Në kuadër të zbatimit të politikave rinore në Shqipëri dhe përafrimit të këtyre politikave me ato të Bashkimin Evropian, Drejtoria e Koordinimit të Politikave Rinore në Ministrinë e Mirëqenies Sociale dhe Rinisë do të organizojë një program 5 ditor trajnimi me titull “Demokracia dhe të Drejtat e Njeriut” në datat 4-8 Dhjetor 2014 në Voskopojë, Korçë.
Trajnimi do të realizohet në formën e debatit dhe të folurit publik rreth demokracisë, qeverisjes, rolit të medias dhe aktivizmit qytetar. Qëllimi i këtij trajnimi është të inkurajojë të rinjtë të marrin pjesë aktive në shoqëri dhe të zhvillojë aftësitë e tyre analitike dhe të komunikimit. Përmes teknikave më të mira të trajnimit dhe nën udhëheqjen e lektorëve profesionistë, pjesëmarrësit do të kenë mundësinë të zgjerojnë njohuritë e tyre mbi çështjet dhe idetë e demokracisë dhe të drejtat e njeriut, me rolin e medias, të folurit publik dhe aktivizimit qytetar dhe të njihen me kushtet, problematikat, mundësitë dhe hapsira zbatimit të këtyre fushave në Shqipëri.
Kualifikimet
Pjesëmarrësit duhet:
-Të kenë njohuri të mira të gjuhës angleze.
-Të kenë aftësi të mira komunikimi.
-Të jenë nga mosha 18-26 vjeç.
Afati i aplikimit: 28 Nëntor 2014 Data e selektimit: 30 Nëntor 2014 Të gjitha shpenzimet janë të mbuluara nga organizatorët. Të rinjtë e interesuar për të marrë pjesë në këtë trajnim të plotësojnë formën e aplikimit më poshtë. Nëse përzgjidheni për të marrë pjesë në këtë trajnim do të njoftoheni nëpërmjet telefonit ose e-mailit brënda datës 30 Nëntor, 2014
Formulari i aplikimit: https://docs.google.com/forms/d/1jsBKXZE49_gGERtbPEdHrYF2dJ5ByPjcjfDEXu5zAcw/viewform?c=0&w=1
- Advertisement -
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.