostacionitirana/dita-nderkombetare-e-vullnetarizmit-organizata-pertej-barrierave
Intervista me perfaqesues te ASA:
https://soundcloud.com/radiotacioni/dita-nderkombetare-e-vullnetarizmit-asa
– Intervista me perfaqesues te Kongresit Rinor Kombetar:
https://soundcloud.com/radiostacionitirana/dita-nderkombetare-e-vullnetarizmit-kongresi-rinor-kombetar
– Intervista me perfaqesuesen e Levizjes Mjaft Serena Leka:
https://soundcloud.com/radiostacionitirana/dita-nderkombetare-e-vullnetarizmit-serena
Ilir Shaqiri dikur përmes këngës ia përkujtonte perëndimit se jemi Evropë dhe ia kërkonte kthimin e borxhit, apo lirinë e mohuar si komb.
Sot lirinë kombëtare e gëzojmë, por për shkak të disa vlerave që na karakterizojnë, sidomos shtypjes që i bëjmë lirisë së vajzave dhe grave,ne nuk mund të pohojmë se jemi tamam Evropë (të paktën jo Evropë bashkëkohore).
Këtë borxh ndaj gjinisë së shtypur nuk mund ta kërkojmë askund tjetër përveçse brenda vetes. (më tepër…)
Ministria e Mirëqënies Sociale dhe Rinisë dhe Komiteti i Helsinkit ju ftojnë në shfaqjen e filmit “E-Team”, në Kinema Millenium ditën e mërkurë, 10 dhjetor në orën 16:30. Pas filmit do të ketë një bashkëbisedim mes znj. Vjollca Meçe, drejtore ekzekutive e Komitetit Shqiptar të Helsinkit dhe z. Fred Abrahams, këshilltar special pranë Human Rights Ëatch.
Sinopsi i filmit:
…Anna, Ole, Fred dhe Peter janë anëtarë të Ekipit të Emergjencave – ose E-Team – një nga seksionet më të guximshme të një organizate të respektuar ndërkombëtare për të drejtat e njeriut (Human Rights Watch). Trajnuar për t’u marrë me krizat që sapo shpërthejnë, E-Team fluturon në pikat e nxehta në të gjithë botën, sapo aty ngrenë krye dyshimet për abuzim të të drejtave të njeriut….
“E-team” ka fituar mbi 25 çmime në festivale ndërkombëtare, duke përfshirë Çmimin për Kinematografinë në Festivalin Sundance, festivali më i madh i filmave nga shtëpi kinematografike të pavarura në SHBA.
Media të rëndësishme si Washington Post, Los Angeles Times, Hollywood Reporter, CNN, ABC dhe të tjera kanë vlerësuar lart filmin “E-team”.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
