Anetartet e Keshillit Bashkiak kater muaj pa rroga, shkak bllokimi i buxhetit te bashkise
Redaksia
Posted On 26/07/2014
Anëtarët e Këshillit Bashkiak të Tiranës kanë katër muaj pa marrë rrogat. Pagat e anëtarëve të Këshillit Bashkiak nuk janë dhënë që nga muaji prill për 55 këshilltarët e Këshillit Bashkiak të Tiranës. Shkak për mospagesën e tyre me sa duket është bërë bllokimi i buxhetit të Bashkisë së Tiranës.
Kështu shkruan sot “GSH”. Sipas kësaj të përditshme, paga e këshilltarëve të këshillave vendorë është sa 10 për qind e pagës së kryetarit të bashkisë apo të komunës. Pra, këshilltarët e Tiranës e kanë pagesën sa 10% e pagës së kryetarit të bashkisë, Lulzim Basha.
Sipas një vendimi qeverie të miratuar në vitin 2012, niveli i pagës së kryebashkiakut të Tiranës varion nga një minimum prej 140 mijë lekësh dhe një maksimum prej 174.8 mijë lekësh në muaj. S.S
Marrë nga ResPublica.al
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.