Në një urdhër të firmos nga Ministrja e Shëndetësisë, Ogerta Manastirliu, dhe të lajmëruar nga kryeministri Edi Rama, është vendosur që ditën e shtunë, 19 prill 2020, deri në orën 11:00 në qendrat urbane, vetëm nënat do të mund të dalin me fëmijët e tyre.
Por, ky urdhër është duke u parë nga aktivistë të shoqërisë civile si seksist.
Pyetja që po shtrohet në rrjetet sociale është se çfarë ndodh nëse nëna duhet të shkojë në punë herët, dhe është babai ai që kujdeset për fëmijën/fëmijët?
Pse duhet që të specifikohet “nëna” në vendimet e qeverisë, kur dihet se t dy prindërit kanë të drejta dhe detyrime mbi fëmijën?
Po në rastin e një çifti të ndarë, ku të drejtën për ta mbajtur fëmijën e ka fituar babai, çfarë do të ndodhë nesër?
Aktivistja Gresa Hasa shkruan në rrjetet sociale: Kryeministri i shtetit, shembëlltyra tipike e burrit të dhunshëm patriarkal, afërmendsh, përkujdesjen e fëmijëve e konsideron “punë grash” dhe kjo nuk është hera e parë që një qëndrim e deklaratë e këtillë vjen prej tij. Më kujtohet se si fill pas marrjes së pushtetit, Rama nisi t’ua bënte llogaritë e amësisë edhe ministreve të veta, padyshim, pasi i thumbonte me ofeza të ndryshme e disa syresh, i shkrehte në lot në odën e burrave që është parlamenti shqiptar. Një mesazh i tillë s’duhet të surprizojë askënd prej nesh. Përkundrazi, ai duhet ngulitur mirë në vetëdijen tonë kritike në mënyrë që pas shtetrrethimit, të organizohemi siç na ka hije e t’ia tregojnë vendçe vendin “baballarëve të kombit”, me radhë, duke nisur sigurisht, nga një kryemizogjin si Rama.
Marsida Çela shkruan nga ana tjetër: Meqe neser kane leje nenat me femije me linden disa pyetje per vendimin e fundit te z. Kryeminister.
Si mund te dale vetem nje nene me tre femije (grupmosha 3,5&6 vjec)?!
Pergjegjesine e prinderimit e kane vetem nenat?!
Baballaret cfare roli kane ne mirerritjen e femijeve?!
Ja keshtu nuk di c’te them???
Gazetari Isa Myzyraj shkruan: Cfare ndodh nese ne nje familje, gruaja eshte infermiere dhe do te shkoje ne pune ne 6 te mengjesit, dhe djali/vajza 8 vjecare, rrine ne shtepi me babin i cili eshte i papune.
Pyetja eshte, a kane te drejte keto femije te dalin neser me babin?
Pasi Rama, ka qene i qarte, vetem mamate duhet te dalin me femijet?
Rritja dhe kujdesja ndaj femijeve, nuk eshte pune grash aspak i dashur Ramë!
Agon Maliqi shkruan: Fëmijët do të mund të dalin pas 37 ditësh… poooor… vetëm me nënat. Çfarë vendimi seksist. Ç’punë ka shteti me përcaktu se me kë duhet/mund të dalin fëmijët?
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.