TIRANE- Pas gati 6 orësh janë ndërprerë kërkimet për gjetjen e 18-vjeçarit Erjon Alizoti i cili u rrëzua në kanionet e lumit Erzen, pas malit të Dajtit, raporton shqiptarja.com. Bashkë me Alizotin, u rrëzua edhe një djalë tjetër, i cili arriti të dilte nga uji, dhe të shpëtohej nga shokët. Dy të djemtë, së bashku me një grup të rinjsh, kishin zgjedhur ditën e sotme për të zhvilluar një ekskursion në “Shpellën e Pëllumbasit”. Ndërsa rrëzimi i të rinjve në kanion ka ndodhur rreth orës 14:00.
Sipas pjesëtarëve të tjerë të grupit që panë ngjarjen, dy djemtë po lanin duart me ujin e lumit Erzen, por kanë rrëshkitur dhe janë rrëzuar. Kamera e “A1 report” ka shkuar në vendin e ngjarjes, duke sjellë edhe pamjet nga terreni i vështirë ku kanë ecur të rinjtë.
LEXONI EDHE: Tragjedia e Himares…
Menjëherë pas raportimit të ngjarjes, në zonë kanë mbërritur forcat e policisë dhe polumbarët të cilët kanë vijuar për rreth 6 orë kërkimet për gjetjen e të riut, por tashmë kërkimet janë ndërprerë për shkak të errësirës. Ndërsa pritet që kërkimet të rinisin nesër me mjete më të specializuara.
Ndërsa, i riu i cili u mund të nxirrej nga kanioni u dërgua në spital për të marrë ndihmë mjekësore, dhe mësohet se ndodhet jashtë rrezikut për jetën.
Lexoni me shume KETU
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.