Vrasja e Santos: Ardian Vehbiu u ben apel politikaneve qe “te qajne pa ze”
Redaksia
Posted On 27/06/2014
Sa herë që ndodh një gjë e rëndësishme e natyrës jo politike në Shqipëri, sidomos kur kjo gjë është një ngjarje tragjike, të parët që nguten të shprehen janë politikanët. Edhe dje, teksa u mor vesh se kishin vrarë Artan Santon, versionet online të gazetave zunë të raportonin deklaratën e njërit apo tjetrit syresh.
“Qani pa zë, ju lutem”, shkruante qysh në titullin e njw shkrimi Ardian Vehbiu. Dhe thosh: “Nëse ka një gjë që nuk duhet të ndodhë, është pikërisht kjo që po ndodh tani: politikanët, qeveritarët dhe personalitetet e tjera shtetërore që mbajnë radhë pranë mikrofonëve të TV-ve, për t’i rrëfyer publikut se çfarë ndiejnë ata përballë këtij krimi”.
Dhe vijon: “Është e drejta e tyre të reagojnë emocionalisht dhe personalisht ndaj kësaj vrasjeje; sikurse është e drejta e tyre që këto reagime t’i mbajnë private dhe e drejta e publikut që t’i kursehet sentimentalizmi herë i ndier dhe herë i shtirë, por gjithnjë pa vend, i të gjithë atyre që nuk kanë gjë për detyrë të vajtojnë publikisht të vrarët, as janë zgjedhur për këtë dhe as paguhen si vajtojca”.
Shënimin e plotë të tij mund ta ndiqni në linkun http://peizazhe.com/2014/06/26/qani-pa-ze-ju-lutem/
Marrë nga ResPublica.al
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.