Kryeministri gej i Luksemburgut, Xavier Bettel tha në një fjalim gati në lutje kundrejt Kombeve të Bashkuara, se të gjithë kanë për detyrë ta sfidojnë gjuhën e urrejtjes.
Fjalimi – i cili raportohet se është fjalimi i parë në Kombet e Bashkuara nga një udhëheqës publik homoseksual për të drejtat LGBTI+, – u bëri thirrje liderëve të tjerë të parandalojnë që liria e shprehjes të shkaktojë dëm në jetët e njerëzve dhe të drejtat e tyre, raporton Reuters.
“Ne të gjithë jemi pjesë dhe të gjithë e kemi si përgjegjësi,” tha Bettel.
“Kjo fillon nga … politikanët, por shkon e përcjellë edhe në një mbrëmje familjare, në darkë me miqtë, me familjen. Nëse ata përdorin gjuhën e urrejtjes atëherë duhet të merreni me ta.
Në një moment tjetër gjatë fjalës së tij, Bettel tha: «Të jesh homoseksual nuk është zgjidhje, por të mos e pranosh atë është zgjedhje. Homofobia është një zgjedhje dhe ne duhet të luftojmë kundër saj ”.
Fjalimi vjen vetëm një javë pasi kryeministri homoseksual u la në këmbë i vetëm në një konferencë për shtyp, teksa kryeministri i Mbretërisë së Bashkuar Boris Johnson nuk u paraqit. Johnson ishte në Luksemburg si pjesë e përpjekjeve të MB për të negociuar një marrëveshje të re të Brexit – megjithatë, ai u takua me protestuesit dhe për pasoje anuloi paraqitjen e tij në një konferencë shtypi.
Liri Kuçi
Referuar: Reuters
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.