Gratë në Bashkimin Europian paguhen mesatarisht 16.2% më pak se burrat, sipas një raporti të Komisionit Europian.
Më 3 nëntor, Dita e Pagës së Barabartë në BE-së do të shënohej nga raporti i KE ku thuhet se gratë realisht paguhen për 10 muaj të vitit, edhe pse punojnë 12.
Nënkryetari i parë i Komisionit Europian Frans Timmermans, Komisionerja Marianne Thyssen dhe Komisionerja Vera Jourová thanë se: “Gratë dhe burrat janë të barabartë. Kjo është një nga vlerat themelore të BE-së. Por gratë ende punojnë në mënyrë efektive për dy muaj pa pagesë në një vit, krahasuar me pagat e kolegëve të tyre meshkuj. Nuk mund ta pranojmë më këtë situatë, ”
Komisioni ka nisur një “Plan Veprimi të BE-së për Trajtimin e Pagës Gjinore”, i cili fokusohet në tetë fusha kyçe për veprim, duke përfshirë luftimin e stereotipeve dhe masa ligjore për barazinë në paga.
Hephzi Pemberton, Drejtori Ekzekutiv i Grupit për Barazinë, tha për Euronews se “ndryshimi definitivisht fillon me një vetëdije dhe transparencë më të madhe rreth çështjeve”, por duhet të kemi dhe “një qasje më aktive lidhur me reduktimin e këtij hendeku që ekziston, për të promovuar më shumë gra në pozita të larta drejtuese”, / k.j
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.