Rruga “Sali Nivica”, është pjesë e njësisë bashkiake nr. 1 të kryeqytetit, megjithatë nisur nga niveli i ndotjes dhe plehrat e shpërndara kudo, mund të thuash pa frikë që duket si një pikë grumbullimi plehrash. Në trotuarin e pallatit ku jetoj, një ndërtesë e re 10-katëshe, komshijtë e mi, siç duket, kanë rënë dakord të gjithë të vetë-shpallin trotuarin “kosh plehrash”. Edhe shumë faj nuk mund t’u vësh këtyre njerëzve, sepse ç’është e vërteta në këtë zonë nuk ka një kosh të mirëfilltë plehrash, por nga ana tjetër është e papranueshme që në mes të kryeqytetit të hidhen plehrat në trotuar. Kam çuar një ankesë edhe në njësinë bashkiake që të na sjellin një kosh plehrash, por ende s’kam marr përgjigje.
(Fotoja u publikua në uneraportoj.mjaft.org)
Trending Now
Pse të mos votoni Aulon Kalanë?
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.