Prej 1 janarit 2018, paketat e duhanit që tregtohen në Shqipëri duhet të përmbanin imazhe të sëmundjeve dhe dëmeve që duhanpirja shkakton në shëndet. Kjo sipas një vendimi të marrë nga Ministria e Shëndetësisë, në kuadër të Ditës Botërore Kundër Duhanit, më 31 maj 2016.
Në njoftimin e publikuar nga Ministria e Shëndetësisë në vitin 2016, thuhej se ky vendim erdhi në vijim të masave të rekomanduara nga Organizata Botërore e Shëndetësië mbi vendosjen e paralajmërimeve për efektet e duhanit në shëndet.
“Paketimi i ri hyri në fuqi për të gjitha vendet e BE-së, me një direktivë të posaçme të Parlamentit Evropian”, thuhet në këtë njoftim.
Fakti është se në Shqipëri nuk ka ende asnjë paketë duhani me foto paralajmëruese dhe duket se ky vendim është lënë në harresë.
/l.k./
Trending Now
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.