F-22 amerikane sulmojne ISIS ne Siri

Komanda Qendrore e SHBA ka nisur të publikojë video nga aksionet në Siri.

Amerika nisi sulmet ajrore për herë të parë ndaj pozicioneve të militantëve të Shtetit Islamik në Siri, mbështetur nga disa shtete arabe.

“Kjo nuk është vetëm beteja e Amerikës,” citohet te kete thene presidenti Barack Obama.

Raportohet se mbi 20 militantë islamikë kanë vdekur gjatë sulmeve.

Për herë të parë në këto luftime janë përfshirë edhe avionët F-22, që kushtojnë mbi 139 milionë dollarë.

Sulme ka pasur edhe ndaj grupit ekstremist Khorasan, që thuhej se do planifikonte sulme në Perëndim.

Në videot e mëposhtme shihet se si shkatërrohen objektivat, por edhe se si rifurnizohet një avion F- 16.

Sulmet kanë ardhur nga avionët, por edhe nga anijet luftarake.